CHAPITRE CXII

D'un champ qui fut fait en la ville de Valenciennes, en Haynault, par deux champions non nobles.

Vray est qu'un nommé Mahiot Coquel, cousturier, lors demeurant en la ville de Tournay, avoit voulu avoir par ci-devant une jeune fille en mariage , outre le gré et la volonté du père de ladite fille ; et pour ce qu'il n’en peut finer, par la résistance que le père y baïlla, ledit Coquel conceut grande hayne contre lui, tellement qu'en peu de jours après il fit guet, et dressa embusche sur icelui père, lequel il rencontra dans ladite ville de Tournay, assez près du marché au poisson, et là il le tua et mit à mort ; pour lequel cas il s’absenta de ladite ville de Tournay , ct se rendit en la ville de Valenciennes, en Haynault, où il print la franchise, pour ledit cas; car en ce temps ladite ville estoit privilégiée de pouvoir recepvoir toutes gens qui avoient fait homicide, en laquelle ils esloient seurement , quant au fait de justice. Or, assez peu après qu'il cut prins ladite franchise, et qu'il croyoil en vertu d'icelle d'y demeurer paisiblement , un qui se nommoit Jacotin Plouvier, lequel csloit demeurant en ladite ville de Valenciennes, qui estoit parent du père de ladite fille, lequel ledit Coquel avoit ainsi tué , fut adverty qu'icelui Coquel s’estoit retiré en ladite ville, où il fit tant qu’il le trouva cn pleine rue, où 1l lui dit ces mols : « Traistre , » tu as faussement et mauvaisement meurdry » et tué mon parent, garde-loi de moi; car » ains qu'il soit long-temps je vengeray sa » mort. » Lesquelles paroles ledit Coquel souffrit sans en faire plainte; ct incontinent qu'il peut estre arrière dudit Jacotin, il tira en la maison de la ville, où il trouva les prévost et jurés d'’icelle, auxquels il Jeur dit, et remonstra ces mots : «Je suis venu cn ceste ville , où

» puis naguèëres de Lemps j’ay prins la franchise » d’icelle, afin d’estre à seureté de mon corps, » pour la mort et le meurtre que j’ay fait en la » personne d’un tel; à laquelle franchise vous » m'avez receu. Mais ce nonobstant, un nommé » Jacotin Plouvier est venu à moi bien félon- » neusement, et m'a dit que, combien que j’aye » prins ladite franchise , il vengera la mort d’un » tel, en m’appelant traistre, avec plusieurs » autres grandes injures. Si vous requiers » que de ce vous plaise me conseiller, et mettre » en ayde , comme raison est, altendu que m’a- » vez receu à ladite franchise. »

Sur lesquelles paroles lesdits prévostet jurés envoyérent quérir ledit Jacotin, qui estoit leur subjet, et cela soubs main, ce qui fut fait ; et incontinent qu’il fut arrivé devant eux, il lui fut dit par ledit prévost les paroles et doléances {elles qu’avoit fait le susdit Mahiot Coquel, et qu'il regardast quelle chose il avoit dit et entreprins de faire ; car les paroles par lui proférées esloient contre les franchises de ladite ville, s’il estoit vray ce que ledit Mahiot leur avoit rapporté. À quoy ledit Jacotin dit tout haut en la présence des susdits prévost et jurés ces mots : « Messieurs , je dis ct maintiens que » faussement ct traistreusement Mahiot Coquel » a meurdry et tué mon parent, d’aguel et de » fait appensé, sans cause raisonnable. » Sur quoy il lui fut réparly par lesdits prévost et jurés : « Regardez bien ce que vous dites; car » sans faute, se vous ne prouvez de vosire corps » contre ledit Mahiot ce que vous maintenez, » pour entretenir les libertés et franchises de » ceste ville, nous serons tenus de vous faire » justice, pour monstrer exemple à tous autres; » ct pourilant ferons ici venir en votre présence » ledit Mahiot. » Lequel incontinent on fit entrer au lieu où lesdits prévost et jurés et Jacotin csloient. Et quand ledit Jacotin apperceut icelui Mahiot, et qu’il vit qu’autrement il ne pouvoit eschapper, froidement , à long trait et de longue pensée, jetta un pelit gage de bataille devant ledit Mahiot, disant derechef que faussement et traistreusement il avoit meurdry et occis son parent, d’aguet et de fait appensé, sans cause raisonnable, ct que sur cesie querelle 1] le combaitroit.

Auxquelles paroles ledit Mahiot rendit res- “ponse, pour ses excuses , les plus belles et gracieuses qu’il peut, mais nonobstant cela il re-

ceut et leva ledit gage. Et ce fait, furent les-

dites parties tous deux faits prisonniers de la ville, et chacun d’eux envoyé en prison, c’est à sçavoir ledit Jacotin ès prison$ ordinaires de la ville, et ledit Mahiot en une porte nommée la porte Tournisienne, et à chacun d’eux leur fut baillé un maistre, pour leur apprendre le tour de combattre.

