CHAPITRE LXXXVL
Continuation dun siége de Meaulx, et comment le seigneur fd’Offemont fut pré en ‘voulant s introduire en ladicte place.
Moult souffrant d'annuy et de povreté estoient les assiégés ‘dedens Meaulx, et moult estoit terrible et espovantable l'esforcement que leur livra le roy leur ennemy, que à peine trouvoient lieu dedens leurs murs pour garantir leurs corps, ny heure de jour ny de nuyt pour eulx reposer leur travaillée nature, sans encoiresla faim etestroictenécessitéentre plusieurs que soffroient pour eulx non rendre à luy. Or avoient de pieça semons et requis le seigneur d'Offemont qu'il voulsist les secourir et venir à leur ayde, soy boutant avec eulx en la ville ; et en estoit ledict d'Oflemont en aussi grand vouloir comme les aultres en désirance de luy avoir, comme bien monstra.
Car avoit recueilly à l'eslite jusques à quarante hommes d'armes, gens de pris, à intencion de soy aller bouter par nuyt dedens la ville, et avoit esté adverty par ceulx de dedens de la manière comment il y devoit entrer par une eschelle que ceulx de dedens bouteroient dehors; et en effect ledict seigneur d'Offemont ayant pourgecté l'eure qui luy sembloit propre , tout couvertement vint jusques à l'ost du roy d'Angleterre, là où, en cuidant passer oultre jusques aux murs, rencontra aulcuns du guet; mais luy plus fort que eulx , prestement furent tous tués sans que rumeur en venist en l'ost. Si passa tousjours oultre le seigneur d'Offemont, et fit passer ses gens toujours devant luy pour venir jusques aux murs et les faire monter. Et en y avoit desjà si avanciés que aulcuns d'euix montèrent en l’eschielle etentrérent dedens; mais fortune tant ne voult de bien aux povres François assiégiés, ny tant de gloire nv de bon los. A ce bon chevalier advint, ainsi qu'il alla tout derrière les aultres pour les conduire à sauveté et salut, que en passant au travers d’ung fossé sur une viclle planche oute pourrie, la planche se rompy, et Juy
armé de plain harnois chéy dedens, en grand desconfort et désolacion de ceulx qui là estoient venus avec luy, car ne véoient manière de‘l’en povoir retirer, ne de sauver ne luy ny eulx. Si luy baillèrent des lances deux ou trois, mais toutes luy demourèrent entre les mains, pour cause de la pesanteur du harnois et de la parfondeur du fond. Si sourdy lors à l’environ de luy bruit et murmure, dont la noise parvint jusques à lost ; et prestement y vindrent ceux de l'ost au lieu de ce ruyt, et trouvèrent ce chevalier plongié au fonds du fossé et ses gens empeschiés durement à le vouloir tirer hors. Lors fut l’esbahissement grand des povres Franchois trouvés là endroit ; et non moins cely qui là gisoit en la mercy de Dieu ne se povoit ny aidier ny revengier. Si furent subit prins et navrés durement les aulcuns, et meismes le seigneur d'Offemont fut bleschié au visaige bien fort Et incontinent ceste prinse faite et qu'on en estoit bien au dessus, furent menés devant le roy d'Angleterre qui en fit grand chière: et questionna moult asprement ledict d'Oftemont de son entreprinse, jugant bien et voyant à l'œil qu'il estoit homme de hauit couraige et que la prinse avoit esté belie pour luy, car il y eust trouvé ung dur contraire et bien à craindre, se une fois se feust trouvé dedens avec les aultres enclos; et pour vray dire, les assiégiés proprement n'avoient point de chief avec eulx qui leur duisist pour. soustenir le fais du siége d'ung roy si puissant. Et partant y gaingna beaucop ledict seigneur roy, et les aultres y perdirent leur ville et toute la sauveté du pays. Tôutesvoies le roy fit bien et soingneusement penser de luy, et les mist en main seure et en bonne ywarde, jusques à tant que fin auroit de son siége, et qu'il verroit l'yssue de son aventure qui luy en estoit destinée.
