DEPUIS L'AN 1407 JUSQU’EN L'AN

LAN LAID RL III RAR ART LILI AITLIARIEVLLLLLLLIIE LOL LOUIS LAVAL LILLLILLALIELLLILIG BALLE LLIRILUALUILRILIALALLALUAELITALALL

Vérité est qu'entre le duc Louys d'Orléans, frère au roy Charles, et le duc Jehan de Bourgongne, sOn cousin germain, y eut par plusieurs fois grandes envies et maltalens entre eux deux ensemble : dont y eut grosses assemblées de chacune partie, pour paix trouver; et pource receurent le corps de Nostre Seigneur ensemble, pour plus grande fiance avoir l’un à l’autre. Mais comme il fut despuis apparent, la paix n’y estoit mie: car, par la cognoissance du duc Jchan de Bourgongne, il fit tuer ledit duc d'Orléans.

Après que ledit duc d'Orléans fut mort, il y eut grand desconfort des gens de son hostel, qui menoient si grand deuil que c’estoit pilié de les voir : car ledit duc d'Orléans estoit horriblement navyré en la teste et au visage , et si avoit un poing coupé. Avec lui y eut un sien valet de chambre tué, en cuidant sauver icelui duc. En cest estat ledit duc fut emporté par ses gens, lesquels ne sçavoient qui mescroire, fors qu’aucuns pensoient que ce eust fait le seigneur de Canni , pource que ledit duc lui avoit soustrait et prins sa femme : ct pour cesle cause le haïssoit le sire de Canni de mortelle haine. Mais on sceut bientost après la vérité du fait, et que le seigneur de Canni n’y avoit aucune coulpe.

Le lendemain, quand ce vint à porter le duc en terre, il y avoit moult de grands seigneurs de son lignage à tenirla main au drap et à faire le deuil au corps. Il fut enterré aux Célestins. Entre les autres y estoit le duc Jehan de Bourgongne, qui avoit fait faire ceste besongne, et y faisoit le deuil par semblant, et n’en sçavoilton encore Ja vérité. Or , au temps qu’on por-

toit ledit duc enterrer , le sang du corps coula parmy le cercueil à la veue d’eux tous : dont y eut grand murmure de ceux qui là estoient; et de tels y en eut qui bien se doubtoient de ce qui en estoit, mais rien n’en dirent pour le présent. Après l'enterrement dudit duc, les seigneurs qui là estoient prinrent conclusion d’estre le lendemain au conseil tous ensemble pour ceste besongne.

Quand ce vint au lendemain, que les seigneurs furent assemblés, le duc de Berry, oncle d’icelui duc trespassé , y estoit avec le duc de Bourbon ct plusieurs autres. Le duc Jehan de Bourgongne monta à cheval pour aller au conseil avec les autres, accompagné du comte Waleran de Saint-Paul. Quand ledit duc vint pour entrer dedans le conseil , le duc de Berry et les autres lui envoyèrent dire qu’il se déportast d'entrer en la chambre du conseil quant à présent ; et quand le duc Jehan ouyt ce, il fut tout esbahy et courroucé, et ‘alors il demanda audit comte Waleran de Saint-Paul : « Beau » cousin de Saint-Paul , que vous semble-t-il » de nostre fait, et qu’avons-nous à faire sur » ceste besongne? » Alors le comte Waleran Jui respondit : «Monseigneur, vous avez à vous » retirer en vostre hostel, puisqu'il ne plaist à » nos seigneurs que soyez au conseil.» Et adonc dit le duc Jehan : « Beau cousin, retournez » avec nous. » Et le comte lui respondit :

« Pardonnez-moy , je 1ray devers nos seigneurs » au conseil.» En tant que ces paroles duroient, le duc de Berry vint à l’huys de l’hostel et dit au duc Jehan : « Beau neveu, déportez-vous » d’entrer au conseil, il ne plaist mie bien » à chacun que y soyez. » À quoy le duc Jehan respondit: « Monsieur, je m'en dé-

°» porle bien; et afin qu’on ne mescroye aucun

» coupable de la mort du duc d'Orléans, je » déclare que j’ay fait faire ce qui a esté fait , et » non autre.» À ces paroles fut le duc de Berry fort émerveillé : et ledit duc Jehan tourna son cheval ct s’en alla; puis tout incontinent il changea de cheval à son hostel, et partit de Paris à petite compagnée, et s’en alla tout d’une üre en Flandre sans s’arresler en nulle place, sinon quand il lui fallut repaistre, et ce bien en haste. Ses gens le suivirent au mieux qu'ils peurent en grande doute ‘ , de peur qu'ils ne feussent arrestés. Ainsi partit ce duc Jehan de Paris , laissant la seigneurie de France en

grande pensée. Adonc messire Clignet de Bra-

bant, admiral de France, monta à cheval atout? ses gens, et suivit le duc pour le cuider prendre ; mais le duc estoit déjà bien loin : et ainsi ledit messire Clignet retourna tantost après à Paris. Ceste mort fut l’année du grand hyver, et dura la gelée soixante el six jours tout d’un tenant.

De ceux qui mirent ledit duc d'Orléans à

mort par Ie commandement du duc Jehan de Bourgongne furent Paulet d'Autonville et Guillaume Courte-heuse, avec plusieurs autres que je ne says nommer ; mais ces deux furent les principaux , lesquels despuis en avant eurent toute leur vic grandes rentes dudit duc Jehan pour cesle cause. Au reste, ce duc Jchan fut fort blasmé de ce qu'il avoit fait le deuil sur le corps, et tenu de sa propre main un coin du drap morluaire, ct toutesfois recognut despuis le fait de sa bouche.

Quand ce duc Jchan fut arrivé en son pays de Flandre, el queses gens furent rassemblés , -il manda ses barons pour avoir conseil sur ce qu'il auroit à faire. Là y eut plusieurs conclusions prinses par icelui duc et son conseil , afin de résister à tous ceux qui pour la mort du duc d'Orléans lui voudroient demener guerre.

