CHAPITRE LXIT

Comment les bastards de Suize et de Blanc-Estrain saillirent de Gand et aïlérent prendre la ville de Grandmont, ct ardoir la ville d’Acre et les fauxbourgs de Lestines en Haynault.

Quand ceux de la ville de Gand furent adverlis que le duc de Bourgongne et toutes ses compagnées, excepté ceux qu'il avoit laissés ès bonnes villes sur les frontières , pour la garde et seureté d'icclles, cstoit party de la ville de Thenremonde, et entré dans le pays de Wast, ils mirent sus une grosse compagnée , comme de quatre mille combattants au environ, avec grand nombre de charroy et d'artillerie. El cstants fort bien garnis de vivres, ils partirent d’icelle ville, lejeudy quinziesme jour de juin, en prenant leur chemin devers la ville de Grandmont, laquelle avoit un peu auparavant logé ledit duc et sa maison. Et pour ceste cause, ils vinrent loger jusques aux portes d’icelle , lesquelles ils trouvèrent fermées, et firentune manière d'attaque contre eux, mais peu de dommage leur portèrent-ils. Néantmoins , les bostards de Suize et de Blanc-Estrain, qui estoient chefs de ladite armée, pource qu’ils ne désiroient avoir affaire qu'avec ceux de ladite ville de Grandmond , afin de gagner et butiner, car ils estoient gens de très méchant cstat, comme vous orrez ci-après, assaillirent inconlinent icelle ville de Grandmont, qui estoit de petite deffense ; aussi n’y avoit-il lors dedans aucuns gens de guerre, et ne s’attendoient pas mesme d’estre participants de ladite guerre; qui faisoit qu'ils ne se donnoient pas de garde, en aucune façon, que ceux de Gand leur voulussent porter aucun dommage. Ainsi furent-ils facilement prins d'assaut, où il mourut aucuns des habitants, puis ils pillèrent ladite ville et y mirent le feu en aucuns lieux ; néantmoins ils y laissèrent certain nombre de leurs gens, en intention de la tenir et garder en leur obéissance.

… Ce fait, avec tous les biens qu'ils avoientprins

assez près de là, nommé Acre , duquel pareil-

lement ils prinrent etemportèrent tous les biens

qu'ils trouvèrent dedans, combien que peu y en avoit, car chacun avoit de bonne heure retiré le meilleur du sien ès bonnes villes ; si y mirent-ils le feu et le bruslèrent. De là ils prinrent leur chemin en allant en une ville dans le Haynault, nommée Lestines, où ils se logèrent ès fauxbourgs, en intention d’attaquer ceste villelà ; mais pour ce qu'ils avoient ouy nouvelles que le seigneur de Chimay, baïlly de Haynault, avoit à ceste heure une grosse compagnée de Hannuÿers, qu’il avoit levés pour aller avec le duc dans le susdit pays de Wast, où 1l estoit desjà, ils se déportèrent d'en faire l’assaut, car ils redoutoient la venue dudit baïlly; et prinrent seulement ce qu’ils trouvèrent en iceux fauxbourgs, où ils mirent le feu et les bruslérent entièrement ; de là ils prinrent leur route pour retourner devers Gand. Lesquelles nouvelles vinrent incontinent au susditbaïlly de Faynaut, qui tant plus fit grande diligence pour assembler et haster ses gens ct poursuivre ces Gantois à fraische poursuite et sur leur piste, tellement qu’il les trouva sur leur chemin. Et pour ce qu’il n’avoit pas encore ses gens tous cnsemble, il ne laissa, avec ce qu’il avoit de gens, de frapper sur la queue d’iceux, dont il desfit environ de quatre-vingt à cent. Que si ses gens de pied eussent peu estre à ceste heure-là en sa compagnée, lesquels ne pouvoicnt suivre ceux de cheval, ils les eust apparemment tous taillés en pièces, combien qu'il y gagna de leurs harnois , charriots ct bagages assez largement. Lesquels Gantois appréhendants que la plus grosse compagnée ne les suivist, Lirèrent tous jours en rapprochant la ville de Gand, et faisants tousjours grand dommage par toutle pays où ils passoient, car ils mettoient feu partout. Mais comme leditbailly de Haynault vint à s’esloigner de ladite marche, cstant bien adverly par ceux qui estoient demeurës en icelle ville de Grandmont, el voyant qu'il ne pouvoit plus rien conquérir sur cesle compagnée de Gantois, il ayança son chemin avec ses gens de pied et de cheval vers icelle ville de Grandmont, en intention de la regagner sur Iles Gantois qui cstoient demeurés en icelle ville, ce qu'il fit; car incontinent qu'il fust arrivé jusques aux portes d’icelle, il ordonna de les assaillir. Et lors un chacun mit pied à terre ; etse mirent les

soldats és fossés jusques proche de la muraille, où les Gantois qui estoient enfermés dedans faisoient de grandes résistances ; néantmoins , par force et vaillance, ce baïlly de Haynault gagna enfin ladite ville sur eux par assaut. Là moururent .lous ceux qui cstoient venus de Gand, au nombre de trois cents ou environ.

Pour le regard de ceux de la ville, peu y en eut-il de tués, car ceux qui savoient bien se discerner et donner à cognoistre qu'ils estoient des habitants d’icelle, on ne leur mesfaisoit en rien ; néantmoins, tous les biens des uns et des autres furent abandonnès aux compagnons de guerre etlaissés au pillage, dont chacun d’iceux cut sa part.