CHAPITRE IV

Comment le dauphin de France et toutte sa compagnie retourna du secours du duc d'Autriche; et aussi d'autres matiéres.

Au commencement de l’an mil quatre cents quarante el cinq, après que iceluy dauphin, fils du roy de France, et ceux de sa partie, eurent, par long espace de temps , continué la guerre au pays d'Allemagne, et que le duc d'Autriche et autres seigneurs du pays furent, pour la plus grand’ partie, reconciliés avecleurs adversaires, par le moyen de l’empereur , qui, pour le repos de ses scigneuries, vassaux ct subjets , s’y estoit fortemployé, car il avoit envoyé plusieurs fois diverses ambassades très solennelles , èsquelles il y avoit des gens de grand’ façon, sages et prudents, qui fort s'employoient pour le bien public, tant par devers icelui dauphin, comme devers les scigneurs dessusdits ; quand donc toules les besongnes et discours sus mentionnés furent toutes traitées et mises en douceur, d’un costé et d'autre, le dauphin conclud ct se disposa de retourner en France; ct, en partie, par les mesmes passages, marches et pays qu’il avoit tenus en y allant, il s'en revint jusqu’à Monthbéliart, où 1l séjourna quelque peu de jours. À son départ, 11 y laissa garnison de ses gens, jusques au nombre de cinq cenls combattants, ou environ; desquels fut laissé chef et capilaine Joachim Rouault. De là, par les marches de Bourgongne, il ira devers le roy de France, son père, lequel enfin 1l trouva. Et par luy et ceux de la cour il fut receu et festoyé très joyeusement ; ct aussi le furent les seigneurs el capitaines qui cstoient avec luy, qui avoicnt beaucoup souffert ; car, durant le temps de son retour, et avant qu'il fut dehors d'iceluy pays d’Allemagne , il y cut plusieurs de ses gens qui curent de très grands affaires ; cl, nonobstant que les querelles pour lesquelles il y esloit allé fussent, ainsi que dit est, appaisées, si y avoit-il plusieurs haulsaires *, et autres grand norñbre

1 Hommes déréglés, hautains.

de paysans des gens du pays, qui faisoient à ses gens très forte guerre, el qui les tuoient et destroussoient quand ils les pouvoient trouver ct atteindre en aucuns passages cscarlés : le semblable ne manquoient pas de faire les François, quand ils les rencontroient à leur advantage.

Il me fut mesme cerufié, sur ceste besongne, par aucuns nobles ct plusicurs gens dignes de foy, qui avoient eslé en ce voyage soubs et en la compagnie dudit dauphin, qu’il y demeura des siens, depuis son entrée audit pays jusques àson retour, mille hommes de gucrre, ou plus, tous gens de bonne estoffe, sans les houspouilliers , fourragers, et autres gens de petit estat, desquels il y cut très-grand nombre. Mais , à la vérité, iceux François leur firent ct portèrent par plusieurs fois de grands dommages ; et ne s’osoient ceux du pays bonnement trouver devant les François, en plein champ, ni en bataille arrestée; mais seulement prenoient-ils grand’ peine à les attrapper ct trouver ès passages estroits et serrés dudit pays.

Après que le dauphin et sa compagnie furent retournés, comme dit est, devers leroy, ses gens s’entrelinrent, par grosses compagnies, sur les marches de Lorraine, de Bourgonguc et de Barrois; entre lesquels il y eut aucuns capitaines quise logèrent en un gros village, dans le pays de Bourgongne , duquel pays le seigneur de Blamont, mareschal de Bourgongne, avoit la garde de par le duc ; lequel, incontinent qu'il sceut que lesdits capitaines et leurs gens estoient logés en iceluy village , il se mit sus, avec une grosse puissance de Bourguignons, et les alla assaillir et leur courir sus : là il y eut une très grosse destrousse, ct des gens bien battus d’un costé et d'autre, de quoy le dauphin ne fut pas bien content.

Pendant le temps que telles besongnes se faisoient, et qu'icelles compagnies s’entretenoient ainsi, ceux de ladite ville de Metz cstoient en plusieurs pensées et tribulations, cltenoient plusieurs conseils et assemblées dedans leur ville. Finalement, ils conclurent de renvoyer devers le roy de France, qui cstoit encores en la ville de Nancy, afin d’oblenir ct d’avoir sauf-conduit et seureté pour certain nombre des leurs, pour aller et venir devers lui; ce qu'ils firent : et il leur fut ainsi octroyé de par le roi; carils ne désiroient qu’avoir ct conclure un traité avec luy ; et ne leur chaloit, mais que par

argent ils pussent demeurer en sa grace. Lequel sauf-conduit estant ainsi apporté à ceux de Metz, ils choisirent pour leur ambassade des gens de bonne façon , en nombre compétent , auxquels ils baillèrent pleine puissance el charge générale de négocier et traiter par-deversile roy de France, pour le bien de ladite ville et du pays, selon et en la meilleure forme et manière que faire se pourroit. Lesquels ambassadeurs partirent d'icelle ville, et tirèrent deversle roy, auquel ils firent plusieurs proposilions ct remonstrances, sur lesquelles il fut, par le conseil du roy, contesté et débattu, et, par chacune des parties, répliqué ct dupliqué.

Finalementla conclusion fut telle, quelc roy demeura content d’eux, à telle condition, que ceux de ladite ville luy rendroient tous les prisonniers que, durant la guerre, ils aYoient pris de ses gens, francs ct quittes , avec tous leurs scellés et ostages, si aucuns en avoient; et de plus, qu'ils lui paycroient une très grosse somme de denicrs, pour récompense des frais et despens qu'il avoit faits, afin d’entretenir son armée contre eux, depuis la sommation susmentionnée par luy à eux faile. Mais quand ce vint au jour que lesdits prisonniers , dont il y avoit grand nombre, devoient estre délivrés, il en fut trouvé assez peu ; car, à chaque fois qu'ils les avoicnt pris, 1ls les avoient noyés secrétement, ou au moins la plus grand’ partie; au sujet de quoy, les gens du roy, cela estant venu à leur connoissance, furent très mal contents d'eux. Néantmoins la chose demeura à ce poinct, ct n’y sceurent avoir sur ce aucune autre provision ny remède.