CHAPITRE CXXV

+ Du trespassement de Charles, septiesme de ce nom,

Au mois de juillet de l'an mil quatre cents soixante ct un, droit le jour de la Magdeleine, qui fut le vingt et deuxiesme jour dudit mois, alla de vice à trespas, le très chreslien roy de France, Charles VIT de ce nom, dans le chasteau de Meun-sur-Yèvre; dont le peuple dudit royaume fut fort desplaisant. El y eul en icelui de grands cris cet lamentations; car en son lemps il avoit bien sagement tenu, et grandement bien gouverné sondit peuple en paix el en prospérilé. Par le trespas duquel, succéda à la couronne de France , Louys son aisné fils du nom, lequel, quinze années auparavant, estoit party de l’hostel de sondit pére, et qui oncques puis ne le vit, ni ne parla à lui, comme pouvez avoir ouy par ci-devant. Or lui cstant en

1 Cette intéressante affaire des Vaudois, ou hérétiques d'Arras, poursuivis par l’inquisition d'Arras , est racontée avec de grands détails dans les Mémoires de J, du Clerc, publiés dans cette Collection.

une place nommée Genneppe, sur les marches de Brabant et de Haynault, appartenant au duc Philippe de Bourgongne, lui furent apportées les nouvelles. Delaquelle place assez tost après 1l partit, et tira en une ville située en Haynault, nommée Avesnes; en laquelle plusieurs princes et seigneurs, avec la pluspart de ses officiers, tant ceux des chambres de parlement, chambre des comptes et des requestes, comme gouverneurs, baillifs et autres officiers de ce royaume, tirèrent devers lui, chacun tendant à fin de r’avoir leurs offices. En laquelle ville il fit incontinent un beau service, et d’honorables obsèques , pour l’ame de sondit feu père. Et incontinent qu'icelui service fut fait et accomply , il fut veslu d’une robe d’escarlale vermeille, commeilappartient à un roy successeur d’un autre, et monta à cheval, et alla jouer aux champs.

Or d'icelui Louys, je vous lairray à parler quant à présent; car bien ay-je intention de faire et commencer mon second livre‘, depuis son advènement et couronnement, qui sera, selon ce que j’ay trouvé, des biens , honneur, vaillance et conduite, tant de lui comme de Charles de Bourgongne, comte de Charrolois , fils seul ct pour le tout dudit Philippe, duc de Bourgongne, pour autant que lesdits deux princes sont d’assez bon age compétent, et que, à l’ayde de Nostre- Seigneur, j'espère qu'ils feront chose méritoire sur le pauvre peuple, digne de rédiger elmettre par mémoire, afin que leurs successeurs, après eux, puissent prendre et ensuivre leurs bonnes mœurs et vertus.Et je ne vous parleray aucunement plus avant de lui, pource que depuis son département d'’icelle ville d’Avesnes jusques à son couronnement à Rheims, je feray le commencement d’icelui mon second livre; et à l’ayde de Nostre-Scigneur, et de sa glorieuse vierge mère, je l’ensuivray jusques à son trespas; au moins , tant que la vie me sera reSpirant en corps. Mais je vous parleray et donneray à cognoistre l'entrée du corps nalurel dudit feu roy Charles dedans la ville de Paris et le service qui y fut fait, comme aussi de son enterrement, en l’église de Saint-Denys.

Vous devez donc sçavoir qu'après son trespas, le corps de cetrès chrétien roy futouvert,

