CHAPITRE XCIIT

Rencontre des daulphirais et des bourgoingnons Prinse de Sainct-Dizier.

Deuix nobles et gentils chevaliers de grand

nom , bourgoingnons , messire Anthoine de Vergy et messire Jehan, environ ce meismes temps, firent entreprinse sur la ville de Sainct- Dizier en Pertois, que les gens du daulphin tenoient ; et de faict prindrent la dicte ville sur eulx d'emblée, dont les daulphinois tous confus se retirèrent au chasteau pour y estre asseurs. Mais lesdicts seigneurs prestement y mirent le siège tout à l'environ , et les enclorent dedenssi estroict queung paige n’en feust sorti dehors sans dangier. Si fit Lahire son assemblée pour venir au secours des assiégiés. Et en effect, ung jour approchant près icelle ville , lesdicts seisneurs se mirent aux champs à l'encontre de luy et rencontrèrent en barbe. Là y eut un dur et fier chappleis entre les deux compaingnies, lances rompues, cspées et guisarmes mises en euvre, chevaulx tués, et corps abatus, blessés et tués d'ung parti et d'aultre. Dont toutesvoies enfin les Bourgoingnons prévalurent ; et tindrent le champ, lorsque les aultres se sauvèrent en desroy, et perdirent environ quarante de leurs gens morts; et prestement, ceste vicvoire obtenue, retournèrent à parachever leur siège devant ledict chastel , le quel après se rendy bientost.