CHAPITRE XCIL

Comment les deux roysse rendirent de Paris à Senlis; du siége de Sainct-Valery ; la reddition de Compiengne, et l'ambassade faicte à messire Jacques de Harcourt.

Or approchoit le jour que les villes et places qui s’estoient composées par la reddicion de Meaulx se devoient mectre en la main du roy anglois, pour et au nom du roy des Francs.

Si partirent les deux roys à ceste cause de Paris avec les roynes ; et s’en allèrent à Senlis, en approchant lesdictes villes et places, entre lesquelles Gamaches estoit la plus prochaine et première. Si ordonna le roy angloiïs et commist icelle recevoir par le comte de Warw yc. Lequel y ala bien accompaisynié de gens d'armes, en nombre de trois mille combattans; et lui là venu, receut ladicte ville en sa main, pour et au nom des deux roys, et fit faire le serment à tous les inhabitans ensemble , et y commist garnison bonne et forteavecung capitaine anglois, nommé messire Falcon, chevalier de bon los. Laquelle chose ainsi faicte, tira oultre et print son chemin vers Saint-Valery, ville forte et bien garnie, que ceulx de la partie du daulphin tenoient ; et ne s’estoient voulu composer audict roy anglois, car ne s’estoient de ses menasses espovantés. Si envoya ledict comte de Warwycses courreurs devant, afin de leur donner effroy ; mais les dicts daulphinois, pourveus de couraige et de deffence fièrement, sortirent à l'encontre , et ne leur estoit gaires de leur survenir. Si estoient des saillans dehors environ cent hommes armés, montés et bien en point, qui non accomptans encoires à ce que véirent d'Anglois , devant eulx férirent dedens et leur portérent du dommaige assez grand, tuèrent aulcuns, prindrent prisonniers et en blessèrent grand nombre, combien aussi que de leur part il en y avoit de mal adoubés et de bien maladdes.

Or se perceut le comte anglois de l'orgueil des daulphinois, et que leur couraige se monstra fort à l'encontre des siens. Si se hasta à tout son ost le plus qu'il povoit; et de faict vint fièrement ruer à tout son grand flot sur les saillis , là où il y ot pluiseurs vaillances et haultesses de ceur monstrées à deux lez,

lances rompues, barrières assaillies et coppées. Mais tant estoit le flot des Anglois grand etnon soustenable à si peu de gens, que, constrains de force, ils se retirèrént de dens leur ville et se tirèrent sur les murs pour deffence plus nécessaire. Lors le comte anglois chevaucha avec son ost tout à l’entour pour aviser le logeis et le lieu plus propre pour mectre siège. Dont luy se logea dedens l'abbaye qui est dehors, et chacun après, qui mieulx qui mieulx, selon la convenableté du cas, en tentes et pavillons. Si commencèrent les assiégans à tempester durement les enclos et à leur donner travei! à tous lez par bombardes, canons et veuglaires, des quels ils leurs rompirent murailles et tours; et les assiégiés à l’aultre lez, pour monstrer couraige à leurs ennemis et affin de leur porter dommaige ce que pourroient , firent par fois des saillies; dont moult faisoient à priser, car y firent de belles et chevalereuses euvres beaucop, qui toutes toutesvoies ne prouflitèrent, pour cause de la force et multitude des aultres. Mais aussi, jà soit ce que véissent leurs ennemis puissamment estre logiés devant eulx, ne s'en tenoient étonnés ne perplex ; car du costé de la mer ils estoient en leur franc aller et venir, et povoient querre et mander secours et vivres là où ils vouloient. Si s’en avisèrent les Anglois, et perceurent bien’que en vain labouroient , si le passaige de la mer ne leur estoit clos, et que nuls vivres n'y peussent entrer et venir; car aultrement on y perdoit temps et ce que on y mectroit. Si envoya prestement le comte de Warwyc, par les ports de Normandie, quérir navigage puissamment garny aflin de leur clore la mer. Le quel venu deffendirent Île passaige aux enclos et y tindrent leur siège. Et lors se commencèrent à esbahir les assiégiés et à penser la fin, et tellement que au bout de trois sepmaines après ilschercèrenttraictié, et le firent avec ledict comte, par condicion que si, en dedens le quatrième de décembre, le duc de Thouraine daulphin ne se trouvoit fort pour les combatre, ils délivreroient la ville en sa main, pour et au nom des deux roys. Sien accepta l'offre ledict comte, parmy ce qu'ils baillassent bons et seurs ostaiges d'ainsi le

