AUTRE ACTE

Item, ce jour, après disner, environ quatre heures du soir, ledit évesque somma et requit vénérable homme frère Jehan Magistri, vicaire dudit inquisiteur de la foy, qui avoit esté appellé pour assister audit procès: et fut, par ledit évesque, requis et sommé de se adjoindre à procéder avec lui en la matière de ladite Jehanne, en offrant lui communiquer tout ce qui avoit esté fait audit procès ; lequel Magistri respondit: que sisa commission et vicairerie estoit suffisante, que volontiers il feroit ce qu’il debvroit et pourroit faire pour ladite inquisition. Ce fut fait en l’hostel dudit évesque, en présence de Jehan Massieu, frère Symon de Paris, Bosc Guillaume et Manchou.