CHAPITRE LXXV

Du meurtre de Jean de Ficffes par les gens au scigncur de Flavy.

Vers la fin du mois d’aoust de cesi an mil qualre cents cinquante et trois, Jean, seigneur de Flavy, qui estoit jeune seigneur, issu de haute et noble génération, et lequel avoit à son service aucunes gens de léger conseil, se transporta en la ville de Dourlens, accompagné de douze à seize de ses gens, où se trouvant mécontent de ce que Jean de Fieffes, chevalier, fils du seigneur de Fieffes, durant la guerre de Gand, dont ci-devant est faite mention, avoit esté loger sur aucunes de ses terres, avec grosse puissance de gens d'armes, car il estoit le meneur des gens de guerre d’Anthoine, bastard de Bourgongne, chevalier, rencontrant ledit

1 Voyez pour toute cette géographie asiatique l’atlas en langue catalane de l’année 1374 que j'ai publié dans le tome XII des ÆVotices des manuscrits de la Bibl. royale.

3 Dalmatic. |

chevalier à l’hostel à l’Angle, sur le marché, il y descendit lui et ses gens, qui le cherchèrent tant dans cest hostel, qu’ils le trouvèrent dans un estable à chevaux où il s’estoit retiré, parce qu'il estoit adverty que ledit de Flavy le cherchoit ; là où il fut battu et mutilé en telle manière, qu’au bout de quatre jours il alla de vie à trespas. Quoy fait, iceluy de Flavy s’en retourna en sa place de Maiserolles, assez près dudit Dourlens, où 1l se tint sur ses gardes aucun espace de temps. Et cela estant venu à la cognoissance d’icelui bastard de Bourgongne, il en fut très mal content; de quoy ledit de Flavy eslantbien adverty, il partit d’icelle place de Maiscrolles ct se retira en une autre forteresse à lui appartenant, nommé Liencourt, ayant avec lui quelque cinquante à soixante compagnons de guerre, là où il se Lint sur ses gardes assez longuement. Pour lequel cas, il obtint peu après rémission du roy. Mais, nonobstant cela, monseigneur Jean de Ficffes, père dudit deffunt, fit si grande poursuite contre icelui de Flavy, en parlement et ailleurs, qu’il en fut long-temps prisonnier dans la conciergerie du Palais Royal à Paris. Et à très grande peine ct difficulté fut ladile rémission entérinée par la cour de parlement, qui condamna icelui de Flayy, pour l'intérest de partie , en grosses sommes de deniers et en réparations honorables, qui lui coustèrent plus de trente mille francs ; et à ceste cause, il lui convint de vendre plusieurs de ses lerres et seigneurics.