CHAPITRE x

Comment le duc se party de Rains pour venir faire hommage au roy.

Je ne sçaroie que conter mais de ceste feste, que ne fut superflu et que sans escri pre se doibt et poelt ymaginer sans en faire narration ; car che que les vieilles ordonnances et royaulx statuts portent, ce se poelt trouver ès registres divers qui toujours s'entretiengnent et s'en vont d'un train ; et ce qui gist en francq arbitrage des hommes de faire honneurs et chérémonies et de monstrer pompes et jolivetés , ce se poelt et doibt passer au moins que l’on puelt de parolle, pour cause que le narrer est ennuyeux et que chascun puelt comprendre en soy que les vanités et pompes de ce monde sont sans fons et sans rive; à qui a povoir de les .monstrer. Parquoy et moy aussi je les trespasse soubs une glorification généralle : c'est que le duc de Bourgongne aveucques les siens fit lors ce que oncques en royalme

n'avoit esté montré jusques à ce jour, au

moins dont livre ne escript face mention; et si n'estoit-ce que en commenchement de besongne emprès ce que s’en ensieult après.

Le roy party dudict Rains, à basse vespre, le jour que avoit esté sacré, et s’en ralla à Sainct-Thiery, à giste. Le dimence et le lundi, le duc demoura à Rains en sejour ; et là festoya tout le sang royal, ses parens et nepveulx, en soy monstrant humain sur tous aultres ; et leur fist chière meilleure que n’avoient veu oncques. Mais le lundi après la messe , s'en alla audict Sainct-Thiery où estoit le roy, pour cause de y faire hommage ; car jà-soit ce que ne fuist pressé de le faire, lui de sa bonté , et d’ardeur qu’il avoit pour estre exemple à tous aultres et pour lui monstrer leal et ouvert cuer envers 1y, s'en

et vaincre et l’obligier envers 1y par tout bien faire, posé ores qu'il eust bien différé s’il eust volu son hommage et soubs belle couleur ; mais ne voult oncques, et ne pensa point que jamais il peust avoir remors en cueur de s’en estre hasté, ne que le roy se peust changier ne desvoyer de vraye amistié et recongnoissanche de touttes choses passées que honnoré l'avoit, et servi et assisté de toute léaulté et honneur, telle que père pourroit faire au fils , et fils au père, se meilleur non ; car il y avoit son cuer et son volloir et trop plus avant, se plus eust faict besoing.

Or s’en vint le duc de Bourgoingne à Sainct- Thiery, là où il arresta assez bonne espace premier que venist à faire son hommage. Et de faict, à chief de certain temps, le roy, accompaign'é de pluiseurs grans princes et prélus , et le duc pareillement accompaignié de son fils le comte de Charolois, du duc de Clèves, du comte de Nevers, d'Estampes , de ses nepveux de Bourbon, de messire Adolf de Clèves, de messire Jacques de Luxembourg , du seigneur de Croy et de ses enffans, du marescal de Bouryoingne et d'aultres grans barons en grand multitude , se trouvè rent ensemble en une salle, [à où, après les honneurs faictes avecques ung peu de devise, l'évesque de Tournay commencha à faire une proposition en latin, signifliant et donnant à entendre la cause de l’advènement de son maistre le duc de Bourgoingne ; la quelle il ouvry bien et sérieusement, et fina à l’honneur et au gré des oyans. Le roy sur ce appella aulcuns de son conseil pour faire response ; et fut donnée la commission de respondre au comte de Dunois, bastard d'Orliens, lequel respondy substantieusement et assez court.