CHAPITRE XVII

Comment madame de Charollois termina vie par mort à

Bruxelles ; et de la nativité du duc de Berrs, en la ville de Tours, en Touraine.

- En cest an, mil quatre cents quarante et six dessusdit, Catherine fille du roy de France, el femme du comie de Charollois , seul fils du duc de Bourgogne, alla de vie à trespas, dans la ville de Bruxelles , en Brabant ; et fut mise en terre fort solennellement, en la grande église de Sainte-Gudulle . Pour la mort de laquelle, icelui duc, la duchesse sa femme, et leur fils, comte de Charollois dessusdit, eurent au cœur très grande tristessse ; et aussi en firent grand dueil plusieurs chevaliers, escuyers, dames, damoisclles, et autres serviteurs de l’hostel de ce duc. Auquel temps , environ la feste des Innocents , la royne de France, mére de la dessusdite comtesse de Charollois, accoucha d’un fils en la ville de Tours ; pour la naissance duquel fut faite fort grande joie en l’hostel du roy, et en plusieurs bonnes villes du royaume. Espécialement Iles Parisiens s’en montrèrent grandement resjouys, ct en firent des feux de joye, ct plusieurs autres resjouyssances dans leur ville. Cest enfant fut baptisé : lequel, sur les fonts, fut nommé Charles , ainsi que s’appelloit son père ; el sur l’heure, lui fut baillé le surnom , le titre et la qualité de la duché de Berry, par le dessusdit roy son père. Durant ce temps, se faisoicnt et continuoient assez souvent des ambassades entre les deux royaumes de France el d'Angleterre, en intention de parvenir à un traité de paix finale entre ces deux parties.