CHAPITRE LVIIL
Comment le roy commencha à faire moult de nouvelletés et commencha l’on à le congnoistre,
- Ce roy Loys pour ce temps chy se tenoit encoire en Touraine , là eù tousjours aveucques le temps et de jour en jour avisoit souldainement de maintes estrangetés; et de sa proppre teste embracha moult de choses à tous lez sur un colp, et desquelles aussi ne vnt ghaire de fruict ne d'effect ; sinon que à luy meismes donna pame et à aultrui admiration sans plus de ses moddes. Envoya ambassades dehors subittement , conclut manaches , à tel fut, en manières d'ndignation, mist sus des nouvelletés voluntaires, aulcunes mal aggréables et de povre espoir ,aultres préjudiciables à homme de tous estas, fist desmariages et alliances telles qu'il les songea , et dejosnesenffans sy. bien que des vieux. Il donna sa fille néc à Genappes, au fils dufduc de Calabre héritier de Loraine , et fist le mariage du second fils de Bourbon, nepveu au duc de Bourgoingne, à la fille du duc d'Orliens, aultre niepce du dict duc venue de deux sœurs. Monstra moult de s?s meurs che nouveau roy à son premier régner, et donna à congnoistre que, ce que par longs ans avant la mort de son père il avoit esté crému de pluiseurs qu'il ne venist à régner, ce n'ostoit pas sans cause; car dès le temps de la Praguerie, là où ses meurs
commenchoient à estre congneus en leur bourgeon, y perchupt on ce que on y trouva depuis , jà-soit que longuement l’avoit bien sceu discimuler : c'estoit de plus faire et user de proppre que par conseil, et plus par volunté que par raison. Qui mal siet à ung prince, non pas tant seullement à ung roi le souverain du monde, mais à ung noble homme le plus povre de la terre, avoit encore tout son estat tout tel que solloit mener à Genappes; et ne les changea de long temps après. Menoit povre despense. A peu de gens, synon à ses mignons, il presta large main; mais à moult il recoppa et rethira devers ly la libéralité du père. Il diminua les estas en sa maison ; et les vestemens de soye, et les pompes des nobles hommes ik condempna par deffenses ; les trésors du royalme fist tout tourner devers ly. Et là où les fruis solloient aller en diverses mains qui en vivoient , grand part en print devers ly, par signe et apparence de convoitise. Il voult visiter les marches et confins de son royalme, avoir congnoissance de tout et de tous; et pour ce faire se party de Tours lui sixiesme, là où il fist cryer à son de trompe : que nul, sus paine de mort, ne s'avanchast de le sieuvir. Et estoient ly et ses compaignons abilliés de gros drap gris, rudement , en manière de pélerin; avoient chascun une grosse rude patrenostre pendue au col, qui estoit de bois.Et delaissant son chemin vers Poitiers, alla visitter toutte Guienne, tout Bourdelois et touttes les marches et contrées comprises dedens. Et jà-soit ce que la fame courust qu'il allast ainsi seul, tousjours le costioit à ung logis près la garde de son corps, qui estoient environ six vingt hommes combatans. Sy n'y avoit homme en son royalme, nourry ne appelé de ceste compaignie , qui oncques le sievist. Si passa une saison en ceste visitation faire, qui estoit estrange à un;r te! roy, mais certes, en qualité aulcune, digne de los, par ce qu'elle mouvoit de vertu et de vaillant esperit, et qui povoit rendre fruict si la poursieulte et les dépendances eussent esté touttes de meismes. Car certainement plus actif engin ne plus esprit soubtil n’avoit eu longuement par avant en France que cestui, ne mieulx recueillant en ly touttes choses par une légière conception. Mais le
CHRONIQUE DES DUCS DE BOURGOGNE. —I" PART
volloir ouvrer et faire de sa teste, et présumer de son proppre sens devant aultrui conseil, lui fist donnér des nottes en couvertes bouches, firent engendrer froidures en coeurs de ses subgects envers 1y, et acquérir renommée non convegnable à son estat, et peu d'amour et de grâce de son peuple qui se trouvoit pis qu'aveucques son père, jà soit-il que le coeur de ly estoit noble et son engin soubtil par merveilles. Mès la multitude de son embrassier lui fist peu estraindre en la multiformité de son astivement conclure, et lui fist faire souvent chose estrange. Dont, par ce qu'en sa coulpe avoit du los et du blasme , les mille qui y debvoient estre participans s'en povoicnt parer de la coulpe.