1 Jo n'ai pu retrouver ce second livre, et rien n'indique qu’il ait en effet élé composé par Mathieu do Coussy.

ses entrailles mises et posées en un certain vaisseau, à ce fait et ordonné tout propice, et puis fut fait un personnage, tout au plus près de sa ressemblance, vestu et paré en habit et estat royal, qui fut assis el posé en un charriot branlant, icelui couvert d’une grande couverture de velours noir; et au-dessus, il y avoit une grande croix de velours blanc, et sept escussons de fleurs de lys d’or de Chypre, pardessus la houssure dudit charriot. Lequel personnage estoit là si bien assis, que chacun le pouvoit voir par le devant et le derrière dudit charriot; et en ce point, il fut chargé audit Meun-sur-Yèévre. Assez tost après sondit lrespas, il fut amené en la ville de Paris, et de là à Saint-Denys, comme vous orrez. Après lequel corps et le charriot, pour l'accompagner, estoient le duc d'Orléans, le comte d’Angoulesme son frère, le marquis de Saluces, le seigneur de Chasteau-Brun, le seigneur de Rochefort bailly de Touraine, le prévost de l’hostel dudit feu roy, et plusieurs autres, avec grand nombre de ses gens, rendants piteux cris et lamentations par tout leur chemin; ce que faisoit aussi le pauvre peuple, aux lieux par où ils passoient : car publiquement, on le pouvoit bien nommer Charles le Bien-Servy et le Bicn-Aymé. Et arrivèrent par un mercredy cinquiesme jour d’aoust, audit an, ensuivant sondit trespas, environ sur les neuf à dix heures de nuit, en l’église Nostre-Dame-des- Champs, ès fauxbourgs dudit Paris, là où 1l demeura toute la nuit, et le lendemain, jusques à huit heures après midy.

Et pourceque ceux dudit Paris estoicnt acertenés de ladite venue, il fut crié par tous les carrefours d’icelle ville : que chacun ostast les enseignes et tous les pots qui estloient aux fenestres des maisons , par ceux qui les avoient, sur peine d'emprisonnement de corps et d’amende arbitraire; c’est à sçavoir depuis la porte Saint-Jacques jusques au Petit-Pont, en retournant à l’église Nostre-Dame de Paris, au long de la rue de la Calandre, en tirant versle Palais, en retournant au Pont-des-Changeurs, et tout le long de la rue Saint-Denys.

Ledit jour de mercredy au soir, furent audevant de ladite église de Nostre-Dame-des- Champs, environ cent torches toutes assemblées. Et incontinent qu’on fust adverty que le corps s’approchoit, saillit de ladite ville de Pa-

1 ris bien auparayant, huit vingts torches , cha

cune pesant {rois livres de cire, que la ville ayoit fait faire, qui furent portées par gens tenants chacun la sienne, et qui ledit corps ac- -compagnérentjusques à icelle église. Et à l’endroit où ils trouvèrent le corps, il y avoit audevant d'icelui un huissier d’armes à cheval, portant les armes du roy. Après il yavoit un autre cheval portant la masse; et après il y avoit un homme de pied portant un baston au poing.

Après venoit ledit personnage , auprès duquel 4l y avoit cinq grands destriers tous houssés de houssure de satin noir, jusques en terre; et avoit chacun desdits destriers son homme qui le menoit, tous vestus de noir, avec chaperons de deuil. Après ledit charriot suivoient les seigneurs ci-devant nommés, qui s’estoient mis à pied ; et après eux suivoient six pages tous à cheval, eux et leurs chevaux vestus et houssés de velours noir; et avec eux estoit ainsi habillé le palfrenier.

Après suivoit grand nombre de gens à cheval ensembleun charriot de cuir bouilly, dans lequel estoit le corps naturel dudit feu roy, bien enoint et embaulmé. Et au bout des fauxbourgs, allèrent au-devant dudit corps le prieur de Nostre-Dame-des-Champs, accompagné de grand nombre de religieux -vestusde leur surplis, portants l’estole et de l’eau bénite, et la croixau-devant, qui en cest estat receurent leicorps; et très honorablement le conduisirent en ladite église. Lequel fut posé sur un petit engin à trois roues toules noires, houssé de velours noir et quatre grands cierges auprès de lui; et la mace fut mise au despartir au-devant du corps, où fut fait le service bien et honnestement ledit soir et le lendemain. Et ainsi la pluspart des gens de l’hostel partirent pour aller coucher ; et ne se logèrent ailleurs ni plus loin qu’ésdits fauxbourgs de la ville de Paris, et le plus près qu'ils pouvoient de l’église de Nostre-Damedes-Champs.

