CHAPITRE CXXIX
D'aucuns gens qui furent prins en la ville d'Arras, sur ce qu’on lcur imputoit estre vaudois.
Environ la Pentecoste de l’an précédent, courut la voix ès marches de Picardie, qu’en la ville d’Arras estoient plusieurs vaudois, tant hommes comme femmes. Et au pourchas d’aucuns , le duc de Bourgongne, à qui la ville estoit subjette, à cause de sa comté d'Artois, ordonna certains commissaires, pour de ce sçavoir la vérité, et aussi en faire justice selon qu’il appartiendroit. Et y fut ordonné aller le comte d’Eslampes, qui estoit capitaine-général desdites marches de Picardie, de la part d'icelui duc de Bourgongne, afin que les exécuteurs et commissaires de ladite besongne peussent plus seurement besongner en icelle ; car besoin estoit d’y avoir un bon chef, parce que de prime-faceon s’y print de rude manière, et en fit-on prisonniers grand nombre de gens de simple estat et de mauvaise vie, desquels aucuns furent questionnés, interrogés et preschés par gens qu'on disoit estre notables clercs en droit, et depuis livrés à la justice temporelle, et par icelle ars el bruslés, Et pource qu’on disoit iceux exéculés avoir accusèé plusieurs autres gens de grand renom et de bonne façon, ayants bonne chevance, comme le seigneur de Beaufort ct de Ransart chevaliers, maistre Anthoinc Saque-Espée, riche ct puissant, un nommé Jean Tacquet, marchand, et mesmement Martin Cornille, qui auparavant avoit esté receveurgénéral de toutes les finances dudit duc de Bourgongne, el plusieurs autres, avoir eslé complices et coupables d'icelles vauderies, icelui Martin Cornille, recognoissant que cela lui procédoit par la hayne couverte d’aucuns de ses hayneux, 1l s’absenta de ladite ville et du pays, et s’en alla à Rome ou autre part, où bon lui sembla, où il fut par long-temps. Pareillement icelui Tacquet se retira en la ville de Paris; mais
ce nonobstant, tous leurs biens meubles et immeubles furent prins el mis en la main dudit duc de Bourgongne, et iceux gouvernés ct conduits par gens qui désiroient la destruction totale des dessusdits.
Au regard des susdits de Beaufortet maistre Anthoine, ils furent prins et constitués prisonniers en grande esclande, el furent par plusieurs fois questionnés par voie de fait, et très inhumainement. Et faisoit-on cela, afin de leur faire cognoistre ’ aucunechose par quoy on eust couleur de les pouvoir faire mourir, pour avoir la confiscation de leurs biens. Et à ce tenoient fort les mains aucuns qui lors esloient du conseil dudit comte d’Estampes: mais oncques ne confessèrent-ils chose qui leur fust préjudiciable. Et dudit temps fut ladite ville si escriée, que tous ceux du pays faisoient grande dificulté de s’y trouver. Or advint que Philippe de Beaufort, aisné fils dudit scigneur, qui voyoil que sans cause on traitoit ainsi mal sondit père, et que mesme aucuns de ses parents et amis l’enhortoient soy composer (ct de fait, icelui de Beaufort composa de payer quatre mille escus d’or, afin d’estre délivré de la prison où il estoit, icelui Philippe se retira enfin devers le roy, où en sa chancellerie il donna à entendre le cas de sondit père, disant qu’il vouloit ester ? à droit en la cour du parlement, qui estoit la fontaine de la justice de ce royaume ; et obtint lettres royaux, en vertu desquelles il estoit mandé au premier huissier dudit parlement ou sergent royal , qn’on prinst ledit seigneur de Beaufort réellement et de fait ès prisons où il estoit), ct que soubs bonne etseure garde on le menast ès prisons du roy à Paris, c'est à sçavoir en sa conciergerie du palais.
Or, quand icelui Philippe eut icelles lettres, il print un huissier et autres officiers et gens du roy; et par ledit huissier, fut ce seigneur de Beaufort, prins és prisons où il estoit, en la cilé lez ladite ville d'Arras, et mené en ladite conciergerie, où il fut long espace de temps; et lui eslant là, il se soubmit à ladite cour de parlement, pour par elle estre condamné ou absous. El si furent adjournés les dessusdits exécuteurs et commissaires , à la requeste d’icelui seigneur de Beaufort et dudit Tacquet,
1 Révéler.
2? Du mot s{are, mot encore reçu dans le langage du droit,
qui desjà de sa volonté s’estoit allé rendre prisonnier , afin pareillement de se soubmettre à porter punition, telle qu’icelle cour leur ordonneroit. Contre lesquels fut fait leur procès bien au long : et en la deffinitive, ils furent trouvés purs et innocents de ce pourquoy ils avoient ainsi esté accusés, et furent aucuns de ceux qui ainsi les avoient traités, condamnés en réparalions honorables, cten grandes sommes d’argent. Et fut trouvé par ladite cour, que cela ne procédoit que par hayne, et soubs ombre d’avoir leurs chevances. Dont aucuns des conseillers dudit comte d’Estampes, comme. dit est, furent fort blasmés ; cten donnoit-on de grandes charges à deux des secrétaires dudit comte, qui pour lors avoient grande audience devers lui, dont l’un se nommoit maistre Philibert Boucillart, et l’autre maistre Jean Fourme. Et quand ledit duc de Bourgongne ful adverty pleinement que loutcela procédoit par la manière que dit est, il fit cesser tels emprisonnements, et mettre au délivre ledit maistre Anthoine Saque-espée, et plusieurs qui encore estoient prisonnicrs, et lever la main de leurs biens ct héritages. Ainsi retourna ledit Martin
-Cornille, et les autres qui s’estoient absentés en
icelle ville; et leur furent rendus ct délivrés leursdits biens ct héritages !.