Tantost après la mort du duc d'Orléans fut prinse une journée pour la tenue d’un parlement dans Amiens, où tous les seigneurs de France , au moins les principaux, furent assemblés. Entre les autres y estoit le duc Jchan, lequel fit peindre dessus l’huys de son hostel deux lances, dont l’une avoit fer de guerre, et l’autre fer de roquet; ct disoit-on qu’il l'avoit ainsi fait, en signifiant que qui voudroit avec lui paix ou guerre, qu’il choisist

4 En grande crainte. — ? Avec.

MÉMOIRES DE PIERRE DE FENIN

et Lui signifiast : de quoy on .parla en mainte manière. Il y eut à Amiens de grands conseils tenus par les seigneurs de France ; mais on ne descouvrit ricn de chose qu'on y fit, fors que ledit duc Jehan s’appercevoit bien que la plus grande partic desseigneurs de France le hayssoient ouvertement , nonobstant que pour lors ils n’en fissent semblant.

Le duc d'Orléans avoit trois fils de Valentine , fille du duc Galeace de Milan, sa femme et cousine germaine : dont le premier avoit nom Charles , qui estoit prince de haut entendement, et fut nommé duc d'Orléans après la mort de son père; le second estoit nommé Philippe, comte de Vertus ; et le troisiesme, nommé Jehan, comte d’'Angoulesme. Ils avoient tous trois bien manières de princes, et estoient bien courroucés de la mort de leur père. Despuis ils eurent assez de peine pour la cuider venger!’ et porter dommage au duc Jehan : mesme ce duc Charles et le duc d’Angoulesme son frère furent despuis fort empeschés et affligés de prison, comme il sera ciaprès desclaré.

L'an 1408, les Liégeois se rebellèrent contre leur évesque, nommé Jehan de Bavière, frère du duc Guillaume de Hollande et de la femme du duc Jehan de Bourgongne : par quoy cest évesque csloit fort puissant d'amis. Et nonobstant qu'il fust évesque , il se vouloit maricr. Mais la plus grande partie de ceux de Liége ne le voulurent souffrir. Pource, il y eut dissen- Sion entre les deux parties , tant que l’évesque fut chassé, et en son lieu fut créé ct constitué le fils du comte de Perwez qui les soutenoit. Quand Jehan de Bavière se vit en danger, et qu’il avoit jà perdu la plus grande partie de ses bonnes villes et forteresses , il s’alla retirer à Utrecht, qui estoit de son party, et envoya devers le duc Guillaume de Hollande son frère, et devers le duc Jehan de Bourgongne son serourge ?, les priant piteusement qu'ils le voulussent secourir, cn leur desclarant qu'il en avoit grand besoin : car les Liégcois l’avoicnt assiégé dans la ville d’Utrecht.

Quand le duc Guillaume et le duc Jehan virent la complainie de Jehan de Bavière, ils assemblèrent très grande puissance de tous leurs

1 Chercher à la venger.

? Beau-frére, du latin sororius.

pays; ct manda le duc Jehan les seigneurs de Bourgongne, de Flandre, d’Artois et de Picardie, et autres gens dont il pouvoit finer ‘, par espécial gentils-hommes ; et le duc Guillaume manda Hollandois, Zélandois , Haynuyers et autres ses bons amis. Quand les deux ducs eurent leur puissance jointe ensemble, ils eurent fort noble compagnée et belle chevalerie , qu'on nombroit jusques à douze mille combattants, tous gens de fait. Alors ils comcommencèrent à chevaucher vers Cambrésis, et de là vers le pays de Liége, lequel ils gastérent fort. Robert Le Roux et le seigneur de Jumontestoient les conducteurs del’ost, pource qu'ils cstoient du pays et qu’ils sçavoient bien lesquels estoient contre Jehan de Bayière.

Le comie de Perwez, et les Liégeois qui avoicnt assiégé Jehan de Bavière dedans la ville d'Utrecht, ouyrent nouvelles que les deux ducs estoient entrés avec grande puissance dedans leur pays de Liège , gaslants lout. Adonc se levèrent cet laissérent leur siége, pour venir combaitre ces deux ducs. Enfin tant s’approchérent les deux osts, qu'ils arrivèrent assez près l’un de l’autre près la ville de Tongre. Là y eut grandes ordonnances faites par les deux ducs ; ct disposa le duc Jehan ses gens à cheval, pour frapper sur les Liégeois par derrière. Le seigneur de Croy, le seigneur de Helly, le seigneur de Raisse, le scigneur de Pont et Enguerrand de Bournonvyiüle furent les cinq capitaines pour conduire ceux de cheval, qu'ils conduisirent bien vaillamment. Ce jour, conduisoit le seigneur de Miraumont les archers au duc Jchan, et vaillamment s’y gouverna. Si y avoit en la compagnée des cinq capitaines susdils bien douze cents hommes d'armes de bonne estoffe , et fut une chose qui greva fort les Liégeois. Ainsi ordonna le duc Jehan de Bourgongne ses batailles , etle duc Guillaume de Hollande son serourge. D'autre costé, le comte de Perwez et les Liégeois firent grandes ordonnances : ils avoicnt de petits canons sur charrois en grande quantité, qui fort grevèrent les gens des deux ducs à l’assembler.