Et pource que ledit Mahiot avoit prins ladite franchise , et aussi qu’il estoit défendeur, lesdits prévost et jurés firent payer et délivrer audit Mahiot loute sa despense , tant du maistre qui l’apprenoit, comme de bouche, et en autre maniére. Et en tant qu’il touchoit ledit Plouvier, pour autant qu’il estoit subjet et manant en ladite ville, ct aussi appellant , ils lui laisse rent payer sa despense. Et pendant le temps de leur emprisonnement, qui fut par l’espace de dix mois ou environ, fut leur procès fait ct débattu par lesdites parties devant lesdits prévost et jurés; et tellement y fut procédé, que par sentence deffinilive fut par lesdits prévost et jurés prononcé : qu’ils s’entre combattroient l’un à l’autre à outrance sur le marché de ladite ville de Valenciennes, à certain jour, qui lors leur fut déclaré; el par la mesme sentence il fut ordonné : que chacun d’eux auroit les cheveux coupés lout jus, qu’ils seroicnt vestus de pelits palletots ‘, les manches venants jusques aux costés, et depuis lesdits costés le ramanant ? estre tout à nud ; et iccux pallelots venanis par-dessoubs jusques un petit plus bas que ne seroit un pourpoint el une chausse, qui iroientjusques un pelitau-dessoubs des genoux, et le résidu , avec les picds, demeurcroit nud ; ayant chacun en leur poing un baston de meslier, de la longueur d’une aulne, ou un peu moins , bien noutcilleux , et en l’autre poing, qu'ils auroient chacun un escu de bois, lesdits bastons et escu chacun d’une mesme façon, grandeur et longucur, sauf qu'ils pouvoient faire chacun sur son escu telle’ peinture de saints ou de saintes que bon leur sembleroit. En cest estat, par vertu de ladite sentence , ils debvotent combattre l'un l’autre, tant que l'un demeurast mort sur la place, du moins qu’il fust jetté hors des lices, qui pour ce se feroient.

Laquelle sentence ainsi prononcée, alla jusques à la cognoissance de Charles de Bourgongne , comte de Charrolois, dont ci- devant est faite mention, qui lors esloit licutenant-géné-

‘ Pourpoints. — % Reste, — 5 Noucux.

ioi CHRONIQUES

ral du duc Philippe de Bourgongne son père , en tous ses pays de Picardie, Arlois, Flandres, Hollande, Zélande, Haynault, Brabant et Namur, pour autant qu'il estoit lors ès voyages des Allemagnes, en intention d’estre et se trouver à la convention qui se debvoit tenir par l’empereur et les autres princes, pour faire résistance contre le Turc et les infidelles, dont ci-devant je vous ay fait mention ; lequel, comme lieutenant de sondit père , escripvit et manda auxdits prévost et jurés, que le jour assigné auxdits champions fust prorogé à un autre jour, car son intention estoit d'y cstre ; laquelle journée fut donc prorogée, et mise à un autre certain jour ensuivant.

Quand ledit jour approcha, que ledit champ se debvoit faire, ledil comte rescripvit derechef aux susdits prévost et jurés une autre prorogation, et cela fut fait par plusieurs fois et diverses journées. Et me fut dit que lesdites prorogalions se faisoient à la requeste d’aucuns grands seigneurs , à qui lesdites parties estoient serviteurs, afin de trouver manière et moyen qu'ils ne fissent pas ledit champ, et qu’on les mist d'accord , mais à cela ne voulurent consentir lesdits de Valenciennes, combien que par plusieurs fois ils en furent requis et pressés. Mais ils respondirent que ce seroit contre leurs privilèges et franchises , que pas il ne lairroient perdre , pour chose qui leur en deubst advenir. Et pour mener à fin leur dite sentence, comme aussi entretenir el garder leurs privilèges ct franchises, ils firent plusieurs voyages ct ambassades devers ledit comte de Charrolois, en le requérant qu’il leur laissast jouir de leurs dessusdits privilèges , cl que leur sentence peust sortir son effet ; lequel de Charrolois ne leur voulut oncques accorder, ne souffrir que ledit champ se fist.

