CHAPITRE CXII

Comment , par subtils moyens, lc seigneur de Croy trouva maniere de faire avoir en mariage à Philippe, son fils aisné, la fille aisnée du comte de Saint-Pol.

En icelui temps, Anthoine, seigneur de

Croy, qui de long-temps avoit tousjours esté premier chambellan du duc de Bourgongne, qui l’avoit fort en grace, par lesquels moyens il avoit grande authorité dans tous les pays d’icelui duc, avoit un fils nommé Philippe, qui estoit son fils aisné ; et il s’advisa que Louys de Luxembourg, comte de Saint-Pol, avoit une très gente damoiselle , qui estoit sa fille aisnée ; et lui sembla que, s’il pouvoit trouver manière et moyen de faire l'alliance de sondit fils avec ladite damoiselle, au lemps à venir ce seroit pour grandement relever et exhausser la généralion et la maison de Croy, ce qui lui fit rechercher tous les moyens dont il peut s’adviser envers ledit comte de Saint-Pol, afin de parvenir au traité de mariage de sondit fils et de ladite damoiselle ; toutesfois, quelques moyens qu'il y trouvast, icelui comte n’y vouloit condescendre. Et à la vérité aussi , il en avoit bien raison, pour ce que ladite damoiselle estoit sortie de si noble lieu comme des fleurs de lys ; car sa mère estoit fille du comte de Marle, et ledit de Croy n’estoit descendu que de simple bannière.

Or, quand ledit de Croy reconnut que ledit comte de Saint-Pol ne se vouloit accorder à cela, il trouva les moyens envers ledit duc son maisire, soubs d'autres couleurs qu’il print, à ce que toutes les terres et revenus qu'icclui comte de Saint-Pol avoit ès pays ct seigneuries dudit duc son maistre fussent toutes mises en ses mains, el à chacune place il y fit commettre des gens de par lui. Et entre les prétextes ct couleurs qu’il rechercha pour y parvenir, il dit audit duc que ce comte de Saint- Pol avoit grandement offensé envers lui, en tant qu'il avoit marié une de ses sœurs à Charles d'Anjou , comte du Maine ; et, qui pis estoit , il lui avoit baillé, avec sadite sœur , sa ville, son chasteau et comté de Guise, le tout, sans le congé et licence de lui ; ce qu'il ne pouvoit faire avec raison, attendu qu’il estoit son vassal et subjet, à cause de plusieurs seigneu-

rics de Haynault, Namur et autres, auxquels

ladite ville et chastcau de Guise cstoicnt marchissants ‘, et pourroient grandement pis valoir. Ce qu'il représentloit audit duc, pour le plus enflammer contre ce comte de Saint-Pol; lequel, par ces moyens et autres, fut longtemps qu’il ne pouvoit estre ouy ne escouté en

Limilrophes.

ses raisons, neravoir sesdites lerres et scigneuries en sa main, ce qui lui tourna à grand préjudice et dommage.

Avec cela, ledit seigneur de Croy prenoit peine chacun jour envers ledit duc son maistre, d’esloigner icelui comte de la présence de sa personne ; à quoy il travailla tellement, qu’ainçois ‘ qu’il peust avoir ct obtenir sa paix envers ledit duc, et ravoir sesdites terres en sa main, il convint que ledit comte de Saint- Pol accordast audit duc l'alliance du mariage de sadite fille avec le fils dudit de Croy, dont les fiançailles furent faites sur certaines ct grandes peines derepentises?. Lesquelles choses icelui comte de Saint-Pol ne faisoit pas bien libéralement ne de bon cœur; mais à ceste heure, il ne pouvoit faire autrement. Et convint qu’il baïllast sadite fille, pource qu’elle esloit encore jeune d'age, à la dame de Croy, femme dudit seigneur, afin de l’apprendre ct de l’endoctriner; laquelle y fut long espace de temps. Et tout ce en quoy on lui pouvoit complaire en l’hostel dudit seigneur de Croy, on lui faisoit, afin de l’induire à l’achévement parfait de ce mariage. Et fut menée en la ville de Luxembourg, de laquelle ledit de Croy estait gouverneur pour ledit duc.