Aprés toutes ces ordonnances faites, les deux osts s’assemblèrent en balaille en un camp nommé Hasbain, qui est assez près de Tongre. Là y eut grand combat d’un costé et d’au-

t Disposer.

tre; et s’y comportèrent les Liégeois d’abord fort roidement : mais enfin ils furent tous desconfits, et y eut quantité de tués. Leurs morts furent estimés se monter bien à vingt-huit mille sur le camp et en s’enfuyant , sans ceux qui furent prisonniers. Là fut prins ledit comte de Perwez ct son fils. À ceste journée se porta le duc Jehan de sa personne grandement ; commeaussi messire Jacques de Courte-jambe, qui porloit la bannière du duc de Jehan, s’y monstra vaillant chevalier, ct très bien s’y comporta. En cesle bataille y eut de tués, des gens du duc Jehan et de ceux du duc Guillaume, environ deux à trois cents, et non plus. Il y mourut entre autres un chevalier de grand renom , nommé messire Florimond de Brimeu, qui estoil proche la bannière du duc Jehan, qui en fut fort courroucé. Après que ces deux princes eurent ainsi emporté une si grande victoire , ils assemblèrent leurs gens et regracièrent Dieu de l’honneur qu’il leur avoit fait recepvoir ; après ils firent couper la teste audit comte de Perwez , et en firent présent à Jehan de Bavière, qui arriva vers eux assez tostaprès la bataille , car il n’y estoit pas lors qu’elle se donna. Il les remercia fort de l'honneur qu'ils lui avoient fait, et du secours qu'ils lui avoient donné ; ils lui firent grand chère ct grand honneur, puis s’en allérent raffraischir.

Le lendemain, toutes les bonnes villes du pays se mirent à l’obéyssance des deux princes , comme aussi se soubmirent à Jehan de Bavière. Ils les reccurent à mercy, excepté aucuns qui avoient fait ou commencé la rébellion, lesquels furent justiciés et suppliciés, tant hommes que femmes , entre autres le damoiseau de Rochefort. Après toutes ces choses ainsi faites, Jehan de Bavière fut bien obéy par tout son évesché, ct despuis de son vivant ils n’entreprinrent et ne firent rien qui lui fust contraire. Le pays de Liège fut alors fort gasté par les gens des deux princes, qui emportèrent grand avoir et bulin d’icelui pays. Or quand les deux princes eurent ainsi accomply leur volonté, ils se retirérent à grande joye chacun en son pays. Pour ceste besongne, devint le duc Jchan très redoubté pendant longtemps :

mesme ceux qui contre lui avoient proposé de legrever au sujet de la mort du duc d'Orléans, furent tous accoisés *, et par grand temps après

. { Apaisés.

n’osèrent faire aucun semblant d’aller attaquer ce duc : mais à la fin les choses en devindrent en si déplorable estat, que le royaume de France en fut longtemps en voye de destruction, comme il se pourra voir par la suite.

Après que le duc Jehan de Bourgongne eut ainsi achevé son entreprinse au Liége, il se passa bien deux ans qu’on parloit peu de la mort du duc d'Orléans : mais toutcsfois le duc Charles, son fils, machina tant qu’il attira à son party plusieurs seigneurs de France, qui lui promirent de l’ayder à venger la mort de son père : et en esloit le duc de Berry, le comtede Clairmont et le comte d’Armagnac, qui firent à ce sujet grandes assemblées par delà Paris vers Mont-le-Héry. Le duc Jehan, d’ailleurs, avoit quantité de gens vers Saint-Denys en France : et furent les gens du duc Anthoine de Brabant, son frère, logés audit lieu de Saint-Denys , en cesle mesme saison, avec les gens du comte Waleran de Saint-Paul qui cstoit pour lors à Paris , lequel les manda pour les voir. Ils s’assemblèrent donc, et allèrent pour passer par le milieu de Saint-Denys, où les Brabançons estoient logés ; mais, par quelque conténtion et dispute qu’ils eurent ensemble, les Brabançons voulurent livrer bataille aux gens dudit comte Waleran, qui estoient conduits par le seigneur de Tian, el furent sur le point de s’entrechoquer : mais le duc Anthoine, qui avoit espousé la fille dudit comte Waleran, en ouyt nouvelles à Paris, et y vint en grande haste. Quand il fut venu , il fit retirer ses gens, lesquels il blasma fortde ce qu'ils en avoient tant fait. Quant aux gens d’icelui come, ils s’en allèrent à Paris pour s’y monstrer ; puis ils revindrent à leurs logis, dans les villages du plat pays.

En ce temps, les gens du duc Charles d'Orléans et du comte d’Armagnac estoient logés par delà Paris. Alors on commença fort à parler des gens de ce comte d’Armagnac, pource qu'ils esloient habillés d’escharpes blanches : car on avoit encor peu veu, aux'pays de France et de Picardie, de telles escharpes; ct pour le nom des gens dudit comte d’Armagnac, furent despuis ce temps-là tous gens lenans party contre le duc Jehan de Bourgongne appellés Armagnacs. Nonobstant que le roy fust contraire au duc Jchan aucunes fois,etqu’avecledit ducd'Orléans y eust d’autres seigneurs plus grands sans comparaison que le comte d'Armagnac, si ne

DE PIERRE DE FENIN

les nommoit-on pourtant en commun langage fors les Armagnacs, dont ils estoient fort courroucés ; mais ils ne peurent oncques avoir autre, et pendant tout le temps de la guerre n’eurent autre nom. Ainsi par plusieurs fois y eut grandes assemblées ! autour de Paris, tant des gens du duc Jehan de Bourgongne que du duc Charles d'Orléans ; et tousjours despuis commença la chose à s’enfler entre lesdits deux ducs, se retirant ledit duc Jchan avec ses alliés en son pays de Flandre et d’Artois. Peu auparavant, messire Jean de Montagu , grand maistre d’hostel du roy, eut la teste coupée à Paris. Ce fut par le conseil du duc Jehan. Si disoit-on qu'il avoit desrobé le roy de grand trésor : il avoit fait faire le chasteau de Marcoucy, près Mont-le-Héry.

