CHAPITRE CXI

Incident du comte d’Armagnac.

Au commencement de cest an mil quatre cents cinquante et cinq, fut partout publiée une sentence d’excommuniement , donnée par le pape Nicolas, contre Je comte d’Armagnac, pour raison de ce que, trois ou quatre ans auparavant, icelui comte avoit eu habitation charnelle avec une sienne sœur germaine, qui estoit, pour ce temps, tenue une des belles femmes du royaume de France, de l’age de vingt-deux ans, et de laquelle 1l avoit eu deux enfants; et icelui comte estoit lors agé de trente-six ans. Laquelle chose estant venue à la cognoissance du roy Charles, il en fut fort desplaisant, pour deux raisons; l’une pource que c’estoit contre la sainte foy ; et l’autre, pource qu'icelui comte estoit descendu de la couronne, et que bien lui sembloit qu’aucuns chrestiens de bonne foy ne debvoient faire telles fautes. Néantmoins, pour retirer ledit comte d'icelle folie, et éviter ladite csclandre, il envoya plusieurs fois devers lui des gens de grande façon et de bon entendement, pour lui remonstrer le grand mal et le deshonneur qu'il se faisoit, et que de ce se voulust déporter; et, en ce faisant, il prendroit peine envers le pape, pour lui faire avoir son absolution , el lui pardonner son pesché. Après lesquelles remonstrances ainsi faites à Jui par plusieurs fois , il dit ct déclara que de ce il se déportleroil.

Sur ces responses , icelui roy Charles croyant qu'ainsi il le deust faire, il envoya devers ledit

| pape, lequel, par son moyen et sa requeste,

lui pardonna ledit cas, et lui envoya son absolution, sous condition qu’il promettroit de ne jamais retourner audit pesché ; et ce promit-il au roy Charles, lant pour lui comme pour ledit pape; mais co nonobstant, peu de temps après, 1l retourna comme devant à sondit pesche , tellement que depuis il en eut encore un

enfant. Et pour couvrir sondit cas, il fit courir une voix en ses pays, qu'il avoit bulles du pape, par lesquelles 1l pouvoit cspouser sadite sœur : et, sur ceste voix il commanda à un chapelain de son hostel qu’il les espousast ; lequel demanda à voir les lettres et bulles devantdites , disant qu’autrement il neles espouseroit. De laquelle response iccelui d’'Armagnac fut mal content, et lui dit qu’il estoitassez croyable, et que jà ne les lui monstreroit ; et que s’il faisoit difficulté de les espouser , il le feroit jeter en la rivière. Lequel, pour le doubte qu'il avoit de sa vie, et qu’autrement il n’en pouvoit eschapper, espousa lesdits comte etsa sœur, combien que sadite sœur ne s’y vouloit consentir ; et me fut dit qu’il la maintenoit comme par force et violence, et qu’elle estoit très desplaisante de leur pesché.

Lesquelles choses revenues à la cognoissance, tant dudit pape comme du roy, icelui pape jetta de rechef la sentence d’excommunicment sur ce comle et sur sa sœur ; et mesme sur ceux qui de ce avoient esté et seroient consentants. Et, pour tousjours tascher à le réduire, le roy manda pour aller devers lui le comte de la Marche, qui estoit oncle dudit d’Armagnac, et la dame d’Albret sa tante, qui estoient ses plus proches parents, et tous deux seigneur et dame de grand honneur el de bon entendement, Lesquels estants venus par-devers lui, illeur représenta le mauvais gouvernement et la conduite de ce comte , et comment il Lui avoit fait r’avoir son absolution de la première sentence ; aussi comment il avoit promis de s’abstenir dudit pesché ; etleur requit là-dessus qu'ils voulussentaller par-devers lui, en une villenommée Leclour , dans la comté d’Armagnac, dans laquelle il se tenoit, pour lui remonstrer sa grande faule , et comment il estoit hors de foy, et deshonnoré plus que prince chreslien qui oncques fust descendu de la maison de France; ct leur chargea de lui dire de sa part, que s’il nese gouvernoil autrement, qu’en baillantayde el confort audit pape , il le chasseroit si loin , qu'il ne sçauroit plus se tenir en seureté en aucuns royaumes chrestiens. Lesquels oncle et tante se chargérent d'aller , à ce sujel, par-devers lui, et d'y faire toute leur puissance. Ils tirèrent donc leur chemin ès pays d’icelui comte, en intention de le trouver en la susdile ville de Lectour , qui est située en une marche où 1l y a peu de peuple, et est petitement ha-

bilée de héberges. De laquelle venue icelui comte d’Armagnac ful adverty , comme aussi de la charge qu'ils avoient; ct, quand il peut penser qu’ils approchoient de ladite ville , il se mit sus avec cerlain nombre de gens, et alla au-devant d'eux aux champs, où, en parlant audit seigneur dela Marche, son oncle, il lui dit ces mots : « Bel oncle, je sçay bien pourquoy » vous venez en ceste marche, vous pouvez » bien vous cn retourner; car pour vous, ne » pour tous ceux quien voudront parler, ne plus « ne moins, je n’en feray autre chose; et veux » bien que vous sçachiez, que vous n’entrerez » pas en ma ville. »

