VINGT-TROISIÈME INTERROGATOIRE

Mercredy dix-huiticsme jour d’avril1431.

Maistre Guillaume le Boucher, avec les juges dessus nommés, maistre Jacques de Touraine, Maurice du Chesne, Nicolas Midy, Guillaume Adentin, Guérard Feuñllet, tous[maistres en théologie, et maistre Guillaume Hecton, comparurent en la chambre en laquelle estoit détenue ladile Jehanne prisonnière. Auxquels l'évesque de Beauvais exposa aux dessusdits : comme ladite Jehanne, par plusicurs journées, avoit esté interrogée en la grande et haute malière de la foy, en la présence de plusieurs et notables clercs, en laquelle lesdits clercs avoient veu plusieurs fautes commises par ladite Je-

DE LA PUCELLE D'ORLÉANS

hanne ; et pource que icelle Jehanne ne sçauroit cognoistre ne discerner aucunes choses contenues en son procès, sçavoir se elle estoit contre nostre foy et contre la doctrine de docteurs approuvée en l’église, lui offroient bailler bon conseil et salutaire pour l’adyiser, et qu’elle regardast se elle en vouloit prendre aucuns des présents, un ou plusieurs, pour se conseiller de ce que elle avoit à faire, et la réduire à la voye de la vérilé ; et lui offrirent Jes docteurs en théologie et les juristes qui présents estoient, en lui remonstrant que seelle ne vouloit prendre du conseil, el faire du conseil de l’église, qu’elle esloit en grand danger de sa personne, respond ce : «Il me semble, veu la maladie » que j’ay, que je suis en grand péril de mort. » Et se ainsi est que Dieu veuille faire son plai- » sir de moy, je voudrois avoir confession et mon » Sauveur aussi, et estre en la terre sainte. » À ce lui fut dit : « Se voulez avoir les droi- » tüures et sacrements de l’église, il faudroit » que fissiez comme les bons catholiques doib- » vent faire, et vous soubmissiez à sainte . » église. » Respond : « Je ne vous en sçaurois » autre chose dire maintenant. »

Item, lui fut dit: que tant plus se craint de sa vie pour là maladie, tant plus se debveroit admender sa vie : et ne auroit pas les droits de l’église comme catholique se elle ne se soubmettoit à l’église. |

. Respond : « Sc le corps meurt en prison, je » me attends que faciez mettre en terre sainle; » se ne lui faites mettre, je m’en attends à » Nostre-Seigneur.»

Item, lui futdit : que autresfois elle avoit dit en son procès, que se elle avoit fait ou dit quelque chose qui fust contre nostre foy chrétienne ordonnée de Nostre-Seigneur , qu’elle ne le voudroit point soustcnir, respond : « Je meat- » tends à la response que j’en ay faite à Nostre- » Seigneur. »

Interrogée, pour ce qu’elle dit avoir eu plusieurs révélations de par Dieu, saint Michel, saintes Catherine et Marguerite, se il venoit

aucune bonne créature qui affirmasi avoir eu

révélation de par Dieu, touchant le fait d’elle, se elle le croiroit, respond : qu’il n'y a chreslien en monde qui vinst devers elle, qui se dist avoir eu révélalion, qu’elle ne sceust se il disoit vray ou non; ellele sauroit par sainte Catherine et Marguerite.

Interrogée se elle imagine point que Dicu

puisse révéler chose à une bonne créature qui

lui soit inconnue : «Ïl est bon à sçavoir que » oui, mais je n’en croirois homme ne femme, » Si je n’avois veu aucun signe. »

Interrogée se clle croit que la sainte escripture soit revélée de Dieu , respond :

« Vous le savez bien ; et est bon à sçavoir que » OUI.»

Item, fut sommée, exhortée et requise de prendre le bon conseil de clercs el notables docleurs, et les croire pour le salut de son ame ; et à la dernière respond : qu'elle le fist. A ce qui Jui fut demandé se elle se vouloit soubmettre de ses fails à nostre mère sainte église , respondit : « Quelque chose qu'il me doibve advenir , je » n’en diray autre chose que ce que j'en ay » dit. »

Lesquelles choses ouyes, il lui fust remonstré par maistres Guillaume le Boucher, Maurice du Chesne, Jacques de Touraine, Guillaume Adentin et Guérard Feuillet, qu’elle se debyoit soubmettre à nostre mère sainte église; ct lui remonstrérent, par plusieurs aulorités et exemples de la sainte escripture, qu’elle debvoit y obéyr. Et entres autres exhortations, maistre Nicolle Midy, en faisant son exhorlation, lui allégua ce qui est escript au dix-huiliesme chapistre de saint Mathieu, où il est escript : «Se aucun chrestien pesche, » on le doibt exhorter en secret; et s’il ne » veut entendre aux monilions de l'église, » qu'il soit réputé comme publicain et excom- » munié de l'église. » Et à la fin lui dit : que se elle ne vouloit obéyr à l'église, qu’elle fust abandonnée comme une Sarrasine. À quoy ladite Jehanne respondit : qu’elle estoit bonne chrestienne , et qu’elle estoit bien baptisée, et qu’elle mourroit comme une bonne chrestienne.

Interrogée, puisqu’ellerequiertque l’égliselut baille son Créateur, se elle se voudroit soubmettre à l’église, et on lui promeitroit bailler , respond : de ceste soubmission , elle n’en respondra autre chose qu'elle a fait ; et qu’elle a mis confiance en Dieu, et qu’elle voudroit ayder et soustenir l'église, et de lout son pouvoir.

Interrogée se elle voudroit point qu’on ordonnast une belle et notable procession pour la réduire à bon estat , se elle n’y est, respond : qu’elle voudroit bien que les bons catholiques prient Dieu pour elle.