CHAPITRE XI
Comment vindrent nouvelles à Sanct-Thiery de !a venue du duc d'York cuidant trouver le roy Charle ‘encoire en vie.
En ces intervalles et pendant le terme que le roy Loys estoit ainsi à Rains, à Saïnct-
Thieri et là en enthour, vindrent nouvelles en court moult estranges et dignes d'admiration pour cas de fortune. Car estoit vray que, pendant la très malheurée et confuse fortune qui longuement avoit courue sus au roy Henry d'Angleterre l'ydeot et aux siens , et que jà 1y et tous ses adhérens se trouvoient expuls, vaincus, deshiretés misérablement dudictroyalme d'Angleterre, le duc de Sombresset, chicf «le la partie du roy Henry cuidant recouvrer it amender sa fortune par la main du roy de France , comme oncle de la royne, et le quel tousjours avoit favourisié avecques elle à l'encontre des aultres comme Warwick et les siens, secrètement s'estoit mis en mer; et soubs sauf conduit d'ung chevalier baron d’Angleterre, obtenu du roy des Frans, le roy Charle, délibéré à venir en France descongneu, jusques à l'heure que temps seroit de soy faire congnoistre. Comme proposa ainsi le fist.
Et se mist en mer, non sachant rien encoire de la mort du roy Charle, mais espérant le trouver sain et en vie à son grand eur et profli. Car voirement estoit tout ce que Îy et son party avoient d'atente et d'espoir pour prévaloir une fois sur leur partie adverse, la quelle favourisoit le duc de Bourgoingne. Cr passa la mer cestui duc anglois, et vint prendre havre en la cerche d'eulx. Car n'osoit venir ne repairier en pays du duc de Bourgoingne, doubtant son empeschement , et le quel pa:
avant luy avoit refusé saulf conduit. Or vint arriver à eulx en la ville pour soy aisier ; et là congneu, fut aisé le plus qu'on povoit. Mais prestement envoyèrent devers le roy, à Rains, capitaines et officiers de la ville pour sçavoir quelle chose il en estoit bon de faire, notifliant au roy ce qu'il entendoit de son cas, et comment il estoit venu soubs sauf conduit d'ung chevalier, famtement, comme pour non estre congneu. Si en fut faict response devers le roy : « Que nul saûf conduit, soubs quel tiltre que soit faict, ne puelt interpréter prince, s’il n’y est nommé, ne homme de plus grand estat que cely sur qui il est causé; et sembleroit la chose aultrement faulse et abusatoire ; laquelle chose ne se doibt souffrir ne obsenver én un saulf conduit. »Si fut jugé ct ordonné que le duc de Sombresset demoureroit prisonier en la main du roy, et que la prise
GEORGE CHASTELLAIN
en estoit juste et léalle. Et ne debvoit aveir accès en ce royalme, sinon à son prief et péril. Et pourtant ceux qui le tenoient en bonne garde à eulx, ouyrent ces nouvelles ; et le firent prisonier du roy; et luy dirent ce qu'en avoient de charge, qui moult s'en trouva troublé ; et non sans cause, car véoit à tout la fortune luy contrairer, et toutes impugnatins doloureuses luy courir sus et livrer assault, meismes après avoir perdu pays, proppre héritage , parens et amys mors, son roy dechassié par force, et misère et povreté, estre vaincu en bataille deux fois, trois fois, et non avoir maison pour s'en retraire en tout le royaulme anglois si non sur mort; et maintenant lors, au seul refuge que sçavoit au monde sur quoy il se fioit, il s’estoit meu pour venir vers ly, et le trouva mort. Et lui sembloit bien que fortune luy estoit toute autrement felle et parverse, et que ce qu'elle avoit commenchié jusques à là, elle vouloit bien boutter oultre jusques à la fin, et le mener toute confuse. Et vrayement la causc y estoit bien ; et en estoit le cas fort desconfortable pour ung tel prince, qui estoit ung très grand seigneur et ung des beaulx josnes chevaliers qui fust au royaulme anglvis. De ceste prise et mal adventure fut durement troublé le comte de Charolois , lequel de tout son euer et povoir portoit et favourisoit à ce duc de Sombresset , et contraire encoires de son père qui peu l'aymoit; et bien y avoit cause, car de tout son povoir il avoit contendu, et de loing temps, à luy faire grief et playe à son honneur et en sa personne s'il eust peu ; et estoit le seul qui, joingt avecques la royne, conduisoit le faict du roy Henry en contraire de Warwyc , et lequel à l'enhort des Franchois, qui avoient entendement et conspiration secrette ensemble en contraire de ce duc de Bourgoingne, s’il eust peu et que fortune luy fuist tournée bonne, il eust procuré meschief et dommage à sa maison, et eust meu guerre à l'encontre de luy à l’ung des lez avecques les Anglois, et à l’aultre fuissent venus les Franchois ruer de leur costé aussi pour enthièrement le deffaire ; et ce à la cause du daulphin maintenant roy, lequel il tint en sa maison contre le gré du père. Si en estoit la conclusion prinse ainsi ; et n’y failloit
roais, fors que fortune eust envoyé le plus bel à la royne angloise et ad ce duc de Sombresset. Car alers infailliblement ils eussent mis à effect leurs propols. Mais en vain proposèrent , et fortune en disposa tout à rebours. Dont, posé le cas qui semble estre pitoyable en soy, comme de veoir uns roy couronné deboutté et expuls misérablement par ses meismes parens et par ses subgects et vassaulx , destitué de couronne , privé de seignourie, et dommagié, descongneu et dejecté des siens, comme non l'avoir oncques veu ne congneu ; touttesvoies, considérées les malices qui se forgeoient et traictoient soubs la main de la royne ne de ses adjoings, pour venir férir sur le duc de Bourgoingne sans tiltre et sans cause sinon de haynne voluntaire , il sembleroit que ce qui aultrement en est advenu a esté par jugement de Dieu , lequel a volu conserver che bon prinche bourgoingnon plain et enthier en foy, et véritable et preud'homme en twutes ses œuvres, et le quel , soubs la confidence que avoit en Dieu , congnoissant son cuer, ne craignoit malice d'homme sans bien s'en oser deffendre.
