CHAPITRE CXVIII

De la prinse de Jehan, duc d’Alcnçon.

Au commencement de l’an mil quatre cents cinquante et six, il fut grande renommée par le royaume de France, el espécialement sur les marches de Bretagne et de Normandie, que Jean, duc d’Alençon, estoit mal content de ce que le duc de Bretagne tenoit la ville de Fougères, dont ci-devant est faite mention, laquelle ville il disoit lui appartenir, comme estant son propre héritage. Pour laquelle r’avoir, il avoil plusieurs fois requis le roy Charles, afin de lui en faire raison ; mais pource qu’on n’y besongnoit pas à sa volonté el suivant son désir, 1l se troubla en lui-mesme , comme aussi pour ce que quand il alloit à l’hostel du roy, il n’estoit pas receu ni ouy comme il lui sembloit qu’il debvoit estre, attendu qu'il estoitsorty de la couronne, ct si prochain. que chacun pouvyoil sçavoir. |

A ceste cause, comme mal meu et conseillé de gens de meschant estat, par lesquels aucunes fois les princes se trouvent réduits en grand deshonneur et dommage, il trouva manière d’avoir alliance avec le roy Henry d’Angleterre, qui depuis long-temps , comme aussi ses prédécesseurs, ont eslé renommés el réputés ennemis d’icelui roy Charles de France, et de ses prédécesseurs ; el par ces mauvaises alliances, debvoient lesdits Anglois descendre dans le royaume par aucunes marches et contrées appartenants audit duc d’Alençon, lesquelles il debvoit bailler ct mettre entre leurs mains ; et de ce furent trouvées ct surprises lettres signées de la main d’icelui duc d’Alençon, lesquelles furent présentées audit roy Charles. Le-

quel, quand il recognut la grande faute qui

estoit en ce duc d’Alençon, il en fut fort desplaisant ; et en parla plusieurs fois, à aucuns de son plus privé conseil; et disoit qu’il vivoit desplaisamment quand il falloit qu’il se donnast de garde de ceux en qui il debvoit se fier, mesmement de ceux de son sang. Finalement, -pour obvier à l’entreprinse dudit d'Alençon, par grande et meure délibéralion de son estroit conseil, il conclud de faire prendre et arrester prisonnier ledit d'Alençon, comme aussi de saisir et mettre en ses mains toutes ses places, villes, chasteaux et forleresses, avec tous ses biens. Pendant laquelle conclusion , icelui d’Alençon estoit absent ct hors de sa duché et de ses pays; car pour lors il s’estoit retiré hors desdiles marches, afin que, quand les Anglois entreroient en ses places , il peust dire qu'il

n’en pouvyoit mais et qu’il estoit absent; et se

retira durant icelui temps en la ville de Paris, en laquelle 11 demeura par aucuns jours. Ce qui cstant venu à la cognoissance dudit roy, et après qu’il fut pleinement ct selon la vérilé informé dudit cas, 1l ordonna au comte de Dunois, bastard d'Orléans, d’aller à ladite ville de Paris, pour faire ct constituer prisonnier icelui d'Alençon, comme dit est, et avec lui le seigneur de Moy, bailly de Vermandois, et certain nombre de gens de guerre, pour servir

‘et fournir à ladile prinse.

Doncques, environ le jour du Saint-Sacrement de cest an, icelui comte de Dunois arriva en ladite ville de Paris, et fit demeurer aux champs ledit bailly de Vermandois , et avec lui quarante lances et archers , lesquels , à l'heure que leur ayoit ordonné ledit d'Orléans, se deb-

voient trouver au dehors ct assez près de la porte Saint-Anthoine, sur le chemin de Melun. Or, quand ledit d’Orlcans fut arrivé en icelle ville de Paris, et qu'il sceut où estoit ledit duc d’Alençon, il manda le prévost de Paris, el aucuns autres officiers du roy, auxquels il dit et déclara sa charge; et leur fil commandement , de par le roy son souverain seigneur, d’estre prests ct dele secourir, si icelui d’Alençon vouloit faire aucune désobéissance et résistance ; aussi qu’incontinent tous ses gens fussent prins et saisis. Et leur enchargea que la chose fust tenue secrelte jusques à ce qu'il eust fourni et se fust acquitlé de son exploit, car si autrement en cstoit fait, et qu’il manquast à sadile entreprinse, ils’en deschargeroit sur eux envers le roy. Sur lesquels paroles et commandements , chacun desdits officiers dit qu'il s’acquilteroit de son debvoir. Puis quand ledit Orléans fut bien asseuré de la volonté d’iceux officiers , il Uira à l’hostel de ce duc d’Alençon, droit ledit jour du Saint-Sacrement ; el environ les quatre heures après midi ; il lui alla faire la révérence. Lequel d'Alençon, sans sc doubter aucunement, lui fit grande réceplion et honorable ; et après qu’il cust un peu devisé avec lui, et qu'il peut sçavoir que ses gens, tant de dehors comme de dedans , estoicnt auprès de lui , il lui dit ces mots : « Monseigneur, par- » donnez-moy, Îc roy m'a envoyé devers vous » et m'a baillé charge de vous faire son prison- » nier; je ne sais proprement les causes pour- » quoy. » El pour à lui obéir, en lui mettant la main sur l’espaule, il lui dit derechef : «Je vous » fais prisonnier du roy. » À laquelle parole ledit d'Alençon monsira manière d’estre bien desplaisant, ct non sans cause; et vit lors grand nombre des gens dudit d'Orléans entrer, tant en son hosiel comme en sa chambre, et cogneul bien lors qu'il falloit qu’il obéist.