! paracomplir, et ainsi le firent. Et par ainsi

retourna ledict comte devers son roy. Lequel roy, comme il avoit envoyé le comte de Warwyc en l'exploit des besoingnes dessus dites , pareillement envoya et avoit envoyé le duc de Bethfort son frère, en puissant appertenir, pour recevoir de la main du seigneur de Gamaches la ville de Compiengne, la quelle ledict seigneur luy rendy, ainsi que l’avoit promis, le dix-huitième de juing ; et luy, ledict de Gamaches, chief et capitaine de la ville s’en party hors, environ à douze cens chevaulx, soubs le saulf conduit du roy anglois; et passant la rivière de Saine mena toute sa bende devers le daulphin son maistre. Si ne resta place depuis Paris jusques à Bouloingne-sur- Ja-mer qui en icelle saison ne fust rendue et reduite en la main du dict roy anglois, réservé tant seulement Guise et Crottoy, que tenoit messire Jacques de Harcourt, au quel le roy anglois envoya son ambassade, est à savoir l'évesque d'Amiens, son frère, l’évesque de Beauvais aussi et messire Hues de Launoy avec ung hérault, pour faire sommacion audict de Harcourt de rendre la ville et chasteau en la main des deux roys. Mais tant persévéra dur en sa querelle que tous y perdirent temps et langaiges; et n'y avoit moyen par lequel on le sceut rompre ni gaingnier ; et ainsi retournèérent sans besoimgner riens. Etleroy alorsquand onlui fit record que lediet de Harcourt se tenoit si fier et dur, et qu'entre tant de places réduites à luy par cremeur , lui seul se tenoit restif et obstiné, mal le print en gré et en dissimula à dur, combien que aultre chose n'en povait avoir.

Si lui print faim d'aller visiter la ville de Compiengne et d'en veoir la situation, pour ce que ville estoit de frontière et de grand fuaict pour guerre maintenir. Si y alla ledict roy ; mais tost après son venir, là lui vindrent nouvelles que aulcuns, par le moyen d'une femme, femme à l'armoyeur du roy, laquelle avoit apporté aulcunes lettres en Paris, avoient entreprins de prendre Paris et d'en bouter dehors les Anglois. Mais comme fortune , pour celle heure encoires, ne voult souffrir les Anglois en estre boutés dehors, ne François estre délivrés de leur servitude, ung prestre, par unp bien matin, soy allant esbattre en ung sien *ardin hors la ville, se perceut comment la

dicte femme parla en une vallée à ung troppeau de gens-d'armes, droitement au dessoubs dudict jardin; et maintenoient grandes et longues devises ensemble. Si commença ledict prebstre à prendre souspeçon en cecy, et imaginant ce qui en fut, hastivement retourna en la ville et dist aux gardes des portes : «Seigneurs, regardez bien devant vous; icy a sens-d'armes bien près en une va'ée, que j'ay veus et une femme parler à eulx. Certainement je me doubte qu'ils n'ayent entreprinse aucune sur ceste ville, et pourtant donnez vous en garde.» Si ne passa guaires que tantost ces parolles dictes, la femme ne retournast devers la ville, etla véirent revenir lesdictes gardes. Si la prindrent prestement et mirent la main en elle de par les roys; et menée jusques à la seignourie qui gouvernoit, fut mise en prison ,et, sans gaires la tourmenter par torture, confessa son cas, ses adhérens et la manière de l'entreprinse. Et comment toute ceste affaire se conduisoit fut annoncée au roy anglois, luy estant venu à Compiengne. Si ne fit gaires d'arrest en ladicte ville, ains luy estoit tout son cuer à Paris, pour apprendre de cestui cas , et pour pourveoir à telles entreprinses par justice des entreprenuns , ét pour rasseurer de sens et de conduite ceulx à qui il avoit commis la garde des habitans. Dont en eflect, luy venu à Paris avec tout ce quil avoit de gens d'armes, ladicte femme bien interroguée, la fit noyer, ensemble aulcuns autres qui estoient de la conspiracion. Et ce fait , etque au surplus il avoit pourveu à l’expédient d'ung tel cas, retourna arrière devers le roy son beau-père à Senlis, là où il l'avoit laissié , et lui conta les cas advenus, qui devoit plorer et douloir par aventure dont il faisoit joye : c'estoit que ses povres léaulx subjects convenoit estre justiciés et mis à mort par porter amour naturelle à leur prince et terroir, au contraire de leurs anciens ennemis, nulle part bien venus en la terre.