Desquelles paroles ledit comte de la Marche ct la dame d’Albret furent fort esmerveillés ; car il leur sembloit à voir , que s’ils n’estoient ceste nuit-là logés en ladite ville , qu'ils seroient en grand danger, pour autant qu’il n’y avoit logis à dix lieues près , et si c’esloit sur le soir. Toutesfois ils luirequirent parsibonnemanière, qu'il fut content que pour ceste nuit ils logeassent en ladite ville de Lectour ; ce qu'ils firent. Et, assez lost après qu'ils furent logés, le seigneur de Castres , fils dudit comte de la Marche, qui estoit cousin germain dudit d’Armagnac, alla devers lui; et, par belles paroles et douces , l’admonesta tellement, qu'il conclud d’aller devers sesdits oncle et tante, en leur hostel, et y mena sadite sœur.Auquel lieu il y eut plusieurs paroles ct belles remonstrances faites, tant par ledit comte de la Marche commo par ladite dame d’Albret, à leur niepce, ladite sœur d'Armagnac, en l’admoneslant qu’elle se voulust oster du pesché en quoy elle cstoit, et qu’elle faisoit grand mal à elle principalement, età tous ceux de leur sang. Auxquellesremonstrances ledit d'Armagnac survint; et, en se desmonstrant mal content de cela, il tira sa daguc ; et si ce n’eust esté ledit seigneurde Castres, il en eust frappé ledit seigneur dela Marche, à quoy il donna résistance.

Quoy fait, icelui d'Armagnac se retira avec sa sadite sœur arrière de sesdits oncle ct tante, et s’en alla en son chasteau. Après quoy iceux scigneur et dame voyants qu’il estoit ainsi obs- {iné en son mauvais pesché, ct qu'il leur sembloit qu'ils avoient assez trouvé leur neipce en bonne disposition de s’abstenir , pource qu'ils ne pouvoient plus parler à elle , ledit comte de la Marche lui escripvit une lettre bien gratieuse, en reprenant aucune parlie des choses qui en-

tre eux avoient esté dites ; et en ensuivant leurs bons propos, par lesdites lettres 1l la requéroit et l’admonestoit fort , qu’elle trouvast manière de elle embler , et se retirer arrière dudit d’Armagnac , son frère , et 1l la recepvrotent et feroient comme on doit faire à ses parents et amis si prochains comme oncles el nepveux.

Lesquellesiettres furent trouvées par ledit comte d'Armagnac ; dont il fut encores plus desplaisant ; et pensa ceste nuit, que le lendemain à leur despart il iroit aux champs, elles rueroit jus.

Or, ainsi qu’il l’eut pensé, ainsi print-il peine à le faire ; car, incontinent que lesdits seigneur de la Marche et dame d’Albret furent partis d'icelle ville de Lectour , icelui d'Armagnac les poursuivit avec un certain nombre de gens. Et quand ledit seigneur d’Albret recogneut que c’estoit sondit cousin d’Armagnac, il tourna et alla au-devant de lui ; lequel il trouva fort eschauffé, ct en grande volonté d'achever son entreprinse ; mais icelui d’Albret , par douces paroles et remonstrances qu'il lui fit, l'appaisa. Et n’y falloit pas à ceste heure aller par rigueur, car il n'estoit pas fort pour faire résistance contre lui. Si s’en retourna ce comte d’Armagnac, sans autre chose faire, en sadile ville de Lectour ; et iceux seigneur ct dame , qui estoient beaucoup troublés des maniéres qu’avoit tenues leur nepyeu, tirérent leur chemin le plus diligemment qu’ils peurent devers le roy Charles, auquel ils firent leur rapport de tout cequ'ilsavoienttrouvéen la personne dudit d’Armagnac, qui de ce ne fut guères joyeux. Etsur ce rapport, aussi pour punir icelui d’Armagnac, le roy fit assembler des gens de guerre, jusques au nombre de vingt-quatre mille combattants : et Les fit entretenir long-lemps sur Ja rivière de Loire, d'où il les fit tirer au pays de Lionnois ct d'Auvergne, qui est du costé de Languedoc; car sur Icsdites marches il avoit fait tirer toutes les garnisons des pays de Guyenne ct de Bordelois ; puis environ l’issuc de may , ils entrèrent dans ladite comté d’Armagnac. Si fut envoyé pour chef de ceste besongne , le comte de Clermont, qui estoil licutenant du roy Charles, ayanten sa compagnée les comtes dela Marche, de Ventadour, ct de Dampmartin, avec les seigneurs de Montgascon, de Blanchefort, de Lohcac, de Torsy, d'Orval, de Sainte-Traille, marcschal de France; messire Théaude de Valpergue, bailly de Lyon ; Joachim Rohault, et plusieurs autres seigneurs et

capitaines, qui incontinent allèrent poser el asseoir le siège devant ladite ville de Lectour, qui est, comme j'ai dit ci-devant, ville etchaseau merveilleusement forts ; de laquelle place ledit d’Armagnac, par subtils moyens, s’absenta. Et ne demeura guère de temps, que toute ladite comté d’Armagnac, sçavoir villes, chasteaux et forteresses, dont il y avoit dix-sept places à pont-levis , ne fussent toutes mises en l’obéissance dudit roy Charles, et ledit d’Armagnac contraint de s’en aller rendre en un autre petit pays qu'il avoit sur les marches d’Arragon.