CHAPITRE VII

Comment le comte d’Armagnac fit sa requesie au roy Charles qu'il fist justice ; et depuis requit, au lieu d’icelle, miséricorde ; et du trespassement de madame la dauphine.

Or, convient-il parler d’autres besongnes qui, audit an mil quatre cents quarante et cinq, furent mises en avant, durant le temps que le roy esloit encore à Chaalons avec toute la scigneurie sus mentionnée ; car de jour en jour y survenoient ambassadeurs et autres gens de plusieuss pays, qui avoient de grandes affaires à traiter et négocier auprès de luy ; entre lesquels y vinrent des députés du comte d’Armagnac, qui, par plusieurs fois, firent requeste au roy, et aux seigneurs de son conseil, à ce qu'ils peussent avoir audience, afin de remonstirer aucunes choses, de par ledit comte, pour lesquelles ils estoient là venus : ce qui leur fut accordé. Et eurent un jour assigné, auquel le roy se trouya en personne, bien accompagné de seigneurs et gens de conseil, là où, par la bouche de l’un d’iceux, 1l fut déclaré et rapporté bien au long de tous les affaires d’iceluy comie, ct comment, sans cause raisonnable, on l’avoil accusé envers le roy et mis en son indignation, dont il avoit eu et avoit encore de grands inlérests et dommages, parce que le roy avoit envoyé, et y avoit desjà du temps, son fils le dauphin, accompagné de plusieurs gens de gucrre, cten grand nombre, qui le prirent el arrestèrent en sa ville de l’Isle- Jourdain, en personne; et aussi grande partie de ses biens, avec aucuns de ses gens et vassaux. Et nonobstant qu'icelui comte eust depuis, par diverses fois, fait faire requeste à ce qu'il pust estre ouy en ses deffenses et excuses, et qu'on lui administirast et fist justice, néantmoins, jusques à présent, il n’y avoit pu estre receu, mais avoit csté prolongé et entretenu par remises de journées, durant un très long espace de temps, à son grand préjudice; et pour ce requéroit-il derechef bien affectueusement le roy et son conseit, que justice lui fust faite et administrée ; laquelle on ne devoit refuser , comme il disoit, à aucun de quelque estat qu'il fust. Et dit en outre en sa mesme proposition, et remonstra au roy tous les services et bien que les comtes d'Armagnac avoient fails aux rois de France et au royaume, depuis trois cents ans auparavant ; et si allégua plu-

sieurs autres raisons servan{s à sa cause, les-

A SD ue A tin (5

quelles seroient trop longues à raconter, qui toutes tendoient à fin qu’on lui fist bonne et briefve justice.

Quand iceluy proposant, qui esloit assisté,

en faveur d’icelui comte d’Armagnac, d’aucuns

grands seigneurs , et entre les autres du comte de Foix, eut finy ladite proposition, l’advocat criminel du roy, qui estoil là présent, nommé maistre Jean Barbin, se leva ; et en faisant la révérence, comme il appartenoit, il adressa ses paroles au roy, et lui requit qu’il peust avoir jour de respondre à ce qui avoit esté dit de la part du comte; lequel jour il demandoit estre dans peu, comme dans deux ou trois jours seulement après ; si lui fut-il ainsi accordé. Et Jors on ordonna , de par le roy, à eux là estants, de retourner audit jour assigné, pour ouyr la response que feroit icelui advocat: lequel diligemment, nuict et jour, entendit à ses besongnes, afin de garder et maintenir l'honneur du roy son souverain seigneur el de son grand conseil, par lesquels les matières dessusdites avoient esté conduites.

Quand ce vint au jour que le roy et tout le conseil furent assemblés, icelui advocat, comme dessus, requit qu’il eust audience pour faire sa response ; ce que le roy lui octroya. Adornic, fort sagement, hautement et intelligiblement, il reprit grande partie de ce qui avoit esté dit et proposé de la part d’icelui comte d’Armagnac, el après il déclara ct desduisit par le menu toutes les fautes, dommages et inconvénients qui estoient advenus aux rois de France et au royaume, depuis trois cents ans, par les comtes d’Armagnac précédents ; etnommoil pleincment par leurs noms ceux qui avoient fait cela, et en quel lemps 1ls en avoient ainsi usé. Après cela il vint au principal de sadile matière, ct récila de poinct en poinct ce qui avoit esté fait contre Ie roy, son authorilé et sa seigneurie, ct cela moult de fois, par ce comte d’Armagnac à présent régnant, et ‘par autres ses vassaux ct subjecls, de son veu ct de son sceu. El entre un très grand nombre de fautes, qu’il disoit avoir cslé par luy perpétrées, il remonstroil comment il avoit fait mourir, sans cause raisonnable, dans ses prisons, un des mareschaux de France, c’est à sçavoir le scigneur de. . . .! combien que le roy lui eust par plusieurs fois

‘ Lacune dans le manuscrit; mais ce pouvait être Jean de Brosse, sieur de Saint-Sévére et de Boussac.

escrit, et fait à sçavoir qu'il le délivrast : qu'il s’estoit aussi allié, par le moyen de sa fi lle , avec Henry, roy d'Angleterre, et avoit traité ct souffert de traiter le mariage d’iceluy roy avec elle; et, en ce faisant, qu’il luy avoit fait plueus promesses très Didüdicubles au roy et à son royaume; ce que luy ne autres de ses princes ne debyoit ou pouvoit faire, suivant les édicts royaux de très long-temps mis sus : Sans le consentement du roy et de son grand conseil. Et par ainsi, si le roy avoit procédé et fait agir à l'encontre de luy pour le réduire x et aussi pour le punir et chastier de tant de fautes commises contre luy, ce avoit cesté à bonne el juste cause ; ct n’en debvoit aucunement estre blasmé de quelque créature qui fust vivante; mais debvoit de ses princes, bons vassaux et subjects, estre soutenu et aydé en loutes ses affaires, contre tous ceux qui faisoient telles et semblables rebellions ct désobéissance à leur roy souverain.