L'an 1410 la gucrre recommença fort entre le duc Charles d'Orléans et le duc Jehan de Bourgongne. Or avoit ledit duc Charles grande quantité des seigneurs de France de son party qui luy avoient promis de l'aider à destruire le duc Jehan ct venger la mort de son père. Il mit garnison en la ville de Han sur Somme, sur les marches du duc Jehan, où estoit capitaine messire Manessier Quicrel, ct aussi en plusieurs autres places.A près envoya deffier ce duc Jehan, et pareillement le deffièrent plusieurs autres grands scigneurs ; ct entre les autres le deflia un chevalier de Picardie nommé messire Maussart du Bois, dont le duc Jehan fut plus mal content que de tous les autres, car ce messire Maussart estoit son homme : parquoy il l’eut doresnavant en grande haine. Quand le duc Jehan sceut les assemblées que le duc d'Orléans faisoit contre lui ct que par tout il cherchoit alliés pour lui faire guerre, alors il assembla ses gens par tous ses pays et fit belle assemblée de gentils-hommes avec lesquels il fit venir grande puissance des communes de Flandres, et le tout assembla vers la ville d'Arras, d’où il tira droit au village de Marquion, près Cambray. Là il se logea avec ses Flamens, qui

1 Ce fut alors que se fit la paix de Chartres, où les princes d'Orléans eurent l’air de pardonner au duc de Bourgogne. Juvenal des Ursins dit, en parlant de cette paix : « Ce fait, le duc de Bourgongne, sans boire ni » manger en la ville, monta à cheval et s’en partit; et » avoit un très bon fol en sa compagnée , qu’on disoit » Cstre fol-sage, lequel tantost alla achcier une paix » d'église , et.la fit fourrer, et disoit que c’estoit une

» paix fourrée. »

estoient sans nombre, car ils avoient tant de tentes qu’il sembloit que ce fust une bonne et grande ville quand ils estoient logés. Avec ce, ils avoient plusieurs habillemens et instrumens de guerre; ils alloïent tous à pied, quoy que fort chargés de harnois; et si avoient quantité de charroy, parquoy ils faisoient moult de mal par lout où ils passoient. Ainsi ce duc Jehan assembla bien trente mille combattans, et s’en alla de là à Han sur Somme, devant laquelle place il mit le siége de fort près tout autour, où il fit planter de grands canons pour jetter contre les murs de la ville. Là il y eut de grandes cscarmouches faites ; mais en fin les gens d’armes qui estoient dedans la ville s’en allèrent par de là l’eau et abandonnérent ainsi ceste place. Quandles gens du duc Jehan le sceurent, ils assaillirent la ville et entrèrent dedans. Là firent les Flamens grand pillage et mirent le feu par tout. Après que Han eust eslé ainsi désolé le duc tira vers Ncelle, laquelle place fut destruile au passage; puis il s’en alla loger devant Roye en Vermandois, laquelle place se mit incontinent en son obéissance. De là il s’en alla loger devant Mondidier en grande ordonnance. Il avoit à sa suite plusieurs pelits charrois, où y avoit sur chacun deux petits canons qu’on nommoit ribaudequins, dont il fit clorre son ost d’un lez! tout alentour. Quand le duc Jehan eust esté bien dix jours logé devant Mondidier et qu’il s’efforçoit en suite de passer outre vers Paris, lors les Flamens commencèrent à s’impatienter et se fourmouvoir pour retourner en leur pays, tant qu’il ne fut en la puissance du duc de les retenir, car ils deslogèrent en grand desroy par nuit; mesme 1l y eut de leurs tentes arses en grant plenlté*®, comme aussi de leur autre bagage. De ce retour fut le ductrès-irrité; mais les Flamens n’en voulurent rien faire pour lui; ains relournèrent en leur pays contre le gré d’icelui duc; ct ralloient plus en un jour qu’ils n’estoient venus en deux, faisants grand dommage partout où ils passoient : gens sans pitié , n’épargnants ny gentil ny vi- Jain ; ct aussi quand les Picards les trouvoient à leur dessoubs , ils leur faisoient assez de peine.

Après que les Flamens se furent retirés enleur pays et que le duc Jehan fut retourné à Arras, il manda par tous ses gens el fit une belle assemblée de gentils-hommes ; puis s’en alla droit

1 D'un côté. — ? Quantité,

vers Roye en Vermandois, de là à Breteuil, puis à Beauvais et Gisors. Il avoit en sa compagnée le comte d’Arondel d'Angleterre, atout environ quatre à cinq cens Anglois combattans. De là il s’en alla à Pontoise, où il y cut un traistre qui voulut meurtrir ct cssaya de tuer ce duc Jehan pendant qu'il estoit en ceste ville, où il séjourna bien quinze jours : or entra ce traistre en sa chambre ; mais il fut apperceu; et eut la teste coupée dans ladite ville de Pontoise. Quand le duc Jehan eut ainsi séjourné à Pontoise, il en partit une après-disnée et s’en alla passer à Meulant. Il chevaucha toute nuit atout son ost, et le lendemain sans s’arrester il s’en vint à Paris au giste, où il se logea avec toutes ses gens. Pour lors estoitle duc d'Orléans logé dans Saint-Denys et à Saint-Cloud, avec grande puissance : parquoy le duc Jehan ne fit logis et ne s’arresta entre Pontoise et Paris. Quand il fut venu à Paris, le roy Charles et le daulphin lui firent grande joye et bonne chère, ainsique plusieurs autres grands seigneurs. Ilse rafraischit, lui et ses gens, bien trois sepmaines. Or il arrivoit souvent entre Paris et Saint- Denys de grandes escarmouches entre les gens du duc Jehan ct ceux du duc d'Orléans. Pour lors esloit capitaine de Paris le comte Waleran de Saint-Paul, qui fut fait connestable de France.

