CHAPITRE XXXI
Comment le scigneur de Moy print le chastel de Gerberoy ; ct plusicurs autres choses.
En ce mesme an, mil quatre cents quarantehuit, en ensuivant la querelle d’icelui duc de Brelagne, assez tost après la prise du Pont-del'Arche, un gentilhomme du pays de Gascongne, nommé Verdun, de l’adyeu el du consentement du mesme duc, print d’eschelles les places de Conacq et de Saint-Maigrin, au pays de Bordelois, dont csloit capitaine, pour le roy d'Angleterre, Mondoc de Laussac : Jequel fut pris auprès dudit lieu de Conacq en venant de Bordeaux, d'autant qu'il ne sçavoit point la prise des places dessusdiles.
Auquel temps, le seigneur de Moy, gouvernour du pays de Beauvoisis, print d’eschelle semblablement le fort chasteau de Gerberoy, Sur Îes Anglois qui y cstoient environ trente comballants, desquels la plus grande partie fut mise à mort. Pour lors leur capitaine.
nommé Jean Harpe, estoit à Gournay; lequel fut fort estonné quand il en apprit les nouvelles.
D'autre part, en ce mesme temps, fut prise la ville de Conche, par le baïlly d’Évreux dessus nommé. Alors le duc de Sombresset, le seigneur de Talbot, et autres chefs de gucrre, du party du roy d'Angleterre, voyants la prise
ct perte pour eux des places dessusdites cstre
ainsi arrivées par les François, à leur grand préjudice, ils le prirent très mal en gré, et commencèrent à considérer qu'ils avoient bien mal fait de souffrir la rupture des trefves, et de ce que, de loute leur puissance, ils ne s’estoient pas employés à faire rendre la ville de Fougères, encore que lousjours ils s’efforçoient de donner à entendre que cela n’avoit point esté fait de leur sceu et consentement; veu mesmement que le roy de France et le duc de Bretagne ayoient auparavant envoyé diverses fois par-devers eux, pour ravoir ladite ville de Fougères. De sorte que cela les fit résoudre à envoyer une ambassade à Chinon devers le roy de France; c'est à scavoir maistre Jean l'Enfant, ct une autre d'Angleterre, pour le requérir qu'il leur fist rendre lesdites places du Pont-de-l'Arche, de Conches et de Gerberoy; sur quoy le roy fit response : Que s'ils vouloient rendre Fougères au duc de Bretagne, son nepveu, avec lous les dommages qu'ils y avoient faits, il feroit rendre les trois places dessusdites en la main du roy d'Angleterre, el non autrement. À quoy respondirent iccux ambassadeurs , qu'ils n’avoicent aucune charge de toucher au fait dudit Fougères. Et par ainsi, ne peurent autre chose besongner; de sorte qu'ils s’en relournèrent par Rouen, devers ledit duc de Sombresset.
Adonc loutes ces deux parties, c’est à sçavoir les François ct Anglois, se disposérent el préparèrent, chacun en droit soy, de trouver moyen comment ct par quelle manière ils pourroicnt entreprendre ct porter dommage Ics uns aux autres, nonobstant que par plusieurs et diverses fois, cussent csté faites entre Jes parties beaucoup de requestes et sommations, desquelles il n’est pas besoin de faire ici grand ct long récit, pour ce que peu ou point porlèrent-ils d'effet. Alors, en beaucoup de lieux, on commença à parler, lant au royaume
de France, comme ès pays voisins, de la ma-
nière de la rupture des trefyes dessusdites ; parmy lesquels entretiens, il y en avoit aucuns qui, selon leur plaisir et particulière affection, en disoient ce que bon leur sembloit, en baillant et donnant, tels y avoit, la charge aux François. Autres y avoit, qui n’estoient point de ceste opinion, en disant que les Anglois avoient encommencé la guerre, cl que, par eux, la rupture des trefves dessusdites cstoit advenue.
Toulesfois , pour en bien déclarer la vérité, il
pourroit sembler que, sans porter faveur ne
avoir affecuüon plus à un party qu’à l’autre, on pourroit dire pleinement et raisonnablement,
que les Anglois furent cause de tout le commencement de la guerre, d’autant qu'ils souf-
frirent que leurs gens prissent la ville de Fougères, et ne s’efforcèrent aucunement de la faire rendre , combien que de ce faire ils fussent requis suffisamment par plusieurs fois; et ce queles François entreprirentdespuis sur eux, ne fut que pour se contre-venger, et les obliger à réparer le dommage qui leur avoit csté fait.
Auquel lemps, ou environ, sçavoir au mois d'avril, sur les quatre heures après minuit, la terre trembla bien un quart-d’heure durant, très fort, par toutes les parties du royaume de France el ès pays voisins, (ant en Allemagne comme ailleurs ; dont plusieurs nolables clercs, el gens de grande authorité furent fort esmerveillés, principalement pour le doute que ce ne fust un signe que Dieu nostre créateur n’en montrast ensuile son ire et son courroux, à l’encontre de son peuple. =
