CHAPITRE CXVII
De l’évesché d’Utrecht.
Pendant le temps de la résignation de cest évesché de Liége, trespassa l’évesque d’Utrecht en Allemagne. Et pour avoir la dignité et estre fait évesque, fut par ceux du chapitre de l’église, mesme par les gens de la ville et du pays, esleu Guillcbert de Brederode, noble homme ct grand seigneur ès pays de Hollande ct de Zélande ; mais pourtant il n’en fut oncques mis en possession, car David de Bourgongne, fils illégitime dudit duc de Bourgongne, avoit oblenu des bulles de nostre saint-père, pour parvenir à ladite dignité. Lequel, soubs la fondation d’icelles bulles, voulut en prendre possession, mais icclui de Brederode, mesme ceux du pays, y mirent et baillèrent opposition et contredit. Et à cesle cause s’esmeut au pays une très grosse guerre; car dans ledit évesché on ne vouloit obéir à ce David. Et pour ce, ledit duc de Bourgongne fit une grosse assembléc de gens de guerre, qu'il manda en ses
pays de Picardie, Flandres, Brabant, Haynault et autres pays, jusques au nombre de vingt mille combattants ou environ, et les fit tirer par ses pays de Hollande et Zélande, ct entrer ès pays dudit évesché. Mais quand ledit de Brederode connut que c’esloit la destruction totale dudit évesché et des terres de l’église, il trouva manière et moyen d’appaiser la chose, et fut content soy déporter. Et pour récompense lui fut baillée-la prévosté de Saint-Donat de Bruges, qui estune belle el profitable dignité, avec une certaine pension sa vie durant, sur les deniers dudit évesché. Et ainsi la chose cessa ; et fut ledit David receu évesque, lequel fit son entrée en ladite ville d'Utrecht, où il fut obéy; mais aucunes autres bonnes villes dudit évesché n’en voulurent estre contentes, et ne voulurent lui ‘obéir long-temps durant, ce qui depuis leur tourna à grand dommage et desplaisir, car ledit duc les contraignit par siéges et puissances d'armes, tellement qu'ils obéirent enfin à ce David.
En ce mesme temps, le pape et le roy d’Arragon envoyèrent devers ledit duc de Bourgongne, qui se tenoit dans son pays de Hollande, en une ville nommée La Haye, une grosse ambassade et une croisie, pour aller sur les Turs et infidelles de nostre foy; lesquels ambassadeurs, pour le bien de la chose, n’y profitèrent guèrcs.
