CHAPITRE LXIITI

Gomment le roy Charles de France envoya ambassadeurs devers le duc de Bourgongne et ceux de Gand, afin de les mctire d'accord ct appaiser la guerre ainsi durement esmeute.

Or, pendant le temps de toutes cestribulations et guerres civiles, le roy Charles fut adverty de ce que dit est, qui estoit la destruction totale de la comté de Flandres, laquelle est tenue de la couronne de France en souveraineté ; cl ayant espérance de s’employer, tant à l'honneur du duc , qui est le premier pair de France, comme au bien et préservation des subjets de ladite comté, et à obvier à la destruction d'’icelle, 1l délibéra et se résolut d'envoyer certaine ambassade, tant devers le duc comme devers ceux de Gand, afin de trouver quelque bon appointement entre eux, si faire se pouvoit. Si furent ordonnés et destinés pour ceste ambassade, Louys de Luxembourg, comte de Saint-Pol, Louys de Beaumont, séneschal de Poictou, Guy Bernard, archidiacre de Tours et maistre des requestes de l’hostel du roy, ct Jean Dannet, conseiller et procureur général ; lesquels curent charge, de par le roy, de s’employer en ceste manière tellement, devers chacune des parties, que quelque bon traité s’y peust rencontrer, en gardant et conservant le droit à celui qui le debvroit avoir. Et pource que le susdit comte de Saint- Pol estoit lors au service dudit duc en icelle guerre, le roy lui escripvit leltres portants comment il l’avoit délégué son ambassadeur en ceste ambassode , et l’avoit desnommé en ladite commission avec les dessusdits ; pourquoy il lui mandoit qu'il tirast avec eux, et s’'employast au bien de la paix pour terminer ceste guerre. Lequel, quand il cut receu ces léltres , respondit

que volontiers de sa puissance il s’y employeroit ; et bien le debvoit-il faire, car il avoit et possédoit de belles terres en ladite comté, lesquelles estoient bien en adventure , par la continuation dela guerre, d’estre entièrement mises en ruine. Par ainsi se joignit-il avec lesdits ambassadeurs, lesquels ensemble se transportèrent devers le duc , auquel ils présentèrent les lettres du roy: ct lui, en grande révérence et à grande joie , les receut.

Après quoy, par la bouche du susdit procureur général, lui fut rapportée la charge qu’il avoit de par le roy. Lequel duc les ouyt bénignement; puis quand la proposition eut pris fin, ce duc, en rendant tousjours fort grande révérence au roy et à ceux de sadite ambassade , leur fit dire en sa présence, ct remonstrer bien au long les grandes fautes , abus, extorsions et dérisions que ceux de la ville de Gand avyoient de longlemps faits ct commis contre lui, ses subjets et sa seigneurie ; et que pas il ne les avoit prins au premier mesfait; mais par plusieurs fois, et de si long-temps comme de sept à huit ans, il les avoit fail advertir de toutes leursdites fautes et abus, afin que doucement ils se voulussent corriger et réduire comme bons et loyaux subjets debvoient faire à leur prince ; mais que nonobstant icelles remonstrances , ils n’avoient voulu jamais sc corriger , ains s’estoient eslevés els’eslevoicnt chacun jour contre lui et sa seigneurie; ce qui lui estoit dure chose à souffrir , tant pour se bien acquitter de son debvyoir envers Dieu et le monde, parce que Dieu lui avoit commis à gouverner ladite comté , comme pour l’obligalion en laquelle il estoit de la conservation ct protection de ses subjets en icelle. Mais que pour parvenir au bien ct traité de paix, en gardant son serment , ses subjets et son honneur , ilen fcroit , et estoit prest d’en tant faire, qu’il espéroit que Dieu et le monde seroient contents de lui.

De laquelle response iceux ambassadeurs furent fort contents. Assez tost après se transportèrenten la ville de Gand, sauf ledit comte de Saint- Pol, qui ne fut pas conseillé de s’y trouver en personne, pour autant que chacun jour il leur faisoit gucrre ; et avoit fait alliance avec ledit duc , à cause des lerres et seigneuries qu'il tenoit de lui. Lesquels'ambassadeurs furent receus à grande joye ; et leur furent envoyés plusieurs présents de la part de la ville. Le lendemain , ou assez peu de joursaprès, ceux de la ville de Gand

s’assemblérent dans leur maison de ville, où ils avoient convoqué grand nombre de peuple. Et ceux estants là venus, iceux ambassadeurs leur présentèrent les lettres du roy, lesquelles contenoient, comment il envoyoit par-devers eux ses ambassadeurs ; aussi avoit fait devers le duc, afin de trouver un traité de paix entre eux ; Cl qu'au surplus ils voulussent adjouster foy à ce quesesditsambassadeurs leur diroientde sa part, touchant ceste matière. Desquelles lettres ils furent grandement joyeux.

Et après la lecture d’icelles , il fut, par la bouche du susdit procureur-général, dit et remonstré aux susdits de Gand les grandes plaintes et doléances que faisoit le duc , leur seigneur, contre eux et leur gouvernement, en reprenant cl récapitulant tout au long les fautes, abus et malversations qu’ils avoient commis envers lui, par plusieurs fois, el desjà ‘par long espace de temps, qui n’estoient pas choses raisonnables , et à souffrir ne à laisser couler sans dissimulation. À quoy il adjousta plusieurs choses ct raisons scervants à Ce propos, lesquelles seroient ici trop longues à réciter. Sur lesquelles remonstrances ainsi failes, ils demandèrent et prinrent délay pour y respondre ; car au jour qui fut prins de faire ladite response, sur chacun article ils respondirent.

Lesquelles responses n'avoient pas grand lieu, et n’estoient guêres raisonnables ; car la plus grand’ couleur qu'ils prenoient, estoit de ce qu’ils disoient que le duc vouloit mettre sus, en ladite comté, la gabelle du sel, de laquelle il s’estoit déporié auparavant le commencement de cesle guerre, comme avez ouy par ci-devant.

Or, quand les susdits ambassadcurs eurent ‘ouy ces responses, lesquelles leur paroissoient moins que suflisantes, 1l leur sembla qu'ils trouveroient bien manière de faire traité de paix; ct leur dirent que, s'ils en cstoient conents et s'ils l'agréoient, ils envoycroient devers le duc, afin d'obtenir de lui trefve durant certain espace de lemps, pour cependant pouvoir ‘communiquer les uns avec les autres, dans espoir de pouvoir parvenir à quelque traité de -paix ; de quoy ils furent bien contents. Et sur ce retournèrent ces ambassadeurs devers ledit ‘duc, auquel ils rapportèrent ce qu'ils avoient négocié, en le requérant, qu'il lui pleust accor- . der lesdites trefves ; ce qu'il fit volontiers, car

il ne désiroit pas la guerre ne la destruction de ses subjets, se faire se pouvoit autrement. Lesquelles trefves furent accordées pour l’espace de six sepmaines, qui commencèrent au mois de juillet de cest an mil quatre cenls cinquante ct deux.