Le lendemain, qui fut jour de jeudy, devers le malin, sur les quatre heures, furent establis, aux portes de devers l’Université, des hommes, tous armés , pour garder qu’homme ne saillist de la ville, pour éviter la presse. Et n’y saillit sinon les seigneurs ct leurs serviteurs, ct ceux de l’hostel du roy, tous vestus de noir. Et environ les huit heures, y arriva ledit duc d’Orléans , avec grand nombre d’autres seigneurs , qui furent au service qu’on fit en ladite église de Nostre-Dame-des-Champs , et après que le

service fut fait, ledit duc d'Orléans s’approcha du corps, ct lui fit autant de réyérences comme s’il eust esté vif ; et fit dire par les religieux un De profundis ; et lui quatriesme estant à genoux, ils dirent une oraison à leur dévotion. Après l’oraison faite, icelui duc cet les autres se levèrent en faisant grande révérence au corps, au despartir.

A l'heure d’onze heures, fut fait le cri dans les rues de Paris par les cricurs dudit lieu, qui esloient en nombre de vingt-quatre, lous vestus de robes et chaperons de deuil, escusson devant el derrière, armoyé de fleurs de 1ys ; ‘lequel cri fut tel qu'il s'ensuit :

Dites vos patenostres pour le très haut et très excellent prince le roy Charles VIT, de ce nom; et, à heure de trois heures, venez à vigiles, en

église Notre-Dame de Paris.

De là, environ trois heures après midy, vint ledit duc d'Orléans , accompagné de tous les seigneurs dessusdits , avec eux les comtes d'Eu et de Dunois ; après eux le seigneur de Torsy, l'admiral de France, le seigneur de Lohéac, et plusieurs autres seigneurs, sans nombre, qui allèrent à ladite église de Nostre-Dame-des- Champs, tous à cheval. Après vint le prévost de Paris, tout à pied, accompagné de la plus grande part des conseillers et advocats du Chastelet, el les sergents à verges au plus près de lui. |

Après, suivoient les seigneurs de la cour de parlement , où il y avoit six huissiers vestus d’escarlate, tenants chacun sa verge; et le premier avoit son bonnet frangé d’or de Chypre, doublé de menu-vair par dedans. Après venoit le premier président, vestu d’un grand manteau d’escarlate pendant jusqu’à terre, accompagné des autres trois présidents de ladite cour ; et puis suivoient deux à deux les autres seigneurs et conseillers de ladite cour, jusques à cinquante, tous vestus d’escarlale, portants leurs chaperons sur l’espaule ; les advocats après pareillement habillés, et qui tous allèrent à ladite Nostre-Damce-des-Champs, au-devant du corps, tous à pied.

En après, alloient les eschevins de ladite ville de Paris, en leurs robes mi-parties, et leurs sergents devanteux, chacun son escusson à la poitrine ès-armes de la ville.

De l’autre costé alloient les conseillers de la chambre des comptes, leurs huissiers et ser-

gents devant eux ; et les seigneurs et clercs vestus de noir.

Après alloient ceux de l’Hostel-Dieu, et deux cents pauyres, chacun sa robe de deuil, sa torche de trois à quatre livres pesant, et deux escussons sur chacune torche, et sur la robe deux, l’un devant el l’autre derrière.

Après alloient quatorze ou dix-huit aveugles des Quinze-Vingts , tous deux à deux, vestus de noir, et l'enseigne d’une fleur de lys attachée à chacune de leurs robes ; par-devant il y avoit gens pour les guider. |

En après alloient soixante hommes tous vestus de noir , qui portoient la châsse et le bois où fut mis le corps du roy.

En après vinrent vingt-quatre crieurs , tenants chacun sa cloche, robes ct chaperons de noir, escussons devant el derrière.

