CHAPITRE LXXX VII

Le roy d'Angleterre continue le siége du marchié.de Meaulx; composition des assiégés.

Moult se monstra fière et orgueilleuse la compaingnie assiégée. Et se donna merveilles le roy leur ennemy comment tant et si longuement osoient porter ses menasses , à ce encoires qu'il les sentoit bas et estroicts en pluiseurs manières, parquoy il n'y gisoit si non péril de mort en leur fait. Si les fit semondre toutesvoies par pluiseurs fois qu'ils se rendissent ains tost que tard , car le tenir estoit de grand péril pour eulx , disant oultre, que rendre une place bien combatue à la semonce d'ung prince promet miséricorde au rendant, là où la prinse par force ne doit asseurer , se de mort non, l’orgueil du deffendant. Mais les enclos, jà soit ce que bas

fuissent de toute puissance pour longuement

eulx tenir, sin’eurent-ils vouloir de tant encoraiger leurs ennemis que de leur monstrer semblant de failly couraige; et respondirent baudiment que point n’estoit heure encoires de eulx rendre , et que ce faire n’estoit point de ieur intencion. Entre les aultres des assiégiés, y eut ung nommé Guichart de Sisav qui moult se monstra homme de vertu et de grand los sur tous les aultres, car avec vaillance oultragieuse si avoit-il sens et conduicte en luy de si grand effect que le roy son ennemy, par un singulier regard en luy mis, l’affecta de l'avoir à luy , et luy en fitfaire pryères avec grans offres. Mais en vain se traveillèrent les parlans, car ne l’eust volu faire pour nulle promesse ny don d'homme ; et en effect refusa tout, et le don et l'amour du roy ; ct prisoit myeulx de morir son ennemi, attendant le péril de mort, que de devenir son adjoinct en changement de sa nature. Et continua cestuy siège jusques sur la fin d'avril (4). Et tant et si avant s’y entretindrent les deffendeurs que finablement l'espoir de tous lez du monde les abandonna, et ne véoient manière nulle possible d'évader les mains de leurs ennemis , ne de povoir résister mais à sa puissance. Si s'offrirent à tenirparlementet à faire traictié; et le roy pareillement leur donna escout ; et commist de sa part pour parlementer avec eulx le duc d'Excestre , les comtes de Warwyc et de Conversan et messire Gauthier de Hongerfort; et de la part des assiégés furent : messire Philippe Malet, Pierron de Luppel, Jehan d’Aunay, Sinador deGerammes, le Borgne de Caucam, Jehan de Lespinace et Guillaume du Fossé. Lesquels tous assemblés par diverses fois s'accordèrent enfin et firent traictié par la manière cy-après déclairée.