VINGT-QUATRIÈME INTERROGATOIRE

Le mercredy onziesme de may, en la grosse tour du chasteau dé Roucn.

Ladite Jehanne fut amenée en la présence de ses juges, et avec eux maistres Jehan de Chastillon, Guillaume Hecton, André Marguerie, Nicolas des Vendères, Aubert Morel, Nicolas l'Oyseleur et messire Jehan Massieu, doyen de la chreslienté de Rouen. Après les monitions et exhortations faites à icelle Jehanne, par les juges et assesseurs , respondit : « Vray- » ment se vous me debvyez distraire les mem- » bres, et faire partir lame du corps, si ne » yous en dirai-je autre chose; et après vous » dirois-je que le me auriez fait dire par » force. » Dit outre que : à la Sainte-Croix, elle eut confort de saint Gabriel, et que ses voix lui ayoient dit que c’esloit saint Gabriel. Etdit outre,lse elle debvoit soubmettre à l’église, pour ce que les gens de l'église la pressoient fort de ce faire, et lui ont dit que se elle veut que Nostre-Seigneur lui ayde : qu'elle se attend à Nostre-Seigneur de tous ses faits.

Item, dit: qu’ellesçait bien que Nostre-Seigneur a esté tousjours maistre de ses faits, et que l’ennemy ne avoit oncques eu puissance sur ses faits.

Item, dit: qu’elle a demandé à saint Michel et ses autres voix, se elle sera arse, et que lesdites voix lui ont respondu qu'elle se attende à Nostre-Seigneur, et il lui aydera.

Item, du signe de la couronne qu’elle dit avoir esté baillée à l’archeyesque de Reims, interrogée se elle s’en veut rapporter à lui , respond : « Failes-le ci venir, et moi lui parler , et » despuis je vous respondray. Il ne me oseroil » dire le contraire de ce que je vous en ay » dict. »