A la fin de sadile proposition, il requit au roy, Sur toules choses, qu'il lui pleust qu’icelle besongne fust (railée et poursuivie jusques à la fin en justice; et allégua el remonstra plusieurs fortes raisons, par lesquelles il estoit tenu et obligé de ce faire: ct ne le dchbvoit aucunement dissimuler en ce cas, puisqu'il louchoit et regardoit son authorité royale. Et s’offroit en outre le susdit advocat, de prouver lout ce qu'il avoit mis en avant à l'encontre d’icelui comte, le tout tendant à fin de confiscation de tous ses pays et domaines estants dans l’estenduc du royaume de France, cl encore avec cela à punition corporelle. Si dura ceste proposition assez longuement. À la fin de laquelle les gens du comic requirent d’avoir encore un jour pour respondre, ce qui leur fut accordé de par Ie roy et Ie conseil; ct eux estants partis de Ià, ils parlèrent à plusicurs seigneurs , et autres de grande authorité, qu’ils ressentoient estre bons amis de leur seigneur et maistre le comte susdit, cn leur requérant conseil sur ce qu'ils avoient à faire ; lesquels , assez d’un commun accord, leur dirent et conscillèrent, sur tous les différends qu'ils avoient veus et ouys, qu'ils nesçayoicntou voyoient aucun meilleur moyen que de requérir la grace et miséricorde du roy ; car si iceux différends se trailoient à la rigueur et sévérité de justice , il y pourroit avoir trop grand péril ct danger pour leur partic ; à quoy consentirent les dessusdits, ct se tinrent à ce

‘conseil. De sorte qu'estant retournés devers le roy, accompagnés de plusieurs grands seigneurs qu'ils avoient requis de les assister, c’est à sçavoir les comtes de Foix, de Dunois , et autres notables barons, chevaliers el escuyers de grande authorité, ils tirèrent un certain jour pardevers le roy, auquel, après l'avoir abordé en grande humilité, estants à genoux, ils luy supplièrent , qu’au lieu de justice dont ils l’avoient autresfois requis en faveur deleur comte d’Armagnac , il lui pleust, de sa haute authorité et puissance royale, lui faire grace et miséricorde, et de le recevoir en sa mercy, l’assurant cnsuite qu'il seroit à l’advenir prest de lui faire toute bonne obéissance, et aussi de se soumettre à lui de tout ce généralement qu’il pouvoit avoir mespris envers lui et son conseil, sans v mettre aucun contredit et empeschement.

Adone, le roy, voyant ct entendant icelle requeste estre ainsi faite, et que plusicurs des scigneurs de son conseil l’enrcquéroient si humblement, en fut assez content, et fit réponse aux dessusdits qu'il avoit bien leur dite requeste pour agréable, et qu’il en feroit tant en faveur d'eux et à leur recommandation, qu'ils n’auroient cause de s’en douloir et plaindre. Or depuis ceste journée, les besongnes se continuérent toujours en plus grande douceur qu’elles n’avoient fait auparavant; tant qu’en assez peu de jours ensuivant, la plus grande partie des villes, forteresses ct scigneurics du comte, qui estoient lors en la main du roy, luy furent rendues et délivrées, moyennant et à condition qu’il ballast aucunes seuretés d’entretenir ce qui, par le roy et son conseil, seroit ordonné et appointé, touchant la question dont dessus cst fait mention; ct aussi qu'il promist, que dès ce jour en avant, il feroit et feroit faire par tous ses pays bonne obéissance au roy”et à tous ses officiers. Par ainsi, ceste question et ce débat assez rigoureux, qui avoit desjà duré longuement, fut pour lors comme appaisé. Durant lequel temps, et que le roy ct la royne, avec autres grands seigneurs, curent là séjourné par très long espace de temps, ct que plusieurs hautes besongnes y eurent esté traitées, et, avec ce, qu’on y eust fait plusieurs grandes ct somplucuses festes et esbattements, tant en joustes comme en autres joyeusetés, 1] survint une fortune de laquelle toute la compagnée généralement fut fort troubléc ct desplaisante; c’est que la dauphine, fille du roy

d'Escosse, qui estoit de jeune aage, belle et bien formée, et laquelle, suivant le rapport de plusieurs gens dignes de foy, qui plusieurs fois l’'avoient veue, estoit pourveue et ornée de toutes bonnes conditions et advantages que noble et haute dame peut avoir, prit une maladie dont elle alla de vie à trespas en peu de jours ensuivant. Pour le décès de laquelle il fut fait grand dueil par tous ceux qui en avoient cognoissance, et qui convyersoient à la cour; espécialement le roy, la royne, et le dauphin, son mary, en eurent au cœur très grande tristesse ; si fut-clle portée et mise en terre sainte, à grande solennité, en l’église. Et ce fait, tantost en briefs jours le roy et toute sa compagnée sus-mentionnée partirent de là peu de jours après; et, par plusieurs journées, s’en alla à Scns, en Bourgongne. Auquel temps, aucuns grands seigneurs furentcongédiés de la cour, par le moyen d’aucunes tribulations et traverses qui s’y esmeurent contre eux; et leur fut dit, de la bouche mesme du roy, qu'ils n’y retournassent jusques à tant qu'on les mandast.