CHAPITRE CXV
De l'ambassade que le duc de Bourgongne envoya devers le roy pour son voyage de Turquie.
Au mois de juillet de cest an mil quatre cents cinquante et cinq, le duc de Bourgongne mit sus une très grosse ambassade, comme de trois à quatre cents chevaux, pour aller devers le roy Charles, qui lors se tenoit sur les marches de Berry. Si furent chefs d’icelle ambassade, le seigneur d’Anthoing, son chancelier, et le seigneur de Croy, qui furent accompagnés de plusieurs chevaliers et escuyers, en bon estat ; et leur fut enchargé de par icelui duc, de supplier au roy qu’il lui pleust prendre en sa garde tous ses pays, durant le temps de son absence qu'il seroit en son voyage de Turquie, pour accomplir le vœu qu’il avoit fait, dont ci-devant est faite pleine mention ; et en outre, que son plaisir fust de lui bailler la bannière de France, avec gens el argent pour fournir audit voyage; ct, outre cela, que, pour le faire dans sa bonne grace, il lui pleust y apporter ct donner son consentement. Lesquels ambassadeurs, après qu'ils eurent accepté ct entreprins lesdites charges, parlirent d’auprès icelui duc, et tinrent Ieur chemin en intention de trouver ledit roy Charles. Et tant cheminèrent, qu'ils le trouvèrent en une ville nommée Bourges en Berry, où ils furent logés honorablement par les fourriers du roy.
Et si y trouvèrent Ie duc d'Orléans, qui avoit espousé la niepce dudit duc de Bourgongne, lequel les recceut grandement et fort honorablement ; et de là il les mena à une place assez près de là, nommée le Bois-sur-la-Mer*, où le roy lors se tenoit, et où il présenta au roy ses ambassadeurs, lesquels estants à genoux lui fi-
{ Jeunes filles.
? Charles VII demeurait habituellement à Meunsur-Yévre, à quatre Jieucs de Bourges.
DE MATHIEU DE COUSSY. ù 197
rent la révérence. Mais le roy les fit lever incontinent, et les receut à très grande joie; et assez Lost après, le roy avec le duc d'Orléans et lesdits ambassadeurs se retirèrent, avec aucuns autres de l’estroit conseil du roy, en une petite chambre, où ils furent avec peu de gens; en laquelle iceux ambassadeurs dirent et déclarèrent au roy la charge qu'ils avoient de leur ambassade, qui contenoit en effet les choses dessusdites. Après que le roy les eut ouys, il leur respondit de sa personne, que, si ledit duc lui vouloit baïller et remettre en ses mains ses villes engagées, siluécs sur la rivière de Somme,comme Monstreuil, Abbeville, Amiens, Saint-Quentin et autres villes, et lui envoyer son fils, le comte de Charrolois, en son hostel, durant sadite absence, il lui lairroit jouir de tous les profits d’icelles villes et seigneuries, et s’acquiticroit de garder son fils, ensemble de garder ses autres pays, comme il voudroit faire les siens propres. Et en tant que louchoit ladite bannière, avec les gens et l'argent qu’il demandoit, il n’estoit pas délibéré de le faire, pour autant que tousjours il esloit sur sa garde de ses anciens ennemis d'Angleterre. Et pour ceste heure ne fut autre chose acceptée ne conclue, sinon qu’ils prinrent jour pour retourner devers ledit duc de Bourgongne, leur seigneur.
Après donc qu'ils eurent esté ct séjourné assez long espace de temps au pays, et que de tous costés ils eurent csté festoyés, ils prinrent congé du roy, lequel envoya payer tout au long tout ce que lesdits ambassadeurs ect ceux de leur compagnée avoicnt despendu en ladite ville de Bourges, eux estants là. De là ledit duc d'Orléans, la duchesse sa femme, le comte d’Angoulesme, frère dudit duc d'Orléans, ct la comtesse sa femme, retournèrent avec les susdits ambassadeurs, par les pays d’iceux setgneurs, où en chacune place ils les festoyèrent grandement ct honorablement. Et ainsi retournérent devers ledit duc de Bourgongne, sans pour ceste heure avoir pu besongner autre chose, ne obtenir ricn du roy.