À l'heure de quatre heures après midy , en fort dévote et belle ordonnance, commencèrent à venir les gens d'église ; c'est à sçavoir l’ordre des Cordeliers, en grand nombre, tous deux à deux, leurs croix devant eux; après les Jacobins , leur croix devant eux ; les Augustins, et cnsuivant les Carmes ; et cestoient merveilleusement grand nombre de mendiants ; puis l’ordre des Bernardins, de Sainte-Croix et des Ma- Uhurins.

En après venoient grande quantité de gens des paroissiens de Paris ; et les prestres après, en grande ordonnance, tous deux à deux. En ensuivant la procession vinrent grande quantité de croix des églises collégiales et régulières , puis venoient les gens des églises, à la main dexire, tous deux à deux ; et ceux de l’université, à la main sénestre. Pareillement, les gens de l’église de Nostre-Dame, de la Sainte-Chapelle du Palais, esloient les uns parmi les autres ; ct le thrésorier de la Sainte-Chapelle du Palais, ct le doyen de Paris esloicnt ensemble. Mesme il y avoit fort grande quantité de gens d'église et d’escoliers. Le long de la procession de l’église il y avoit treize crosses, dont l’archevesque de Bordeaux faisoit le bout du costé de dextre, ct le recteur de l’université, el ses bedeaux, avec leurs masses, esloient du costé sénestre. |

Icelles processions s’entrelenoient cl alloïient en belle ordonnance au-devant du corps, pour le recepvoir.A cinqheures, sonnants les cloches, les processions commencèrent à retourner ; les Cordeliers les prerniers, les Jacobinslesseconds;

puis les Auguslins, puis les Carmes, deux à deux, en ordre, ainsi qu'ils estoient allés; puis les Bernardins, el ceux de Sainte-Croix, et les Mathurins ; puis deux cents torches toutes allumées, en la façon qu'ils estoient allés, leurs robes, leurs chaperons et escussons de mesme. Puis vinrent les églises paroissiales. En après, les crieurs de Paris, qui estoient vingt-quatre, sonnants chacun sa clochette en sa main, avec leurs robes de noir et leurs escussons. Après vinrent à main dextre les gens d'église chantants, et l’université à main sénestre, tous deux à deux. Monseigneur de Bayeux , lequel estoit à Nostre-Dame-des-Champs, faisait lors le bout de la main dextre, et le recteur celui de la main sénestre. Après vinrent un peu Join une partie des serviteurs du feu roy, et deux à deux d’un costé ct d'autre; puis monscigneur de Paris au milicu, tenant une verge, avec ses seigneurs autour de lui, et estoient bien deux cents devant la croix. Après cela, au milieu de la rue, vinrent les quatre héraults d'armes, vestus de velours noir, ayants les armes dessus, tous à pied, devant le corps. Après vin! la cour de parlement autour du corps, la chambre des comptes, ct les secrélaires en-deçà et en-delà la rue. Et ceux qui portoient le corps estoient au milieu, au nombre de soixante, Et y avoit dessus le corps un grand drap d’or de quelque deux pieds de hauteur, de velours bleu semé de grandes fleurs de lys d’or de Chypre pardessus ; lequel drap esloit tenu par monseigneur le président, et avec lui les autres plus anciens de sa cour, lesquels estoient veslus d’escarlate pareille à monseigneur le président de parlement. Les seigneurs estoient : maistre Jean le Damoiseau, président; y esloit maistre Robert Thiboulé, second président en parlement, et Mathieu de Nanterre, aussi président. Pour les seigneurs des requestes du palais estoit maistre Jean de Sanzay. Dessus le drap il y avoit une pourtraiture faite du mieux que l’on avoit peu à la ressemblance du roy trespassé , laquelle esloit mise par engins sur le drap d’or; elle avoil une couronne en teste, posée sur un bonnet qui lui touchoil les oreilles, et ensemble un peu des joues, et avoit un pourpoint de damas violet, ensemble des manches faites à l’ancienne , d’une façon bien large, une robe pardessus, assez juste, de velours bleu, toute semée de fleurs de lys, tout au long de la jambe, ct