Or, pendant le temps que tels voyages se faisoient, et durant aussi leurs ambassades, il leur fut rapporté que ledit duc de Bourgongne retournoit du voyage d'Allemagne, dont ci-devant est faite mention, et que desjà il estoit entré en sesdits pays de Bourgongne; sur quoy ils conclurent ensemble d’envoyer aucuns députés de par eux , devers lui; car, à vous dire proprement, icelle ville de Valenciennes estoit renommée, dès ce temps-là, pour estre la plus riche ville de toute la comté de Haynaut; et ne leur chailloit de la despense, mais qu’ils'peussent mener à fin leur intention. Si fut mise sus

(1455) ladite ambassade, au desceu dudit comte de Charrolois; et allèrent jusques èsdits pays de Bourgongne , où ils trouvèrent le duc , auprès duquel ils trouvèrent façon d’avoir audience. Et quand ils furent devant lui, par bonne manière , ils lui remonstrèrent toutes les choses ci-devant dites, et outre ce, comment il avoit promis et juré de les laisser jouyr de leurs priviléges et franchises ; aussi, comment la question de ceste matière avoit cousté grande somme de deniers à ladite ville, et que son plaisir fust que, selon leursdites franchises, ils peussent faire accomplir icelui champ, selon la

teneur de leurdite sentence. Quand le duc eut ouy leur intention et ce pour quoy ils estoient

venus par-devers lui, ils ne trouvèrent autre response, sinon qu'il leur dit: qu’en bref , ül se trouveroil en son pays d'Artois, et que lui estant retourné là, 1l leur feroit tout ce qu'il apparliendroit; puis, sans avoir autre response, ils retournèrent en ladite ville de Valenciennes. Un certain temps après, icelui duc retourna en sa ville de Lille, et de là 1l fut en sa ville de Bruges , auquel lieu ceux de Valenciennes envoyérent de rechef encore une autre ambassade, afin de sçavoir sur ce la bonne volonté ct le bon plaisir dudit duc leur seigneur ; auxquels il fut ordonné de proroger le jour qu'ils avoient assigné auxdits champions, jusques au mardy vingticsme jour de may ensuivant, auquel jour son intention estoit d'y estre ct s’y trouver en personne; car il debvoitaller en sa ville de Louvain en Brabant; ct que son chemin se prendroit par ladite ville de Valenciennes, et qu’audit jour il passeroit par icelle.

De ceste response furent fort joyeux lesdits ambassadeurs, ct en firent leur rapport pardevers ceux d’icelle ville, qui pareïllement en furent beaucoup joyeux. Sur quoy, en toute diligence, ils firent faire les préparatifs servants à faire ledit champ, qui se fit sur le marché de ladite ville, en une lice creuse, laquelle esloit de soixante pieds en rondeur, avec des bailles ‘ de bois doubles, tout autour ct aux environs desdites lices; lesquelles doubles bailles estoicnt faites pour y mettre dedans des gens ordonnés par ladite ville à garder lesdits champions, et espécialcment celui qui seroit viclorieux. Donc ledit duc

4 Portes. .

partit d’icelle ville de ‘Bruges, et lirant son chemin à Louvain, il passa par ceste ville de

Valenciennes, où il fut ladite journée. Quant

à sa personne, elle estoit logée dans la maison de ladite ville, à l’endroit desdites lices, ësquelles furent amenés lesdits champions, estant chacun ainsi habillé que je vous ay dit cidevant. Après qu’on eust ordonné que chacun d’eux fist son debvyoir, chacun tenant son baston d’une main, et de l’autre son escu, il marchèrent l’un contre l’autre, où ils frappèrent plusieurs horions avec lesdits bastons, lun sur l’autre; et combien que le susdit Mahiot fust homme de petite corpulence, et ledit Jacotin fort et membru, néantmoins icelui Mahiot se deffendoit assez bien et vaillamment, et blessa ledit Jacotin sur la teste; car pour sa petite eslature , il avoit, du bout de son pavois, jetté du sablon contre les yeux d’icelui Jacotin, par le moyen de quoy il le croyoit grèver. Mais quand ledit Jacotin se sentit ainsi atteint dudit sablon, il marcha auprès d’icelui Mahiot, et le prit à brace de corps, tellement qu’il le rua et renversa par terre sous lui, où il lui fit souffrir grand martyre; ct à la vérité, c’est chose abominable que de le recorder ; mesme il sembloit à plusieurs estants là, que c’estoit faire contre nostre foy; car avec ses mains etongles, il lui creva les deux yeux de la teste, et les lui fit saillir dehors. Outre quoy, cstant sur son estomach', 11 lui creva le cœur , et l’estrangla de ses mains, puis le jelta hors desdites lices. Et combien que ledit Mahiot,'en ce martyre, s'escria plusieurs fois pour avoir confession, néantmoins il n’en peut oncques rien finer; cet en cest estat, 1l fut par Ie bourreau de ladite ville traisné et mené à la justice, lequel rendit l'esprit ainçois qu'il y vinst, et en ce point, il y fut pendu.

En l’année mil quatre cents cinquante-cinq, droit le jour de J’Ascension, arrivèrent en la ville de Lille, six Turcs, que le duc d’Albanie avoit prins sur ceux de ceste nation, lesquels il envoya en présent au duc de Bourgongne, qui ordonna de les garder; dont il fut fort joyeux, et en sçut bon gré au susdit duc.