CHAPITRE XIII

Comment le scigneur de Ternant fit armes en la ville d’Arras contre un escuyer de Piémont nommé Galliot de Balthazin.

A l'entrée de l’an mil quatre cents quarante ct six, furent faites armes dans la ville d’Arras, présent le duc de Bourgongne, juge en ceste partie; c’est à sçavoir du seigneur de Ternant, qui estoit appelant et promoteur d'icelles armes, à l'encontre d’un escuyer natif des marches de Piémont, nommé Galliot de Balthazin.

Siestoient les devises telles : qu’un chacun d’eux debvoit asscoir l’un sur l’autre cinq coups de poux de lance tout à picd; et celles accomplies , ils debvoient combattre cl asseoir comme dessus, jusques à onze coups d’espée, d’estoc ; et après ce, derechef ils debvoient combattre de haches, et en férir chacun quinze coups de la teste et martel , sans rien toucher de la pointe ny d’estoc ; ct le tout à. pied, comme dit est cydessus. En après, ils debvoient faire armes à cheval d’abondant, de lances et d’espées, c'est à sçavoir l’un contre l’autre chacun d'une seule lance, fust assise ou non; ct ce fait, férir jusques à trente ct un coups | d'espée lun sur l’autre, d’estoc ou de taille, comme leur sembleroit. Il y avoit plusieurs autres devises contenues ès chapitres sur ce faits, lesquels je me retiens d’escrire au long, pour cause de bricfvcté; ct me contente de mettre ce qui touche au principal.

Or, est-il yray qu’au jour à eux assigné par

le duc de Bourgongne, le scigneur de Ternant parut le premier au champ, fort hautement accompagné de plusieurs grands seigneurs , qui estoient très richement habillés et parés ; lequel, quand il eut fait la révérence au duc, ainsi qu'il est accoustumé , il se retira en son pavillon, et là attendit son adversé partie, qui vint en assez peu de temps après, el fit aussi la révérence au duc, comme avoit fait le seigneur de Ternant; puis il entra dans son pavillon comme l’autre. Et quand ce vint que toutes leurs besongnes furent apprestées bien à point, et qu’il fust heure de combattre, ils sortirent dehors ct commencèrent à marcher l’un contre l’autre moult fièrement. Si estoit joyeuse chose que de les veoir, car tous deux estoient très puissants de corps et bien fournis de membres.

Quant au seigneur de Ternant, il se tenoit attemprement ct gravement en son pas, sans aucunement se desroyer ! ; mais son adycrsaire faisoit le contraire, et venoit contre luy en saillant et bondissant de si grands pas, qu’il ne tenoit point de mesure ; qui cstoit grand péril et danger pour lui, comme il sembloit à plusieurs estants là présents, qui bien se cognoissoient en telles besongnes; parce qu’en tenant telle manièré et conduile, on se pourroit trouver prins à pied levé, el à ceste cause avoir mauvaise fortune. Toutesfois ils firent et poursuivirent leurs armes de coups de lances et d’espées, fort rudement ct vaillamment, et s’entredonnèrent plusieurs durs horions , tant qu'assez souvent en advenoit-il que les poinctes desdites lances et espées estoient rompues de vive force ct puissance. Et au regard des armes de hache, quand ce vint au joindre, ledit scigneur de Ternant assit son premier coup sur le bacinet dudit Galliot, si dur et si pesant, qu'il le fit desmarcher aucuns pas et chanceler ; et s’il l’eust peu poursuivre, en un second coup il estoit bien apparent qu’il l’eust porté par terre; mais à vray dire, le dessusdit Galliot, lequel estoit, suivant le témoignage de plusieurs nobles hommes et grands seigneurs, qui autresfois cn plusieurs licux avoient veu telles ou semblables entreprinses, le plus rude, le plus puissant et plus vigoureux qu’on eust veu faire armes 1! y avoit

l'long-temps auparavant ès parties de par-deçà,

se soustint fort bicn el approcha ledit seigneur de Ternant très asprement ; puis, sans lenir ne

1 Sortir de rang.

avoir esgard à l’ordre et mesure déclarés ès chapitres de tels combats, en l'approchant, et le poussant de force à deux mains, du manche de sa hache, il le fit reculer et desmarcher un petit. Si estoient lors tous deux fort animés l’un contre l’autre , et désiroient de tout leur cœur parachever de leurs armes, comme ils monstroient bien le semblant. Mais entre ce temps, le duc jeta son baston, et les fil prendre et mcner hors le champ, sans autre chose faire pour ce jour.