| dessoubs le pied ; outre quoy, elle avoit une

D ne

grande robe de velours bleu, faiteen grand habit royal, fourrée d’hermines, toute semée de fleurs de lys; et avoit des gands tout neufs ës mains ; et tenoit en sa main dextre le sceptre royal, et dans l’autre main un baston où il y avoit une main de justice au bout ; dessoubs sa teste il y avoil un grand carreau de velours violet. Et en cesle façon on la portoit parmi la ville; et parlout sur le corps, et par manière de sépulture, le poisle, ainsi qu'on le porte sur le corpus Christi, dont les bastons cstoient portés par le procureur du roy au Chastelcet, et autres ensemble. Or il y avoit six bastons ; et afin que le monde veist mieux la chose, le poisle fut mis un peu arrière. Après le corps venoit monseigneur d'Orléans, porlant un grand manteau de deuil, à grand chaperon ; et alla ainsi sur son mulet, lequel deux hommes de pied menoient en pleurant el larmoyant. Auprès d'eux monseigneur d’Angoulesme, portant un grand manleau et un chaperon ; le comte d’Eu, et M. de Dunois pareïllement ; ct n’y avoit qu’iceux quatre portants manteaux. De plus, il y avoit sept ou huit chevaux, où estoient monscigneur le chancelier, d’un costé, et en l’autre costé de larue, estoient les chambellans du roy, legrand escuyer, et bien quatre-vingts hommes portants

deuil; et les pages tous à cheval, pour mons-.

trer au peuple qu'ils l’avoient apporté là-dedans. Après venoit un charriot de cuir bouilly, ensemble grande route‘ de gens à pied et à cheval. Et incontinent que le corps entra à Nostre-Dame de Paris, ils commencèrent à dire vigiles. Et fut porté le corps, ensemble l'image du roy, et fut mis en une chapelle toute noire et couverte de cierges ardents, tout au milieu du chœur. A vigiles estoient messeigneurs d'Orléans , d'Angoulesme, d’Eu et de Dunois, et autres grands scigneurs. Etlà furent dites bien et honorablement vigilcs des morts en l’église Nostre-Dame de Paris, qui estoil armoyée en la manière qui s'ensuit.

Premièrement, il y a deux piliers à l’entrée de Nostre-Dame, où à chacun il y avoit un grand cscusson de liercelin?, avec les armes du roy ; dessus la porte, devers le cloistre de monsieur de Paris parcillement; derrière l’huis, aux deux portes derrière le cloisire , aussi pareillement ; à l'entrée de ladite église de Nos-

1! Troupe.

8 Étoffe.

tre-Dame , à chacune des trois portes, deux escussons de fleurs de lys tiercelin; et en la chappelle où estoil le roy, 1l yen avoit quatre de tiercelin , à la façon dessus dite ; ensemble

deux estendards, mis ensemble au bout de la

nef du chœur, de tiercelin bleu, à trois fleurs de lys chacun; et tout Ie surplus de l’église, semé d’escussons sans nombre. L’ornement de l'église estoit, à commencer près de la grande porte, proche la figure Saint-Christophe ; ct au-devant des orgues il y avoit une loile bleue, semée de fleurs de lys, sans cierges, et après en leur rang , des autres cicrges , en tirant jusques à la croisure , de costé ct d’autre. L'autre costé esloit pareillement tendu de toiles à fleurs de lys. Dessoubs le haut rang, il y avoit un autre rang quasi un peu plus haut que le milicu des pilliers. En deçà ct delà de la nef et dessoubs les cicrges, estoit la toile tendue pareïllement comme dessus , parée de fleurs delys. À costé du second rang, tant deçà comme delà , il y avoit un rang decierges. Dessoubs les chapelles hautes, en commençant au bout de l'entrée, le tout estoit comme les autres, en tirant jusques au bout de la nef, sans toile lendue. A tous les pilliers de la nef on avoit mis grosses barres, qu’un homme y eust esté facilement jus-

ques la poitrine; ésquelles entre les pilliers on

avoit mis, sans nombre, des torches à double rang, d’un costé et d'autre, chacune torche de trois ou quatre livres ; autour les piliers delà la nef encore des cicrges; ct aussi pareillement autour des pilliers, derrière le mur.

