CHAPITRE XII

Gomment fut fait le mariage du roy d'Angleterre à la fille du roy de Sccille.

En cemesme temps, l'an mil quatre cents quarante-cinq, souventesfois dessusdit el répété, par le consentement et authorité de Charles, roy de France, fat traité le mariage du roy Henry d'Angleterre, son nepyeu, avec la fille du roy de Sccile ‘, qui esloit nommée Marguerite, laquelle estoit nièce de la royne de France. Pour faire et négocier lesquels traités, cstoient employés, de la part d’iceluy roy d'Angleterre, messire Guillaume de la Poulle, comte de Suffolk ; maistre Adam Molcines, garde du privé scel dudit roy ; messire Robert Roos, et messire Tomas Hoz, chevaliers ; Richard Andreu, docteur ès loix, secrétaire ; el aucuns autres gens de bon estat ; lesquels, après qu’ils eurent accomply les traités dessusdits, ct ce pourquoy

‘ René d'Anjou.

ils estoient venus, se relirèrent de Tours, où ces besongnes furent conclues, à Rouen, ct de là en Angleterre, devers leur roy, auquel ils racontèrent , présent son conseil, l’estat et le succès de leur ambassade.

Si furent-ils bien joyeux de ce qu’ils avoient ainsi besongné ; car, par le moyen de ceste alliance, ils s’attendoient d’avoir en France de bons amis et puissants, espécialement pour les ayder à parvenir et condescendre à une paix finale avec le roy de France, telle qu’elle peust estre à leur avantage. Si avoient iceux ambassadeurs pris jour avec ledit roy de Secile, pour retourner devers lui, auquel il leur devoit livrer sadile fille dans la ville de Rouen; lequel jour ils entretinrent ainsi qu’ils l’avoient promis. Et, pour les recevoir, le roy Henry envoya plusieurs seigneurs et dames de son pays audit lieu de Rouen, fort hautement et richement habillés ; c’est assavoir Le duc d’Yorck, le comte de Suffort! le seigneur de Tallebot, le marquis de Susalby ?, le seigneur de Clifton ct le baron de Granson, messire James d’'Ormont, messire Jean Belledit, messire Guillaume Bonneclue, messire Richard Ros, messire Jean Secalay, messire Edouard Hoult: , Robert de Villeby 1, Robert de Harcourt, et plusieurs autres chevaliers et escuyers de grand estat. Au reregard des dames y estoient la comtesse de Suffort, la dame de Talbot, la dame de Salschery, Ja dame Marguerite Hoult, et autres en grand nombre. Il y avoit aussi des chariots couverts, et plusieurs haquenées houssées de si riches habillements, que peu ayoient csté veus de pareils venants du susdit royaume d'Angleterre, surtout à leur éntréc de Rouen, où ils pouvoient bien estre quinze cents chevaux ou environ.

Or, faut-il déclarer la manière comment les seigneurs et dames devant dits, et leurs gens, cntrèrent en bel ordre en ladite ville de Rouen. Premièrement, pour l’estat de ladite royne , y estoient les premiers entrants les dessus nommés : le marquis de Susalby, le seigneur de Clifton, le baron de Granson, messire James d'Or-

4 William de la Pole, comte de Suffolk.

3 Salisbury.

3 Je trouve dans les actes de Rymer un Thomas Hoo, chevalier, parmi ceux qui furent appointés, en 1444, pour traiter de Ja paix à la suite de la trève avec la France. La plupart de ces noms sont défigurés d’une manière presque méconnaissable.

4 Willoughby.

mont, Jean Holdif, Guillaume de Bonneclube, Richard Ros, Jean Secalay, Edouard Hoult, Robert de Willeby, Robert de Harcourt; etavec eux mcessire Hue Coquesin, que j’avois oublié de nommer; lesquels tous en leur compagnée avoient quelque quatre cents archers, pour l’estat de la maison d'icelle royne, tous vestus d’une mesme parure de gris. Après lesquels, suivoicnt les escuyers et officiers d’icelui estat ; et outre ce, il y avoit, avec les dessusdits, deux cents archers dela grand” garde du roy d'Angleterre, portants ses couleurs et livrées ; c’est assavoir, sur chacune de leurs manches une couronne d’or ; lesquels estoient très richement habillés.

Après les chevaliers dessusdits, venoient six pages montés sur six haquenées, richement vestus de robes et de chaperons noirs, chargés d'orfévrerie d'argent doré, qui estoient lous fils de chevaliers. Et menoit le premier page, par la main, une haquenée de son costé dextre, que ledit roy d'Angleterre envoyoit à la royne sa femme, ornée d’une selle el de parements, tels que le tout en cstoit de fin or ; et les autres parements des autres haquences cstoient tous d’argent doré. Après suivoit le chariot que ledit roy lui envoyoit, lequel estoit le plus richemement orné et paré que depuis très long-temps il n’en estoit party du royaume d’Anglelerre un pareil ; car il estoit couvert d’un très riche drap d'or, et armoyé des armes de France et d'Angleterre ; lequel chariot esloit Uiré par six chevaux blancs, de grand prix ; et esloit icelui chariot figuré par-dedans cl par-dehors de plusieurs ct diverses couleurs. Dans lequel esloieni la dessusdite comtesse de Suffort, les dames de Talbot ct de Salsbery ; et estoil ladite comtesse en l'estal de la royne, pareil que le jour qu’elle l’espousa. Les autres dames ensuivant, de degré en degré , venoient après ce chariot, montées sur haquenées.

Au plus près d’iceluy chariot estoit le susdit duc d'Yorck d’un costé , et le seigneur de Talbot de l’autre , tenants manière et contenance comme si la royne cust élé dedans. Le susdit comte de Suffort alloit chevauchant devant ledit chariot, représentant la personne du roy d'Angleterre ; et, après lui , il y avoit trente-six, tant chevaux que haquenées de grand parage, tous houssés de vermeil, armoyés de ses armes. Après icelui chariot, il y avoit encore cinq chevaux richement ornés , dont deux esloient couverts de velours vcrmeil ballu à or,

semés de roses d’or dedans; et les autres estoient couverts de drap de damas cramoisy.

Après tout ce que dit est, yenoit encore un chariot richement orné , dedans lequel estoient la dame de Talbot la jeune , la dame Margucrite Hoult, et autres, lesquelles estoient toutes ordonnées et destinées pour recevoir icelle nouvelle royne d'Angleterre.

En ce point, ils entrèrent, en ce bel et honorable ordre , dans la ville et cité de Rouen, là où il y eut de grands honneurs, et plusieurs csbattements faits en diverses manières, tant de jour comme de nuit. Puis, dans cerlains jours après que ceste royne eusl estè receuc par les dessusdits scigneurs et dames, ils partirent tous ensemble, et s’en allèrent en Angleterre, devers leur roy, où elle fut grandement ct honorablement reccue; ct 1à y furent tous cshattements faits, et la joie renouvelée.