CHAPITRE LXXXIII
Comment la forteresse de Gaure fut prinse; de la punition de ceux de la garnison, et comment ceux de Cand saillirent hors, à intention de ruer jus le duc de Bourgongne.
En ce mesme temps, et incontinent après les renditions des susdites forteresses de Poucques ct de Scalesbecque, et après que le duc de Bourgongne eut laissé raffraischir ses gens, tant en la ville de Courtray comme ès faubourgs et ès environs, par l’espace de quinze jours; pendant ce temps il fut adverty qu’il y avoit des Gantois dedans le chasteau de Gaure, jusques au nombre de soixante à quatre-vingts hommes de guerre. Sur quoy, voyant qu'il n’y avoit plus de place ès environs de la ville de Gand, qui lui fust préjudiciable , il délibéra d’y aller mettre le siège ; ce qu'il fit; et, avec toute son armée , au bout desdits quinze jours, il se logea autour et ès environs de ce chasteau de Gaure, en tenant le siège devant icelui, où
il fut par l’espace de seize ou dix-huit jours.
Auquel temps il fut adverty, par aucuns qui cstoient en sa compagnéc, que, si c’estoit son plaisir de leur donner licence de parler et communiquer avec le capitaine d’icclle place, il leur scmnbloit que ce seroit Ie bien et le profit dudit duc, comme aussi l’abréviation de la prinse d’icelle; sur lesquels advertissements icelui duc fut content qu’ainsi le fissent.
Après laquelle permission obtenue, ils trouvérent manière de communiquer avec le susdit capitaine. Auquel pourparler furent faites plusieurs ouvertures d’un coslé et d'autre, pour tousjours parvenir à la fin de meltre ce chasteau en la main ct obéissance dudit duc. Entre lesquelles ouvertures il ful proposé, sçavoir, comment ledit chasteau seroit mis en icelle
main, et comment on pourroit faire faire une-
sorlie téméraire à ceux de la ville de Gand, afin
de trouver quelque moyen de pouvoir prendre
sur eux punilion et vengeance de leurs hautai-
nes et grandes entreprinses. Sur quoy il fut con-
clu par le capitaine d’icelle place, que préalablement lui , avec d’autres, jusqu’au nombre de quatre ou cinq de ses gens, tels qu'ils vou-
droient prendre ct choisir, s’en iroient fran- -
chement hors d’icelle place, et iroient à Gand, pour advertir ceux d'icelle ville, et leur feindre que l’armée du duc se rompoit et dissipoit, ct
que la pluspart de ses gens l’abandonnoient ct
le quittoient par faute de payement, et qu'ice-
lui duc n'estoit demeuré qu’ayec un petit nombre de gens, et qu’il y avoilen son ost grandes finances, là où on pourroit bien gagner.
Comme donc il avoit esté conclu par entre eux, ainsi en fut-il fait. Et sur ces entrefaites, icelui capitaine dudit chasteau de Gaure en partit, lui cinquiesme, en disant à ceux qu'il y laissa, que le lendemain, dedans le terme de dix heures, ils auroient du secours, ct qu’ils fissent cependant bonne garde. Et ainsi partitil d’icelui chasteau, de nuit, sans autre chose déclarer à ceux qu'il y laissa. Après quoy, estant arrivé à Gand, il fit assembler ceux de ceste ville en grand nombre, auxquels il rapporta les choses ci-devant dites, en leur représentant, que, s'ils se vouloicnt meltre sus en bon nombre, et le lendemain y aller, on rueroit jus entièrement ledit duc et ses gens. Sur lequel rapport et advis , les hofmans dans icelle ville en diligence firent sçavoir par toute la ville, que chacun fust prest en armes, pour aller donner sur ledit duc,en intention de le ruer jus. Mais en prenant ces conclusions , ils dirent au susdit capitaine qu’il vins! avec eux. Sur quoy il dit, pour s’en excuser : “qu'il avoit élé longuement en grande peine et difficile travail, pour garder ladite place; et mesme que cesle nuit qu’il en cstoit sorti, 1l n’avoit pas eu de repos ; et requit, à ce sujet, qu'on le laissast reposer; de quoy ceux de Gand, qui s’estoient déjà assemblés jusques au nombre de vingt-huit mille combattants, ou environ, croyant qu’icelui capitaine leur eust dit vérité, en furent contents ; et ainsi il demeura et resta dans la ville. Doncques sur cesle confiance , icelui jour du lendemain, les Ganlois partirent de leur ville, au nombre que dit est, prenants leur chemin vers ledit lieu de Gaure, dans la croyance de parvenir à leur dessein. Mais le duc, qui de tout estoit bicn adverty par les moyens dessusdits, sçachant cesle venue, et aussi leur puissance et leur conduite , fit de tant plus haster son artillerie , ct üirer fréquemment à l’encontre du susdit chasteau de Gaure, pour tousjours donner plus grande crainte à ceux de dedans. Lesquels, quand ils se virent si fort pressés d’icelle arlillerie, voyants que le temps et l'heure estoient passés du secours que leur avoit promis leur capitaine, appréhendants qu’ils ne fussent prins
‘ Hooftman.
