CHAPITRE X

Comment le duc de Bourgongne fit un voyage en Hollande; ct autres choses.

Après que la duchesse de Bourgongne, audit an mil quatre cents quarante et cinq, fut retournée de Chaalons en Champagne, où elle avoit

esté devers le roy de France , comme il a esté rapporté cy-dessus assez longuement, et qu’elle fust venue à Bruxelles devers son seigneur le duc, pource que, auparavant ladite convention d’icclle ville de Chaalons , par l'ordonnance de de sondit seigneur le duc, elle cstoit allée au pays de Hollande , afin d’appaiser aucuns des Hollandois qui s’estoient rebellés contre le selgneur de Lalain, régent du pays, et elle estoit là venue, bien qu’elle mist grand” peine à lascher de les accorder, néantmoins elle ne put en venir à bout. Il convint que ledit duc mesme y allast en personne, lequel les appaisa et y fit faire de grands juslices sur ceux qui faisoicnt lesdites rebellions. Ce qu’estant fait, 11 retourna en la ville de Gand pour tenir et solenniser la feste de sainct André , auquel lieu les atténdoit le duc d'Orléans, pour assister à icelle feste ; et eux y estants assemblés, ils s’entrefirent et démonstrèrent grand’ joye les uns aux autres.

Après quoyils solennisérent ladite feste de sainct André ou de la Toison-d’Or, en la manière accoustumèe, fort richement. Es quels jours fut fait et dressé, présent ledit duc de Bourgongne, où estoit aussi ledit duc d'Orléans dessusdit, un champ de bataille, sans querelle diffamatoire, d'un chevalier nommé messire Jean de Boniface, nalf du pays d'Espagne, contre Jacques de Lalain , lesquels devoicnt combaltre avec Jances, espées , haches et dagues, un certain nombre de coups, ou au moins jusques au plaisir dudit duc de Bourgongne, qui en estoit le spectateur et le juge.

Là vint ce messire Jean de Boniface le premier au champ, pource qu'il cstoit appelant.

Après y vint le susdit Jacques de Lalain, bien accompagné de plusieurs seigneurs, ses parents el amis, et aussi de ceux de la cour ; et estloit fort richement habillé. Alors 1l requit le duc de Bourgongne qu’il lui pleust de le faire chevalier ; ce qu'il lui octroya ; et descendit du lieu où il esloit, au champ, et là lui bailla l’ordre de chevalerie. Après quoy, il fut crié, par un officier d'armes, en la manière accoustumée, qu'ils fissent leur debvoir. Adonc s’approchérent-ils l’un de l’autre, et jetèrent leurs lances, sans s’entre-atteindre ; puis après ils commencérent à combattre rudement. Mais, peu ensuivant, ledit duc les fit cesser , et ordonna de les prendre, par les gardes à ce commis ; et, tost après, ils furent reconduits chacun en son hostel. Depuis quoy se départit de là ledit messire

Jean de Boniface, après que dudit duc de Bourgongne il eut receu de grands dons; ets’en retourna en la marche d’où il estoit venu.