Or furent Anglois plus esbaudis que devant et les enclos plus morniés et tristes plus aue n'avoient esté, car n’avoient plus d'attente ne d'espoir en riens, sinon en morir , vawmcus par assault, ou de rendre leur corps etieur ville en la mercy de leur ennemy. Si commença pa:ur à les envahyr; et tous esfrayés commencèrent à retraire ieurs biens deaens le marchié, qui estnit. place forte et trop plus
tenable que la ville. Si s’en perceurent ceulx de lost et l’'annoncèrent à leur roy, lequel, en la perplexité que véoit estre entre lesdicts assiégiés, prestement les fit assaillir à tous lez, et tellement et tant y continuer que la ville fut prinse. Et y entra le roy assiégant, mais non pas à grand tuison, car tous se retrayrent dedens le fort du marchié. Mais ledict seigneur roy, non content tant seullement d'avoir la ville, si n'avoit toute la reste, que par force que par subtilité, fit tant encoires qu'il acquist une petitteislette joingnant à icelluy marchié. En icelle fit dresser ses engins et affuster ses bombardes pour battre ledict marchié et les tenans; et de fait leur en fit de grans dommaiges et mésuaises; car tuoit gens et effondroit maisons horriblement ; et ne leur souffry repos ne alaine reprendre, ne couverture à paine où ils se peussent garantir , sans encoires que ledict roy leur osta leurs molins, par lesquels ils cheurent en toute estroicte nécessité , car n’avoient de quoy vivre. Doncques tout considéré ct que d'espoir n’avotent nul en homme qui les délivrast de péril, et que le jour que leur avoit esté promis de secours estoit jà passé bonne espace , et que l'assault sur eulx ne cessoit point , lequel n'estoit nullement soustenable, finablement congneurent bien que de mort ne povoienteschapper que par mercy quérir et par rendre le marchié par appoinctement jà-soit-il toutesvoies que encoires longuement, en toute la povre nécessité que se sentoient, ils soustindrent grans et mortels assaulx depuis, dont tel entre les aultres duroit sept ou huict heures sans cesser ; et si perdirent pluiseurs vaillans hommes qui y furent tués d'ung costé et d'aultre, et aultres bleschiés et aflolés grand nombre. Dont, à recorder la longue traicte de temps que les assiégiés avoicnt porté les mésaises et travauix de leurs assiégans, ou la très estroicte poyreté enquoy ils estoient, ce fut merveilles comment si valereusement encoires osoient ne povoient résister à ung tel eflort , ne que si longues ne oultraseuses deffences se povoient trouver en gens mis si au bas; car n’avoient murs ny tours que tous ne fussent desrompus ; n’avoient vivres que à l'estroicte portion près de finir; n’avoient lances , si non en petit nombre. Ainsi les
GEORGE CHASTELLAIN
avoient-ils employés en valeur de leurs corps, et tellement que pour finale deffence, lorsque l'assault dernier les surprint , n'avoient pour la pluspart d’entre eulx que broches de fer pour eulx deffendre ; là où si gaillardement se portèrent encoires , que, non obstant aulcune perte de leurs gens, l'honneur ‘toutesvoies leur demoura de non estre vaincus ; et y receut le roy anglois plus de dommaige que eulx de confusion, car y morut d'un cop de canon le fils du seigneur de Cornouaille , ung bon jeusne chevalier, cousin germain du rey, qui moult fut plaint de luy et des princes de l'ost, sans aultres pluiseurs qui ne se nomment ici, et des quels il y eut grand trouble en l'ost. A cestuy assault furent faicts chevaliers Jehan de Guillot, savoyen, le bastard de Thian, homme de grand nom et estime , qui moult se portérent vailans. Mais comme armes ne povoient espoventer les enclos, encoires pour plus donner confusion à leurs assaillans, misrent ung aisne sur le bort des murs, et icellui battant et tempestant de cops pour le faire braire , le firent cryer et mugir par dérision du roy, cryans à ceulx de dehors :« Venez le secourir; » qui moult chier cousta depuis à tel y eust en la compaingnie , car en perdit la vie enfin pour sa ranchon.
