CHAPITRE XXXVI

Des joustes que fist le comte de Charolois à Paris , luy sixiesme.

Le temps coulla tousjours avant; et avoit duré jà le séjour du roy en Paris près d'ung mris ou environ, que tousjours se debvoit faire unes joustes que le comte de Charolois avoit faict cryer Jluy sixyesmes qui de jour à aultre furent remises par l empeschement que leroy y mettoit. Fnablement vint le jour que furent

GEORGE CHASTELTAIN.

Anthoine, à double rens, là où de monde avoit tant que ce seroit dur à le nombrer et à le mettre par extime. Dont les hourds qui y estoient fais estoïent si plains de dames et de damoyselles que de mémoire d'homme n'’avoit esté veu tel assemblement en Paris. Là comparut en moult riche arroy le comte de Charolois lui sixiesme ; est assavoir : messire Ado!f de Clèves , le bastard de Bourgongne, mrssire Philippe de Crievecuer, le seigneur de Morcourt, tous d'une parure riche oultre mesure. Et s'y monstra moult bien ledict comte, car c'estoit l’ung des raddes jousteurs de son temps et des bien asséans son coulp. Mais entre les aultres liboura pour avoir prix messire Ado!f de Clèves, car où que fuist cely, sur rengs, armé et lance empoing, ne se trouva oncques en place que, s’il affectoit à avoir prix, qu'il ne l’emportast devant tous les aultres. Et disoit on de luy, qu’en bien huit vingt joustes qu'il avoit esté en son temps, il avoit emporté bien le prix de cent. De dehors vindrent bien jusques à trente heaulmes, chevaliers et escuyers de grand port et moult richement habillés et fort empoint trestous, les ungs de l'hostel du duc et aultres d’aultres lieux, comme neultres entre les deux. Messire Jehan de Loraine y estoit moult richement empoint ; et se travailla fort et y acquist grand bruict. Pareillement fist ung Savoyen nommé Franchois Royer. Pareillement fist le bastard de Bourgongne.