Le lendemain furent faites les armes à cheval; et vint à l’heure qui estoit ordonnée ledit seigneur de Ternant , sur le champ, en grand bruit , accompagné, houchié ‘, et habillé fort suffisamment comme autresfois il avoit fait ; et de jour en jour, et à chacunes armes il avoit de nouveaux habillements, espécialement pour sa personne.

Ce mesme jour de ces armes à cheval, il avoit deux moyens coursiers prés et couverts fort richement. Aussitost après vint et parut sa partie adverse, qui estoit monté sur un puissant cheval, que luy avoit presté messire Jacques de Lalain , lequel, selon la coustume de Lombardie, estoit tout couvert de fer. Alors, eux estants ainsi audit champ, chacuu à un bout des lices, après que le seigneur de Ternant, qui estoil au costé dextre proche le duc, lui cul enyoyé lance et espée, ainsi qu'il le debvoit faire suivant les chapitres et conditions de leur entreprise, el qu'au surplus ils furent tout prests, ils couchèrent leurs lances ct vinrent l’un contre l’autre, sans qu'aucun les conduisist, fort puissamment, et sans qu'aucune desdites lances fussent rompues ; cet se rencontrèrent assez durement du choc de leurs cheväux, tant que le cheval du scigneur de Ternant et luy-mesme furent si fort ébranlés, que son espée, qu'il avoit ccinte, fut tournée sur le derrière de son cheval, et tellement destournée que, quand il s’en pensa ayder, il ne la sceut où prendre ; mais son adyerse partie, qui (cnoil la sienne avec la resne de son cheval, commença à frapper d’estoc et de taille sur son adversaire, qui n’avoit de quoy se deffendre, si non de jeter sa main, atoul son gantelet, au-devant de plusieurs coups très asprement; cten ce point férit plusieurs coups ; dont il fut aucunement blasmé par aucuns nobles eslants là, auxquels il sembla que ce n’estoit

‘Botté.

point honorablement fait d’ainsicombattre, sans que son adverse partie fust pourveue de baston et armes deffensives ; mais à dire vray, depuis il s'en excusa, et dit qu’il n'avoit appcrceu cela; ct après, durant le temps qu’il estoit en ce point, l’espée dudit scigneur de Ternant cheut tout à bas; parquoy, selon la décla-

ration des chapitres sus allégués, il fut ordonné

par le duc de Bourgongne qu’on lui rebailleroit son espée, car ainsi se debvoit faire. Et quand il en fut resaisy, ils se rapprochtrent derechef l’un de l’autre, et combattirent très durement, jusques à l’accomplissement de leurs armes, et des devises et ordonnances sur ce faites ; et conyint, comme autrefois, que le dit duc les fist départir par les gardes qui estoient à ce commis. Si retournérent chacun d'eux en leur hostel , et se départirent du champ aussitost l’un comme l’autre. Pour le vray, ces armes furent fort dures et périlleuses, plus qu’aucunes autres que de long-temps on eust veu, car tous les deux champions s'y portèrent vaillamment,; et puis furent fort bons amis ensemble. Le susdit Galliot fut ensuite, par aucuns jours, honorablement festoyé dans l’hostel du duc, tant de lui comme des seigneurs de sa cour ; el avec ce , il lui fit de grands dons, pour payer largement ses despens. Quoy fait, 1l partit de là pour retourner en son pays.