En ce temps, par une nuit de Saint-Martin d’hyver, le duc Jehan yssit de Paris avec grande puissance et s’en alla toute nuict à Saint-Cloud , où il arriva environ au poinct du jour. II mil aussi-lost ses gens en ordonnance, et envoya Enguerrand de Bournonville et de ses autres capilaines atout leurs gens pour assaillir la ville de Saint-Cloud, lesquels tant firent qu'elle fut prinse par force. Il y eut grande perte des gens du duc d'Orléans, qui se retirérent en la forteresse du pont et au mouslier de la ville; mais il y eut grand assaut donné audit moustier par les gens du comte d’Arondel. Ceux qui estoient dedans se défendirent bien, ct toutesfois rien ne leur valut, car il convint qu'ils se rendissent à la volonté des Anglois. Là fut prins messire Maussart du Bois par les Anglois avec plusieurs autres.

Quand le duc Jehan eut ainsi besongné à Saint- Cloud , il se retira au gisle à Paris et ses gens avec lui. |

Tandis que l'assaut duroit au pont de Saint- Cloud, le duc d'Orléans vint pour secourir ses

et il ne pouvoit passer à cause des gens du duc Jehan, lequel après cest exploit rentra, comme dit est, à Paris. Puis le duc d'Orléans et ses gens passèrent tous au pont Saint-Cloud et s’en allérent de nuit en tirant vers le pays de Berry.

Tantost après, ce duc Jehan fit couper là teste audit messire Maussart du Bois, qui ne peut estre sauvé pour aucunes priéres de ses amis , pour la grande haine que ce duc avoit à l'encontre de lui. |

Un peu auparavant, le seigneur de Croy, qui estoit au duc Jehan, avoit esté prins par les gens du duc d'Orléans ; mais messire Jehan de Croy son fils s’en alla vers le chasteau de Monceaux en Normandie, où il print les deux enfants du comte d'Eu, qui furent envoyés à Renty :

parquoy il fut despuis traité que le seigneur de Croy seroit deslivré à condition que les enfants d’Eu seroient mis en liberté.

Après ce, Enguerrand de Bournonville et le seigneur de Ront s’en allèrent mener gucrre vers Estampes ; mais ledit seigneur de Ront fut prins par Bourdon, puis mené en la ville d'Estampes, où les gens du duc Jehan mirent le siège ct firent tant qu’ils reurent ledit seigneur de Ront, et Bourdon demeura leur prisonnier.

Ainsi fut la forteresse d'Estampes mise en l’obéissance du duc Jehan, lequel d’ailleurs laissa quantité de ses gens en la frontière par delà Paris vers Bonneval, puis s’en retourna en ses pays de Flandre ct Artois. Alors ceux qui gouvernoient le roy et le duc de Guyenne, daulphin, estoient du party du duc Jehan : partant, le duc d'Orléans avoit le roy et le duc de Guyenne contre lui, et fallut qu’il se relirast vers Orléans et Bourges. Mais le duc de Berry et le duc de Bourbon demeurèrent lousjours du party du duc d'Orléans contre le duc de Bourgongne.

L'an 1411, le roy ct le duc de Bourgongne firentieurmandement pouraller vers Bourges,et assemblérent à ce sujet bien cent mille hommes de bonne estoffe, tous vers Meleun ; puis lirèrent lout droit à Montereau-où-faut-Yonne; de là à Sens en Bourgongne, puis à la Charité sur Loire. T1 y cut de grandes ordonnances faites. Et fut le scigneur de Croy déclaré capitaine de l'avant-garde, accompagné d’'Engucrrand de Bournonville et plusieurs autres grands seigneurs. En la compagnée du roy cestoit Ie duc

DE PIERRE DE FENIN

gens; mais la rivière de Seine estoit entre deux |

de Guyenne, daulphin , le duc Jehan de Bourgongne, le duc de Lorraine; et despuis y survint aussi le roy Louys de Sicile avec plusieurs autres. Après que le roy eut fait ses ordonnances à La Charité, il s’en alla devant la ville de Dun-le-Roy, où il mit le siège tout autour. Enfin ceste ville fut rendue au roy , par ainsi qu'ils s’en iroient leurs corps et biens saufs. De là le roy s’en alla devers Bourges pour y mettre le siège. En la compagnée du roy il fut fait grand nombre de chevaliers lors de l’entreprinse de ce siège, et y eut de grands assauts faits et soubstenus par ceux de dedans contre ceux de dehors, car les assiégés très bien se deffendirent; mais nonobstant tout, le siége fut fermé par un lez ct non plus. Dedans Bourges estoit le duc de Berry, oncle du roy et du duc de Bourgongne, avec le duc de Bourbon; et aussi y pouvoient aller, venir et entrer librement tous autres quand il leur plaisoit : car le siège n’y fut oncques fermé, fors par un seul lez ou fossé et par un seul costé de la ville. Pendant que le siège fut devant Bourges du costé de La Charité, ceux de dedans saïllirent dehors au nombre d'environ quatre à cinq cents et donnèrent sur l'avant-garde du roy; surquoy y eut grande bataille. Mais les Armagnacs furent enfin rechassés dedans, après y avoir laissé plusieurs des leurs tués, par espécial des Anglois qui y estoient en garnison. Ceste besongne arriva un dimanche, droit à l'heure de nonne. Après, ceux de dedans commencèrent si fort à jetter canons qu'il fallut que les gens du roy se retirassent en arrière : aussi y avoit-il souvent grands assauts et furicuses attaques données d'un costé et d'autre; mais l'avant-garde du roy estoit si forte que ceux de la ville ne les pouvoient grever. En une course entre autres que le duc de Lorraine ct le seigneur de Helly firent, 1l y eut grande perte faite par ceux de la ville, et y fut prins le nepveu de Bernardon de Fère, un gaillard hommed’armes, el plusieurs autres avec lui. Ce jour, Jchan de Fumière chassa si avant qu'il ne peut retourner et fut emmené prisonnier dans la ville. Quand le roy Charles eut esté long-temps devant Bourges, il eut conseil d'aller par delà pour les affamer cet de laisser garnison vers La Charité pour destourncer les vivres. Quand ceux de la ville le virent desloger, ils cuidèrent !

