CHAPITRE LXIV

Comment les trefves furent publiées par tout l'espace de six sepmaines ; ct autres choses.

Ces trefves cstants ainsi faites et accordées d'un costé et d'autre, elles furent publiées dans la ville de Lille, et en plusieurs autres bonnes villes appartenants audit duc, tant en la comté de Flandres comme ès marches de Picardie, etsemblablement en icelle ville de Gand ct ès autres villes y marchissants ; ce qui cstant fait, il ordonna ses garnisons estre mises ct placées dans les villes tenants frontières contre ceux de Gand, c’est à sçavoir à Courtray, Thenremonde, Allost et Audenarde. Il eut de plus volonté d'en mettre dans la ville de Bruges; mais ceux de ceste ville-là en estants advertis, firent requeste à ce duc, afin qu'il ne leur envoyast aucune garnison en icelle, et que sans faule il les trouyeroit bons et loyaux subjects; de quoy il fut assez content, car le plus qu’il pouvoit il les entretenoit en amour, dans le doubte que, s’ils se fussent tournés du party des Gantois, il en eust cu beaucoup plus d’affaires qu’auparavant. Ce nonobstant, il leur fit dire que, puisqu'ils ne vouloient point de garnisons, au moins qu’ils receussent un chef el un capitaine dedans la ville, de par lui, pour demeurer cn son nom avec eux, avec lequel ils se conseilleroient el rallieroient si besoin leur en esloit ; de quoy ils furent contents. Et y fut commis le seigneur de Grutuze, pour Lant qu'il estoit de la nation de la ville, et aussi qu'il estoit fort aimé du commun peuple.