L'’ornement du chœur,

Premièrement, au pompiére, à l'entrée il y avoit une loile de bleu, semée de fleurs de lys. Tout au milieu du chœur estoit la chapelle loute noire, à cinq grandes croix, couverte de cierges ; ensemble les quatre escussons de s8alin noir, ct frange tout autour, noire ; et dessoubs estoit le çorps, ensemble la stalue du roy par-dessus le drap d’or, avec grand nombre de torches , à deux escussons chacune , autour de la chappelle. La chapelle estoit bien de hauteur de quatre brasses, de long trois brasses, et de large pareillement.

Aussi parcillement, et aux cicrges du chœur dessoubs, tout autour, semé de fleurs de lys en toile bleue, toute tendue par dessoubs ; et les pilliers dedans le chœur estoient tous tendus, ensemble les cierges tout autour du chœur ; ct

autour du grand autel tout plein, l’ornement ‘de l’autel et toute la custode corpus Christi de velours noir haut et bas; ensemble les courtines de tiercelin noir, à frange noire; pareillement l’autel de derrière le grand autel, couvert de velours haut ct bas ; ensemble les courlines de tiercelin noir à frange noire. La place de l’évesque de Paris tout ornée de velours, ctle chœur ensemble tout tendu de satin. Bref, au regard du luminaire, il n’y avoit homme qui le sceust escripre; car tout ce qui estoit dans Jadite église de Nostre-Dame fut allumé tout le ‘long des vigiles ; les torches et les cierges de l’escurie y furent bien et honorablement aheurés ; et y avoit, tant d’évesques que d’abbés , et aussi d'archevesques et patriarches , jusques à quatorze crosses : ainsi fut fait le service des vigiles, le jeudy au soir.

Le vendredy , sur l’heure de six du malin, commença la sonnerie; entre sept el huit heures on commença la messe des morts ; car il n’y à jamais qu’une messe ; et tenoient le chœur monseigneur de Chartres et monseigneur de Troyes, évesques ; et disoit la messe monseigneur de Bayeux, patriarche ; monseigneur de Poitiers csloit diacre, el monseigneur de Béziers sous-diacre. Quand ce vintà l’offrande, les quatre héraults du feu roy portèrent premièrement les présents au-devant de monseigneur d'Orléans, car quand eux furent à coslé du corps, ils se mirent à genoux jusques en terre. Après vint monseigneur d'Orléans, lequel estoit mené par quatre hommes, savoir : deux qui le tenoient parmy les bras, et deux qui portoient le manteau derrière. Quand ilfut à costé du corps, il s’inclina et s’en vint à l’offrande; ct n'offrit sinon lui. Au retour, les héraults qui estoient au costé du corps firent la révérence comme dessus, et pareillement monseigneur d'Orléans. Après l’offrande, il y fut fait un sermon par maistre Jean de Chasteaufort, dont son thesme estoit : Memento judicii met, Domine. En la fin il dit comment le roy avoit receu le corpus Christi en grande dévolion, et comment il s’estoit confessé ; ct adjousta heaucoup de bonnes paroles du roy mort, en disant qu’à l'heure qu'on récitoit la passion de saint Jean l’évangéliste, et qu'on en estoit à ces paroles : inclinato capite emisit spiritum, 11 rendit lors l’ame à Dieu; ct là furent les pleurs.

L'ordre de l'assiette du chœur,

Premièrement, à l’entrée du chœur, à la main dexire, au premier siége, monseigneur d'Orléans, monseigneur d’Angoulesme au second siège, monscigneur d'Eu en ensuivant, monseigneur de Dunois au quatriesme : les quatre dessusnommés porloient le deuil; puis le seigneur de Lohéac, après le seigneur de Torsy, monseigneur l’admiral ,le marquis de Saluces, le seigneur de Chasteau-Brun , le seigneur de Rochefort, le grand escuyer, le seigneur de Donolles, ensemble un autre général'; en ensuivant les chanoines ; ct du rang de monseigneur de Paris, estoient les évesques et abbés, chacun par ordre, et ceux qui estoient à la main dextre du chœur.