1 Ils présumérent,

que le roy s’enfuist , et saillirent après ; mais ceux de l'avant-garde du roy, estants en embusche, frappèrent sur eux et en prindrent et tucrent quantilé, par espécial gens de village, à qui on fit assez de peine. Le roy et ses gens chevauchèrent tant qu'ils vindrent par delà la ville et y remirent le siége. Pendant ce lemps, le pays de Berry fut fort gasté par les gens du roy et du duc de Bourgongne. Enfin Ie roy ayant esté grand espace de temps par delà Bourges, il y eul parlement de ceux de la ville avec les gens du roy et du duc, et appointement fait ; puis parlèrent ensemble le duc de Berry et son nepveu le duc de Bourgongne. Là y eut grandes connoissances failes par plusieurs seigneurs ; et pardonna le duc d'Orléans la mort de son père au duc Jchan, suivant certaines conditions diles entre eux : de quoy on fit en suite mutuellement les sermens dans Auxerre, où furent les ducs d'Orléans ct de Berry. Après cela le roy retourna à Paris et chacun en son pays. Et cuidoit-on lors véritablement avoir paix à tousjours, dont le monde estoit joyeux : car il leur sembloit qu'ils estoient bien eschappés, veu le mauvais commencement qui y avoit esté. Mais nonobstant quelque paix ou accord qu’il y eut, on vit bien en bref après qu’elle n’esloit ferme, comme il se pourra apperceyoir dans la suite.

Eaviron le temps que le roy alla pour assiéger Bourges, le comte Waleran de Saint-Paul, connestable de France, fut envoyé au comte d'Alençon pour le réduire en l’obéyssance du roy. Il y alla, grandement accompagné de Picards et autres gens , ct mit fort le pays en son obéyssance. Or, 1l y avoit une place nommée Saint-Remy-au-plain, laquelle ne voulut obéyr audit comte, lequel partant y mit le siège tout autour ; mais tant y fut, que le seigneur de Gaucourt vint avec puissance pour combattre ce comic. Lors le comic de Waleran ordonna ses gens en bataille, tellement qu'il gagna la journée à l’aide de ses gens, qui cstoient très vail- Jants. Avec le comte Walcran estoit Jehan de Luxembourg son nepveu, lequel fut fait ce jourlà chevalier, et s’y porta vaillamment, nonobstant qu’il fust jeune d'age. Aussi y fut fait chevalier Raulequin, fils du vidame d'Amiens , et plusieurs autres semblablement avec eux. Là esloit Le Borgne de La Heuse, homme de grand renom et fort sage en guerre, par qui ledit comle Walcran se gouvernoit en partie pour le

MÉMOIRÉS

fait de la guerre. Après que ce comte eut gagné la place de Saint-Remy-au-plain, et prins quanlité de prisonniers, ilen fut très joyeux, et remercia Nostre-Seigneur de la victoire qu’il lui avoit envoyée. Plusieurs autres places au pays d'Alençon se réduisirent en son obéyssance ; après quoy il s’en alla en son pays, puis pardeversle roy etle duc de Bourgongne, qui grande joye lui firent. Il y avoit entre autres prisonnicrs messire Jehan de Garancières , lequel il envoya en Artois en sa ville de Saint-Paul pour tenir prison; mais enfin il fut mis à rançon el deslivré ,en payant finance. Peu avant ce temps le comte Waleran avoit tenu siége devant le chasteau de Coucy en Laonnois, qui fut par long-temps assiègé, car ceux de dedans le deffendirent bien ; mais le comte Waleran s’advyisa de faire miner par dessoubs la tour un nommé mais(re Oudon : tellement que quand ce vint à mettre le feu en la mine, la tour fut toute enclinée et rendue penchante, comme il se peut voir encore. Tant fut le comte Waleran devant Coucy, qu'il lui fut rendu; et y mit ses gens dedans pour le garder, puis s’en alla devers Ic roy. :

Après que la paix du duc Jehan de Bourgongne et du duc Charles d'Orléans eut esté confirmée à Auxerre, comme il vient d’estre dit, il se passa environ deux ans que la chose s’entretint de la sorte pacifiquement. Lors ne parloit-on d'aucune guerre; mais, par envie que chacun avoit de gouverner le royaume, la chose se remit dedans le trouble plus fort qu’auparavant. |

Le duc Charles d'Orléans avoitenvoyé querir ayde en Angleterre; et pour finance payer, il envoya le comte d’Angoulesme son frère se tenir pour oslage en Angleterre avec autres gentils-hommes de son hosiel, lesquels y demeurèrent despuis long-lemps pour l’occasion de la guerre, qui empescha qu’ils ne peurent cstre si tost deslivrés et rachelés. Et estoit avec le comte d’Angoulesme Jehan de Saveuse, qui estoit de Picardie. Ainsi demeura le comte d’Angoulesme prinsonnier en hostage en Angleterre grand partie de sa vie sans estre racheté ; el le duc Charles son frère aisné fut despuis ès mains des Anglois longtemps , comme :il sera cy-après déclaré, quand lieu sera.

L'an 1413, le duc Jehan de Bourgongne es-

seigneurs du sang royal, qui tous avoient envie sur ce duc, et; contendoient àle déboutter du gouvernement du royaume; et quelque semblant qu'ils lui monstrassent, se le hayssoientils en cœur, comme il fut despuis apparent.

De cela s’appercevoit bien ce duc Jehan en plusieurs manières ; à quoy il résistoit le plus qu'il pouvoil : car il avoit grande partie du commun de Paris à son commandement , espécialement les bouchers, par lesquels il fit prendre le duc de Bar et messire Jacques de La Rivière, lesquels furent détenus prisonniers pendant longtemps.

Or de cette prinse fut le duc de Guyenne, dauphin, grandement courroucé envers ce duc, qui estoit son beau-père, ct lui dit qu’il s’en repentiroit. Il fut lors fait à Paris de merveilleuses besongnes, car ceux qui tenoientle party du duc Jehan portoient de petits chapperons tous d’une livrée : entre autres il y avoit un boucher nommé Caboche, qui, avec un qu’on appeloit Deniset de Chaumont, conduisoient ainsi le commun peuple, pour la bande de ce duc Jehan souslenir.

