CHAPITRE XXXV
Comment le seigneur de Croy procura au comte de
Sainct-Pol la benivolence de la grâce de son maistre.
Cestui mal-talent avoit duré par l'espasse
bien de dix ans entre le comte de Sainct-Pol
et le seigneur de Croy. Dont, à cause de l’estrif et d’aulcunes dépendances qui en naïs-
soient , le duc meismes avoit fort contre cuer ledict-de Sainct-Pol, et le héoit durement
pour cause de son orgoel envers Îÿ contre raison; comme autrefois lny avoit faict dire et remonstrer fellement à Nivelle, là où il vint à saulf-conduit devers luy aveucques aulcuns du parlement pour parer sa cause; et comme tout au loing a esté récitté en son lien, là où le temps l'a requis, en l’aultrelivre devant cestui. Or, maintenant, quand l'accord a esté fäict entre le seigneur de Croy et luy, et que ledict de Croy désiroit bien paréillement que bien peust estre aveucques son maistre le duc, ledict de Saïnct-Pol, pour tant plus noer et confermer leurs amours durables, certes ledict de Croy procura pour celluy de Sainct-Pol grâce et amour envers son maistre ; et luy feyst oublyer et laissier touttes vielles rancunes passées. et luy eslargir sa faveur, bonne chière et amiables devises, jusques en brief jour après baignier aveucques luy en une meisme cuve. Si en estoient joyeux beaucoup de geng de bien, quand virent que le duc l'avoit repris en grâce, et que ledict de Croy et luy estoient paciffyés ensemble et resjoings en amour ; car la question y avoit esté mal séant et n'avoit donnet guaires de fruict ne à l'ung ne à l’aultre , mais dommage beaucop et péril et desparement à Ha maison de Bourgongne, là où ledict de Sainct Pol, quand il y estoit, estoit ung bel parement de seigneur ct qui avoit pooir de servir et de faire grand faict ; car estoit puissant de terres et seignories plus que nul de France, reservé les royaulx et les prinches, estoit belle personne , fortetradde, moult à redoubter, avoif sens grand et aguë parolle et mondanité , comte abillement, grand sieulte des nobles, vaillant par oultre passe ; mais oncques en
touttes cèstes graces et haulx biens que Dieu luy donna, ne acquist ne grace ne faveur ne aultorité , ne montance en lieu où se trouvast oncques , ains reboutement et mesvolance.
Meismes et du roy, là où il s'estoit traict et alyé aveucques le comte du Maine pour soy grandir allencontre du duc , qui touttesvoies estoit son seigneur naturel et souverain ,oncques n'y trouva bien ne gouvernement ne entretenance , fors que avisement de parolles sans effect, pour le nourrir en vain espoir non declinant envers Bourgongne. Et par ainsi, non bien de Bourgongne et non fortiffié de France, vesquit longs ans neultre , sans sçavoir desquels il se voloit tenir; car craignoit l’une partie et l’aultre, et si sçavoit bien que de nulle des deux il n’estoit bien ferme, jà-soit ce que, quand se feust tout decliné envers France, si estoit il deffaict et destruict du costé de Bourgongne , comme qui avoit tout son bel desoubs le duc. Si furent aulcuns qui voloient scrutiner le faict de ce comte de Sainct-Pol et jugier les causes pourquoy aultrement ne se trouva advanchié nulle part, qui tant estoit bel'charlet , tant de hault et grand ostel, tant riche et puissant, et tant homme
de grand mise en tout, certes qui dirent que’
rien n'estoit cause de cechy que son péchié,
sonverainement orgoel et luxure, car il estoit orguilleux oultre bord et allencontre de ses meilleurs , et estoit le plus extrémement dissolu sur femmes par multitude que nul à paine son pareil. Et vouloit on dire que par ces deux cafes Dieu, le vouloit humilier etnon souffnr prospérer sy avant que sa personne valloit bien, se aultrement se feust conduite.