À la main sénestre, au premier siége, monseigneur le chancelier de France, messeigneurs les deux présidents joignants, maistre Bureau Boucher, maistre Estienne Le Fèvre, maistre Jeanle Damoiseau , maistre de Sanzay, maistre Mathicu de Nanterre.

Ensemble vinrent dix ou douze de la Grande Chambre; et pour fournir à messeigneurs de la cour des comptes, et les secrétaires, furent mis des bancs à costé de l’autre, au-dessoubs aussi; après esloicnt les chanoines, au bout d’en-haut de la main sénestre, et y esloit, monsieur le recteur, trois doyens et quatre procureurs ; et vous voyez par là l’ordre du chœur.

La messe estant dite, ainsi que les seigneurs s’en alloient, ils firent dire certaines oraisons sur le corps par ceux qui faisoient l'office; et avant que l'oMice fust fait, estant à la fin de

dix heures et demie devers le matin, à l'issue

de Nostre-Dame, fut fait le cri par les crieurs, devant l’Hostel-Dieu de Paris, en la manière qui s'ensuit: Priez pour l’ame du très haut, trés puissant et très excellent prince le roy Charles VII de ce nom; et le disoient deux

fois; et venez en la grande église. Nostre-

Dame de Paris, à une heure , pour accompagner le corps jusques à S'aint-Denys en France.

Donc , entre une et deux heures après midy, la compagnée estant rassemblée à Nostre-Dame de Paris, toute la cour de parlement, ensemble l’église et l’université, sur les trois heures partirent par ordre, sçayoir : ceux de

3 Receveur-général des finances.

l'église, les autres ensuivant. Et en la façon qu’avoit esté apporté le corps, de Nostre-Dame, ils passèrent la rue de la Calandre, et au-devant du palais, sur le pont aux changeurs; et au milieu du pont ils posèrent le corps . pource que les mesureurs de sel, au milieu du pont, doibvent rendrele corps aux saleniers de la rue Saint-Denys ; et par ainsi eux le prinrent; el les mesureurs de sel baillérent leurs robes de deuil, et de là le corps fut porté devant Saint- Innocent. Quand ce vint au-dechors de la ville, la pluspart de la seigneurie monta 5 cheval, et les héraults aussi montérent de mesme; et autour du corps il y avoit quelque vingt hommes armés des archers de la ville de Paris, la procession tenant tousjours son chemin, les chanoines avec leurs aumusses fourrées. Quand le corps fut au village qui se nomme la Chappelle, l'abbesse de Montmartre, ensemble ses religieuses , arrivèrent au-devant dudit lieu, et là il fut posé ; et y furent dites plusieurs belles oraisons. De là il fut porté à une petite croix qui est entre les deux grandes croix, au-dessus du Landy, laquelle divise la justice de Paris d’avec celle de Saint-Denys , là où ceux dudit Saint-Denys attendirent le corps , lesquels estoient enchappés, ct portoient la plus belle

croix que l’on pouvoit, et tout en oriflambc.-Et-|

là fut posé le corps ; puis toutes les processions de l’université s’en retournèrent quand ils eurent receu le corps; ct furent dites certaines oraisons par monseigneur de Chartres; et fut mis le corps sur deux traiteaux, et les bonnes gens de Saint-Denys voulurent prendre le corps pour le portier; mais ils ne furent pas assez forts, clily pensa avoir un peu de desbat; alors monseigneur de Dunois ordonna que ceux de Paris le portassent ; et par ainsi il fut porté par ceux de Paris jusques dedans l'église Saint- Denys ; car il estoit nuit. Et pour ce qu’il estoit trop tard, ne furent point lors dites les vigiles, mais un grand nombre d’oraisons el respons sur le corps.