Par telles choses et plusieurs autres, se renouvcla la guerre entre le roy Charles et les seigneurs de France contre le duc Jehan; lesquels princes ne cessèrent oncques de faire tant qu'ils eussent tourné le roy et son fils le duc de Guyenne contre ce duc Jehan. Le duc de Bar fut lors deslivré de prison par le pourchas de Bonne sa sœur, comtesse de Saint-Paul, et par ses autres bons amis; mais le frère du scigneur de La Rivière mourut en prison, et lui mit-on sus qu’il s’estoit tué d’un pot, pource qu’on le détenoit prisonnier ; ct de ce on parla en mainte manière. Après lous ces appoinlements et événements, le duc Jehan se relira en ses pays, laissant aucuns scigneurs de son hostel par-devers le duc de Guyenne son beaufils, dont messire Jehan de Croy fut l’un; mais il fut prins et mené prisonnier à Mont-le-Héry, où il fut détenu long-lemps.

En ce temps le roy Charles, le duc d'Orléans , le duc de Bourbon, le comte de Richemont, et messire Charles d’Albret connestable, avec plusicurs autres grands seigneurs , promirent tous ensemble de destruire le duc Jehan de Bourgongne, ct le chasser de ses pays. Or après que ces scigneurs dessusdils eurent prins telle conclusion contre ce duc, il en ouyt nou-

DE PIERRE DE FENIN

toit à Paris, où y avoit plusicurs autres grands

velles, dont il fut fort dolent, pource que le roy esloit contre lui, et le duc de Guyenne, dauphin, plus que tous les autres : mais nonobstant il se reconforla de tout , et assembla ses gens pour aller vers Paris sçavoir s’il pourroit rompre ces alliances. Il se fioit beaucoup au commun de Paris, qui lui mandèrent qu'il vint en assurance, et qu'ils le mettroient dedans leur ville.

Environ le temps quele duc de Bar fut prins, messire Pierre des Essarts estoit prévost de Paris, qui avoit comme tout gouvernement auprès d’icelui duc Jehan, et avoit grandement entretenu son party; mais il se retourna, comme on fit entendre à ce duc, qui à ce subjet le fit prendre, puis lui fit coupper la teste dans Paris, dont plusieurs gens furent fort esmerveillés.

Quand le duc Jehan eut assemblé ses gens pour venir à Paris, il avoit très belle compagnée, et chevaucha droit vers Paris; puis se logea dedans la ville de Saint-Denys en France, où là séjourna grand pièce. Pendant que le duc Jehan estoit logé à Saint-Denys, le scigneur de Croy envoya seize ou vingt hommes d'armes bien montés à Mont-le-Héry où son fils estoit prisonnier, qui firent tant par aucun moyen, que messire Jehan de Croy, qui estoit prisonnier dans le chasteau, vint pour ouyr messe en la ville : aussitost ils le firent monter sur un bon coursier, puis s’en allèrent droit à Saint-Denys, sans qu'il fust possible à ceux du chasteau de le rescourre. Ainsi revint messire Jehan de Croy vers le duc de Bourgongne, et vers le seigneur de Croy son père, qui grande chère lui firent, et à ceux qui Pavoient ainsi sauvé et ramené.

Durant aussi le temps que le duc Jchan séjourna à Saint-Denys, 1l envoya Enguerrand de Bournonville par un matin bien accompagné vers Paris ; lequel s’adressa à la porte du marché aux chevaux, cuidant que ceux de la ville le deussent mettre dedans ; mais ils ne peurent, car ils furent de trop prés visités. Il y cut lors dedans Paris grand effroy : car pour vray il y avoit grande partie du commun de Paris pour le duc Jehan. Quand icelui Enguerrand de Bournonyille apperceut qu’il avoit fally à entrer, il retourna à Sainl- Denys devers le duc Jehan.

Assez lost après ce duc partit de Saint-Denys bien accompagné, y laissant garnison de ses gens , et pour capitaine messire Hue de Lannoy, accompagné de Hector de Sayeuse, ct

Philippe de Saveuse son frère, avec plusieurs autres gentils-hommes ; aussi y demeura Lionnel de Maldeghen , vaillant homme de guerre, et subtil. Enguerrand de Bournonville et Lamon de Lannoy furent envoyés en la ville de Soissons. Par ceste manière le duc Jehan garnit les frontières de Beauvoisis, car il y avoit plusicurs bonnes villes et forteresses tenants son party. Despuis, ce duc se retira en son pays d’Arlois, où il manda el convoqua tous les seigneurs de ses pays à Arras: là y eut grands conseils tenus par lui et ses barons. Il estoit en grand doubte de pouvoir souslenir ce faix, à cause que le roy s’estoit tourné contre lui : de quoy plus lui grevoit que de tous les autres à qui il avoit affaire; mais enfin il print conclusion d'attendre en son pays toules adventures, faisant partout garnir ses bonnes villes et forteresses pour se deffendre contre tous venants, et outre ce il se garnit fort de gens: car il manda tous les seigneurs de Bourgongne, qui vindrent à grande puissance à son secours.

