CHAPITRE XVIII
De la mort du pape Eugène.
En ce mesme temps, au mois de février, l'an mil quatre cents quaranteet six, mourut le pape Eugène, qui avoit régné et gouverné assez hautement; car, en son temps, il cut plusieurs adversités et grandes affaires , et entre les autres, contre le concile de Basle et contre les Romains. Si fut-il mis en terre très honorable-
ment dedans l’église de Saint-Pierre de Rome; et, dans peu de jours ensuivant, s'assemblèrent les cardinaux, en la manière accoutumée ; et par le cardinal de Boulongne fut faite la prédication et les remonstrances, telles et semblables que depuis long-temps auparavant on faiten ce cas parcil. C’est à sçavoir : au principal, qu’un chacun desdits cardinaux se doibt mettre en bon estat de leur conscience, et ensuite eslire un pape et pasteur de l'Église universelle, tel et si suffisant, qu'il soit digne de la gouvcrner, sans l’avoir ne le faire par aucune faveur, amitié ou corruption que puisse estre. Ensuite il déclara bien au long et fort sagement les biens qui pouyoient advenir d’ainsi le faire, sans aucune fraude, el aussi les maux qui autrement pourroient s’ensuivre de faire le contraire.
Après qu’il eusl finy sadite prédication, iccux cardinaux s’en allérent tous ensemble en l'église des Jacobins , durant un cerlain espace de temps ; et, d’un accord, entrèrent en conclave; dans lequel, après qu'ils curent esté certaine heure, ilsesleurent, en premier pasteur et vray pape, le dessusdit cardinal de Boulongne, qu’ils consacrèrent; ct fut nommé Nicolle ; lequel , comme il en estoit commune renommée, on tenoit pour très sage, prudent, et homme d’honneste vie, selon la relation de ceux qui avoient connoissance de lui.
En ce temps, il y avoit une fort grande gucrre entre le duc de Milan d’une part, ct les Véniliens d'autre, lesquels s’entrefirent de très grands dommages aux pays l’un de l'autre.
Pareillement les Génevois cstoient en grand discord l’un contre l’autre, par des factions survenues entre eux ; pour laquelle cause il y en eut partie qui se voulurent remettre en l'obéissance du roy de France, ainsi qu'’autres fois ils avoient esté; mais enfin, par le conseil d’aucuns des plus sages d’icelle scigneurie, ils se rappaisèrent et repatrièrent les uns avec les autres. Durant lequel temps furent prolongées les trefves d’entre les royaumes de France ct d'Angleterre.
