PREMIER INTERROGATOIRE

( Mercredi, 21 février.)

Le lendemain, qui fut mercredy, vingtuniesme jour de février audit an, en la chapelle royale du chasteau de Rouen, ès présence dudit évesque et de messeigneurs ct maisires , monseigneur Gilles, abbé de Fescamp, Jehan Bcau-Père, Jehan de Chastillon, Jacques le Tessier, Nicolle Midy, Guérart Feuillct, Guillaume Hecton, Thomas de Courcelles et maistre Richard Prati, furent lues les lettres du roy d'Angleterre, par lesquelles il mandoit aux juges ordinaires de Rouen qu'ils baïllassent ct deslivrassent la Pucelle audit évesque, pour faire son procès, les lettres du chapitre de Rouen, comment ils avoient permis audit évesque de besongner audit procès en territoire de Rouen, el la citation pour faire entrer ladite Pucelle devant lui, avec la cilation de celui qui l’avoit citée ; lesquelles lues, maistre Jehan Estüvet, ordonné promoteur en ce procès par ledit évesque, demanda et requit que ladite Pucelle fust amenée ct inlerrogée selon la voye de droit, ce qui lui fut acsordé par ledit évesque. Et sur ce que ladite Jehanne avoit supplié et requis qu’il lui fust permis de ouyr la messe, icelui évesque dit : qu’il avoit eu conseil avec aucuns sages et notables personnages, par les- . quels il avoit trouvé que, attendu les crimes dont elle estoit accusée ct diffamée, et aussi qu'elle avoit porté l’habit d'homme, on lui debvoit différer ladite requeste ; et ainsi le desclara.

Assez tost après, ladite Jehanne fut amenée devant ledit évesque el les assistants dessus nommés. Laquelle venue, icelui évesque lui dit et remonstra comment elle avoit eslé prinse dedans les marches de son diocèse. El pource

qu’il estoit bruit et renommée de plusieurs de |

ses faits qui estoient contre nostre foy, non pas seulement en royaume de France, mais par tous les royaumes, èsquels ils estoient divulgués et publiés, et qu’elle esloit accusée d'hérésie, elle lui avoit esté baillée et deslivrée pour faire son procès en malière de la foy. Après lesquelles paroles, le promoteur dessusdit remonstra comment, à sa requeste, elle avoit eslé citée et convenue, pour respondre en matière de la foy, ainsi qu'il apparoissoit par les lettres et actes qu'il exhiba présentement, suppliant qu’elle fust adjurée de dire vérité, et interrogée sur les parties qu'il baiïlleroit; laquelle requeste lui fut accordée par ledit évesque et assistants.