L'an 1414, le roy Charles fit ses mandements par toutes les parties du royaume, et assembla bien quatre-vingts mille hommes, parmy lesquels estoient plusieurs grands seigneurs : car le duc de Guyenne, son fils aisné , y esloit, le duc Charles d'Orléans, le duc de Bar, le duc de Bourbon, et plusieurs autres grands princes qui promirent au roy de destruire le duc Jehan de Bourgongne, ct le chasser de ses seigneuries. Quand le roy eut assemblé ses gens, il chevaucha droit vers la ville de Compiègne, qui cstoit fort garnie des gens dudit Jehan, et là mit le siége tout autour ; mais il y eul de grandes escarmouches avant qu'il peust cstre bien formé : car ceux dela ville firent beaucoup de peine aux gens du roy, dontils prenoient souvent des prisonniers, qu’ils menoient dedans la ville, par les sorties de Hector de Saveuse et de Philippe son frère, qui estoicnt très vaillants en fait de guerre : et aussi messire Hue de Lannoy, qui en estoit capitaine, s’y gouverna hautement; et se y estoit le bon Lionnel de Maldeghen, qui estoit homme bien renommé en toutes besongnes où il se trouvoit. Avec eux y avoit foison d’autres gentils-hommes de grande entreprinse, qui bien vaillamment s’y gouvernèrent. Le roy, qui tenoit son siége deyant , ayoit on sa compagnée de vaillants hom-

mes d’armes, qui bien recherchoient les occasions d’y acquérir de l’honneur : et entre autres y estoit Hector de Bourbon, frère bastard du duc de Bourbon, qui estoit tenu pour le plus vaillant entre tous les autres, lequel manda à ceux de la ville qu'il les iroit visiter le jour de may au matin. Quand ce bastard eut ainsi mandé à ceux de la ville, ils se préparèrent à l'encontre pour le recepvoir. Or quand ce vint audit jour de may, ledit bastard, qui estoit accompagné de puissantes gens, vint vers une porte de Compiègne: lui et ses gens avoient chacun un chapeau de feuillages, vulgairement dit de may, sur leur teste armée. Là y eut grand choc d’un costé et d'autre; mesme y eut ledit bastard de Bourbon son cheval tué soubs lui, car ceux de la ville se deffendirent très vaillamment, et y eut plusieurs blessés des deux coslés : mais nonobstant toute la deffense que ceux de la ville firent, le bastard et ses gens les pressèrent si vivement, qu’enfin les gens du duc Jehan rendirent la ville au roy, à condition qu'ils s’en iroient, saufs leurs corps et leurs biens : ce que le roy leur accorda; et l'ayant ainsi mis en son obéyssance, il la garnit de ses gens ; puis il s’en alla à Soissons, où Enguerrand de Bournonville estoit, et là mit le siège tout aulour : mais il y trouva grande deffense par ledit Enguerrand et ses gens. Tandis que le roy estoit à ce siége, le susdit bastard de Bourbon fut navré à mort en allant adviser les fossés : il fut fort plaint de ses gens, par espécial du duc de Bourbon son frère, qui grandement l’aimoit pour la vaillance qui estoit en lui. Ceste mort nuisit despuis à Enguerrand de Bournonville, qui fut bien courroucé quand il scout la mort de ce bastard. Enfin le roy ayant esié long espace de temps devant Soissons, fut conseillé de la faire assaillir, parce qu’il descouvrit qu’il y avoit dissension entre les gens du duc Jehan et ceux de la ville : car Enguerrand el ses gens avoient voulu sortir de la ville; mais le commun en fut mal-content, pource qu'ils les laissoient de la sorte en grand danger, sans leur ayder à faire- quelque bon traité, ct pource se tournèrent la plus grande partie contre ledit Bournonville : outre ce, il y avoit aussi grand débat entre les gens d’icelui

Enguerrand ct les gens de Lamon de Lannoy;

partant, ils se trouvoient très mal d'accord dedans la ville, et peu s’entre-aimoient l'un l'autre. Par telles dissensions fut despuis la ville ,

(1414) et eux-mesmes en voye de perdition : car les gens du roy assaillirent lout autour, et dura l'assaut longuement : mais enfin elle fut prinse et emportée d'assaut par les gens du roy, qui vaillamment s’y porlèrent. Là fut prins Enguerrand de Bournonville et Lamon de Lannoy, avec tous leurs gens : comme encore messire Pierre de Menau ! qui estoit du pays, auquel despuis le conseil du roy fit coupper la teste. À la prinse de cette ville y eut grand désordre commis : car les églises furent pillées, et quantité de femmes violées par force, tant gentilles femmes que autres ; dequoy la ville fut du despuis pendant long-temps en grande destruction. Après ces choses ainsi faites, Enguerrand de Bournonville eut aussi la Leste couppée, et ne peut estre sauvé par aucune prière, combien qu'il y avoit plusieurs des gens du roy qui en furent courroucés ; mais le duc de Bourbon, qui esloit fort en colère de la mort de son frère bastard , fut l’un de ceux qui plus de mal lui fit faire.

Quand le roy eut ainsi achevé à Soissons , il en partit pour venir vers la ville de Péronne. II logea en la ville, où il fut assez long-temps: tous ses gens estoicnt logés au pays d’autour Péronne. Despuis il fut conseillé d'entrer dans le pays du duc Jehan de Bourgongne , et y tout prendre par force, et mettre à destruction ses pays. Lors le roy chevaucha vers la ville de Bapaume, laquelle estoit fort garnie des gens du duc Jehan. Il mit le siége autour de ceste ville, et tant y fut qu’elle lui fut rendue : ceux qui cstoient dedans en partirent , saufs leurs corps ct leurs biens. Assez tost après que le roy eut mis Bapaume en son obéyssance, et qu’il l'eut garnye de ses gens, il en partit pour aller devant Arras mettre le siège. Cette ville estoit garnye de bons gens d'armes et gens de trait, dont estoil capilaine messire Jehan de Luxembourg , qui estoit chevalier de grand renom ct preux aux armes, lequel avoit bien de bonne estoffe mille hommes d'armes, sans les gens de trait et ceux de la ville, qui moull estoient puissants. Au-dessoubs dudit messire Jchan de Luxembourg cstoient plusieurs capitaines, et centre autres le scigneur de Noyelle, nommé le blanc chevalier ; et de Bourgongne y estoit le seigneur de Montagu , le seigneur de Champ-

‘ Pierre de Menou. Il était d'une famille de Touraine, et non de Picardie.

DE PIERRE DE FENIN