Et en cesle année mil quatre cents cinquante et cinq, ce seigneur de Croy, sçachant véritablement que ledit comte de Saint-Pol ne ses autres enfants n’estoient aucunement contents du parachèvement de ce mariage, 1} se disposa de prendre jour pour les faire cespouser; lequel jour il fit sçavoir audit comte de Saint-Pol et aux autres ses enfants, afin que si leur plaisir estoit d’y estre, il en seroit bien joyeux. Lesquelles nouvelles estant venues à sa cognoissance, il en fut fort desplaisant, et enxoya devers le seigneur de Croy lui présenter et offrir de payer les sommes d'argent qui avoient eslé dites, au traité dudit inariage , debvoir estre payées par celui qui de ce se repentiroit; lesquelles offres ledit de Croy ne voulut accepter; et aussi il avoit tellement induit ladite damoi- selle, qui estoit jeune, comme dit est, qu’elle dit que le marché lui plaisoil bien.

Quand ledit comte sceut les responses d’icelui de Croy, etque le jour s’'approchoit que lesdites cespousailles se debvoient faire, il mit sus une

1 Avant.

® C'est-à-dire avec une forte amende pour dédit,

grosse armée, dont il fit chef son fils aisné, qu’on nommoit lors Jean Monsieur, et qui, de droit estoit, par la succession de madame sa mère, comte de Marle ; et envoya ses gens en intention d’aller en ladite ville de Luxembourg, pour reprendre et ravoir sa sœur. Mais quand lcdit de Croy fut adverty de la venue d'icelui Jean Monsieur, il fil monter aussitost à cheval deux chevaliers de son hostel, c’est à sçavoir le seigneur de Rubempré cet le seigneur de Maingarmal, qui cstoicnt ses deux nepveux, et avec un homme de son conseil Les envoya audevant d’icelui Jean Monsieur, pour lui dire et déclarer que, s’il venoit audit Luxembourg pour estre et assister aux nopces de sa sœur, il y fust Ie très bien venu ; mais que s’il y venoit pour autre chose faire, ils lui signifioient que pas n’entreroit en la ville. Quand lesdits chevaliers et cest homme de conseil eurent receu ceste charge d’ainsi parler, ils partirent dudit Luxembourg, et tirèrent tant qu’ils rencontrèrent icelui Jean Monsieur avec son arméc ; auquel ils dirent, en la meilleure manière qu’ils peurent, la charge qu'ils avoicnt dudit seigneur de Croy. Desquelles paroles ledit Jean Monsieur ne fut pas content, et retourna en sa place de Chasteler devers ledit comte son père, sans autre chose avoir peu bcsongner en ce voyage, de quoy il fut fort desplaisant. Et, nonobstant loules ces choses ainsi faites, ledit seigneur de Croy les fil espouser, ct faire leurs nopces Ie plus solemnellement qu’il se peut; ct fut là ledit mariage consornmé.

CHAPITRXE CXIV.

Comment Parcheyesque de Rheims fut conscillé touchant les gens d'église,

En ceste mesmc année, environ l'issue de uin, l’archevesque de Rhcims fit sçavoir à Lous les prélats, collèges et chapitres cstants dans l'estenduc de son archevesché, qu'ils fussent tous prests et rendus, à un certain jour qu’il leur fit assigner, dans la ville de Soissons, ou procureurs pour eux, ct que là il vouloit faire un conseil touchant le fait des gens d'église. À laquelle journée, il y cut grande quantité desdits gens d'église qui s’y trouvèrent. Et à ce conseil furent faits plusieurs appointements et estaluts; entre les autres, il y fut conclu et dé libéré que, de là en avant, aucuns prestres ne

tiendroïient avec eux plus aucunes meschines !, sur peine de confiscation de leurs bénéfices, ct d’estre punis à la discrélion dudit archevesque; dont plusieurs desdits gens d’église furent mal contents ; et y en eut un grand murmure par tout l’archevesché et les pays d'environ. Mais quelque chose qu’il en fust appointé et conclu, néantmoins ledit appointement ne {int guères de temps; et fit chacun là-dessus comme il avoit accoustumé auparavant.