d'assaut et de vive force, ils se mirent en la gracc et mercy d’icelui duc , et lui firentouverture de ce chasteau , où incontinent qu'ilen fut rendu le maistre, il les fit tous pendre à une juslice’ qu'il avoit fail faire et asseoir à ce propos devant ladite place.
Or, ainsi comme ceste exéculion se faisoit, le duc, qui desjà avoit rangé et mis en ordonnance ses gens d’armes, c’est à sçavoir adyantgarde, bataille et arrière-garde, justement au-devant par où ceux de Gand debvoient passer et arriver , se trouva de ceste maniére tout prest pour les recevoir. Nonobstant quoy, iceux Gantois, quiestoient bien munis de tout, et fournis de grand nombre d'artillerie, la disposèrent au-devant de ladite adyant-garde, de laquelle estoit chef le seigneur de Blammont, mareschal de Bourgongne. Ce que voyant, il se joignit avec la bataille dudit duc, ct tous ensemble marchèrent jusques contre l’advant-garde des Gantois, en intention de la gagner. En quoy faisant, les arlilleries, tant du duc comme des Gantois , tirèrent de chaque costé un coup, où il y en cut aucuns de tués de part ct d'autre; puis soudainement , sans plus tirer , les parties se joignirenl l’une contre l’autre, etcommencèrent à combattre main à main très vaillamment, par l’espace de deux heures, ou environ ; mais assez peu après ces Gantois furent mis en desroule, dans laquelle il y demeura de tués à ceste heure sur le champ, de quelque cinq à six mille Gantois. Les autres, qui lors s’estoient mis en fuite, se rassemblèrent et joignirent ensemble, dans un pré fermé dehayes bien fortes, qui esloicnt fréquemment garnies de longues picques, à la façon du pays, et aussi bordées d’archers et d’arbalestriers, qui fort entamèrent ct blessèrent les gens du duc, qui s’efforçoient d'entrer dedans ledit pré. Mais, nonobstant cela, icelui duc, ct la pluspart de sa compagnée entrèrent dedans, et par grande vaillance desfirent les Gantois, en telle manière qu’il en demeura de morts sur la place, sçavoir dans ce prè , jusques au nombre de dix-neuf cents , ou en environ, outre cinq à six mille qui se pensoient sauver à une sortie, dedans la rivière de l’Escaut, où ils se noyèrent ; et le surplus de ces pauvres Gantois, croyants se retirer à sauveté dedans leur ville, se mirent bien en chemin de le faire ; mais ils furent poursui-
‘Potence. Die
vis si asprement par les gens du duc, qu'à ceste chasse il en mourut, comme il me fut certifié, de trois à quatre mille, ou plus; ce qui arriva pource que ce duc ordonna et commanda que tout homme qui avoit des leurs prisonniers, les tuast.
