PROLOGUE

Pource que, selon l’advis de plusieurs nobles, sages, puissants, prudents et vaillants hommes, est très nécessaire, convenable, ct bien de raison que les adventures, nobles entreprises, conquestes, vaillances et faits d’armes qui, par les nobles et vaillants hommes ont esté faicles, et se font, et adviennent encore chacun jour et en cetrès-chrestien royaume de France, et aussi en plusieurs autres pays, tant de la chrestienté comme des infidèles de nostre foy, soient mises et rédigées par escript par aulcunes personnes ayant volonté et désir de telles matières poursuivre, tant pour en estre mémoire en temps advenir, comme afin que les cœurs des nobles hommes du temps présent et subséquent, qui verront ou orront ceste présente histoire, soient plus désireux, moyennant la grace de Nostre-Scigneur, et les nobles ct honorables vertus et les bonnes mœurs dont ils sont ct seront aournés, de parvenir à la haute et excellente vertu de proesse, en maintenant et gardant leurs seigneuries, et en servant loyalement leur souverain prince et naturel seigneur:

Je, MATHIEU DE CoussY, homme lay, nalif de Quesnoy-le-Comte , en Hainaut, issu de par ma mère de noble génération ; ct extraict de la ville de Péronne, en Vermandois, en laquelle je fais à présent ma résidence, ay mis ct formé mon propos de faire, escripre, et composer un livre, en prose et langaige maternel, des nobles faicts d'armes, conquestes ct hautaines entreprises qui ont esté faictes en ce dit très chrestien royaume de France, ès pays voisins, et autres marches lointaines, jà-soitce que de ce je sois indigne, trop simple et

ignorant ; et que, pour traiter de si hautes matières, fust nécessaire la compiler, coucher, et mettre en ordre par homme de meilleur entendement. |

Et commenceray mondit livre, depuis le vingt may mil quatre cents quarante-quatre :, qui est la fin du dernier livre que fit et croniqua, en son temps, ce noble homme et vaillant historien, ENGUERRAND DE MONSTRELET, natif de la comté de Boullenois, qui trespassa prévost et citoyen de la cité de Cambray, duquel, pour ses œuvres, sera renommée, grand temps après son trespas ; et durera iceluy mon premier livre.

Si supplies et requiers à tous les lecteurs d'iceluy, que en suppléant à ma simplesse ct ignorance, si aucune faulte est trouvée en la poursuite de ceste matière, la leur plaise, par‘ bon, vray et certain jugement, bénignement corriger ou amender, et considérer que si longues et dangereuses matières ne se peuvent du tout peser à la balance, ne mettre au juste à la plaisance de toules parties, tant pour les faveurs que par adventure aucuns escoutants y pourroient avoir, comme pour les divers rapports qui m'en ont csté faits; desquelles faveurs me suis gardé au plus destroit que j’ay peu. Et, pour icclles eschever', je me suis informé à plusieurs personnes de divers partis, et espécialement nobles, chevaliers, escuyers, et autres gens notables et dignes de foy ; et pareillement à plusieurs roys d’armes, hérauts et poursuivants, de plusieurs partis, qui, de

1 Voyez Monstrelct. | 3 Éviter.

leur droit, en doibvent cestre jusies enquéreurs ; sur la déposition desquels je me suis le plus arresté. Et, pour éviler de commettre faute, à mon debvoir et pouvoir, en ce présent traité, j'ay poursuivy ma matière sans partialité ny faveur aucune à l’une des parles plus qu’à l’autre; et me suis toujours informé diligemment, un an auparavant que aye rien nus ne couché par escript.

Or, au commencement de mondit livre, est mon intention d’ensuivre la matière que ledit feu Enguerrand laissa des trèves qui furent prises et confirmées à Tours en Touraine, au mois de may, an ct jour dessusdits, entre très excellents et très puissants, de très noble mémoirc, Charles-le-Bien-Servy, roi de France, VIle de ce nom, ct Henry VI, roy d’Angleterre, son nepveu. Et, pour commencement, moyen el fin, je requicrs cl appelle en Ce la grace de Nosire-Seigneur.