L'ornement de l’église,

Premièrement , à l'entrée des trois portes de l'église Saint-Denys il y avoit six escussons de tiercelin noir, aux armes du roy, sçavoir: à chacune des portes, deux ; etaux deux croisées il y ayoit deux fins estendars de tiercelin, à trois fleurs de lys par dedans à chacun. Toute la nef, d’un costé et d'autre, estoit {endue de sa-

Un noir; et le haut de la nef cstoit tendu de toile bleue semée de fleurs de lys d’un costé et d'autre. Le devant du chœur estoit tendu de velours noir ; l’autel de dedans le chœur pareillement de satin noir; et tout autour de la chapelle, avec frange noire; la chapelle où fut mis le corps du roy esloit semblablement toute tendue de velours.

Le grand autel pareillement, comme aussi tous les autres de ceste église, tant qu'il yen a, estoient garnis de velours, et le haut et le bas de sain ; le haut de l’église de derrière le chœur esloit tendu de toile blanche semée de fleurs de lys.

Et au regard du luminaire : au milieu du chœur , il y avoit une chapelle à cinq croix, toule noire, aussi grande que celle de Paris, des cierges par-dessus, et des torches avec des escussons tout autour de la chapelle; bref, elle estoit aussi triomphante que celle de Paris.

Au regard de la nef il y avoit des barrières parmy les piliers, et des torches à double rang, comme à Nostre-Dame de Paris , d’un costé et d’autre, avec des cierges sans nombre tout autour du chœur, en grande quantité. Bref, on peut dire qu’il n’y avoit guères moins de luminaires qu'à Nostre-Dame de Paris. On sonna le service à cinq heures; et durant les vigiles, qui furent honorablement dites à sept heures, les cricurs de Paris firent leur cri en la manière qui s'ensuit : Priez pour l’ame du très haut et très puissant prince le roy Charles V'II de ce nom.

A l'heure de huit heures commença la sonnerie et la messe des morts. Messecigneurs de Poitiers et de Chartres tenoicntle chœur, et la messe ful dite par monseigneur de Bayeux, patriarche, monscigneur d'Angers servant de diacre et monseigneur de Béziers de sous-diacre. Quand ce vint à l’offrande, il n’y vint que monseigneur d'Orléans. Les héraullts allants devant, vinrent offrir, ct firent honneur au corps comme ils avoient fait dans Nostre-Dame de Paris. L’assiette du chœur ful pareille comme à Nostre-Dame , exceplé que le recteur ne ses quatre procureurs n’y esloient point; car incontinent que ceux de Saint-Denys eurent receu le corps, toutes les processions s’en relournèrent, et l'université aussi.

La messe estant dite, monseigneur d'Orléans et toute la scigneurie, ensemble madame d'Or-

léans, se mirent dans la chapelle là où le corps debvoit estre enterré, comme aussi les évesques , les abbés , avec aucuns des seigneurs de la cour, et grand nombre de chevaliers et escuyers; et fut après apporté le corps, ensemble la portraiture, par les serviteurs de l'autel du chœur, jusques dedans la chapelle, les religieux de ceste église venants aulour du chœur, en chantant ce qu’il appartient en tel cas ; el y avoit grande presse. Au-dessus de la voûte de la chapelle il y avoit un grand crampon de fer à tendre les cordes, lesquelles furent mises en un coffre de cuir, par des gens préposés exprès à ce faire; et fut descendu le coffre de cuir en la fosse et posé sur deux barres de fer; et les chambellans, lant qu'ils peurent, soustinrent le drap d’or, pour garder que le peuple ne le vist.

Quand on cut demeuré là une demi-heure, le hérault d'armes cria tout haut : Or oyez. Et faillit que les oraisons n’estoient pas encore achevées de dire. Peu après, monseigneur de Bayeux mit de la terre en sa main, et la jelta dans la fosse. Alors le hérault dit ce qui s’ensuit à haute voix, tout en pleuranl : Priez pour l’ame du très excellent, très puissant el très victorieux prince le roy Charles VII de ce nom.