Ce fait, pour le doubte dela murmure ct du bruit qui s’en pouvoitensuivre dans ladite ville, il lui dit: « Monseigneur, sans ici faire plus de » séjour, il faut partir de ceste ville, el pres- » tement monter à cheval. » A quoy ledit d’Alençon lui répartit qu'il estoit bien là, et que jà n’estoit besoin de le transporter hors de la ville. Ce nonobstant, 1l fit tirer les chevaux dudit d'Alençon, et aucuns de ses serviteurs , tels qu’il les voulut avoir, et les fit monter à cheval, ct, sans long séjour, 1l le mena hors de ladite ville, par icelle porte Saint-Anthoine où

assez près ils trouvèrent ledit bailly de Vermandois et les quarante lances, dont dessus est faite mention. Quand ledit d'Alençon les apperceut de loin, il demanda quelles gens c’estoient , et s’il avoit garde ct seureté de sa vie; lequel d'Orléans lui respondit que c’estoient les gens du roy, et qu’il n’avoit garde d’eux , mais venoient pour le mener ct conduire devers le roy. En cest estat , ils tirèrent ce jour jusques à Melun, où il demeura par aucuns jours.

Or, incontinent que le roy fut assuré de ladite prinse, il envoya audit lieu aucuns députés de sa part, pour interroger lcdit d'Alençon sur les rapports qui lui avoient esté faits, qui de ce firent grandement leur debvoir; mais il ne leur voulut faire aucunes responses, sinon que quand il les eut ouys, il leur dit : que quand il se trouveroit par-deversle roy, il ne lui cèleroit rien, et qu’ilsçavoit bien qu'il lui avoit baillé Ie bout, disant qu’il ne falloit point doubter qu’il fust Anglois ; car oncques il ne l’avoit esté, ne n’avoit volonté de l’estre; mais beaucoup lui desplaisoit| des manières que le roy tenoit contre lui ct ceux de son sang ; carquand ils venoient par-devers lui, ils cstoient des quatre ou six jours avant ou sans qu'ils poussent avoir audience pour pouvoir parler à lui, et ne tenoit entour lui qu’un nombre de meschantes gens et de meschant estat, issus de pelite lignée, qui à présent le gouvernoient.

Telles paroles, ou en substance, disoit ce duc d'Alençon. Mais quand le roy fut de ce adverty, ilmanda qu'on le fist avancer par-devers lui; et lui fut ordonné, pour son estat et pour son service, huit personnes de ses gens, et non plus. Et en ce point et cest estal, par ledit bailly de Vermandois, avec lesdits gens de guerre, et soubs sa garde, il fut mené devers le roy, qui lorsestoit au pays de Bourbonnois, dans un chasteau nommé la Nonnelte, où il se tenoit lors. |

Et quand il fut là ainsi arrivé, aucuns jours après, le roy le manda ctle fit venir devant lui, où il lui reprocha corament il avoit prins alliance avec ses anciens ennemis, auxquels il debvoit bailler ses places de la Falaise et de

Donfront, pour descendre cn son royaume. Sur .

lesquelles paroles, icelui d'Alençon, par hautain langage, respondit ces mots, ou en substance : « Monseigneur , je ne suis pas traistre, » mais bien peut estre que j’ay fait aucunes al- » liances avec aucuns grands seigneurs, afin de

(1456) » recouvrer ma ville de Fougères, que le duc de » Bretagne lient à tort, elsans causcraisonnable, » et duquel je n’ay pu avoir raison en vostre » cour.» À quoy le roy lui respondit, qu'il n’avoit oncques eslé refusant de faire à chacun raison et justice, et qu’il n’étoit jà besoin, soubs ombre de telles couleurs, de prendre ne faire telles alliances à ses ennemis et adversaires, lesquelles il ne pouvoit ignorer; car …l en avoit des lettres signées de sa main: et aussi par la relation d’un hérault ct d’un Anglois d'Angleterre, qu’il avoit fait prendre, et qu'il tenoit prisonniers, il en avoit eslé acertainé. Après plusieurs paroles, icelui d'Alençon supplia au roy qu’il lui pleust le mettre au délivre ct liberté. À quoy le roy lui fit response: que ce n’estoit pas chose à jeter en molle, ne si légèrement y besongner , sans grande délibération; car il estoit bien desplaisant quand il convenoit qu'il se gardast de ceux de son propre sang, el ne sçauroit plus en qui fier, et que sans faule il lui feroit son procès tout au long.

Après ces paroles, il le fit remener et mettre en place seure ; ct ordonna de lc garder (ellement qu’on lui rendist compte de sa personne. Auquel lieu il fut prisonnier par l’espace de deux ans ou environ. Lequel emprisonnement fut aussilost publié par tout le royaume de France, ctès pays voisins, ct en parloit chacun selon son affection. De laquelle matitre, je vous lairray à parler quant à présent, pource qu’il est besoin de parler de plusieurs autres besongnes, qui pendant Icdit temps, survinrent en plusieurs marches; ct retourneray à ladite matière, en temps et en lieu, par où vous cognoistrez la fin de son procès. :