CHAPITRE LIX
Comment le roy cuida estre prins allant veoir La acttuation de Bordeaux par les Anglois.
Ce roy doncques chy, lui estant à Bourdeaux, et ainsi que ses movemens estoient souldains , ung jour délibéra d'aller soubs la rivière au dehors de la ville, tant pour aprendre de la nature du lieu comme pour veoir la scituation de la ville par dehors. Si se mist en ung petit battelet, luy chinquysme ou sixysme; et s'en alla nagant à remmes sur la Gironde bien avant, et tellement que percheu feut d’une aultre navire adventureuse qui quéroit proie ; car estoient Anglois.Simisrent tref au vent, et raddement commenchèrent à thirer sur ly, tendant à lui copper la rivière et de lui deffendre le rentrer. Si sen perchupt le roy; et voyant le grand péril où il estoit et l’aigre poursuite des aultres, cuida recouvrer l ville à force de remmes. Mais voyant che lui estre impossible, voult son adventure ainsi que sur la dicte Gironde, au bord de la rivière, en plusieurs lieu, y à infinité de roseaux; et À où l'eauve est basse y entre-on par fois par crettes et par petits battelets, où aultres grosnavires ne peuvent approchier. Si se boutta le roy dedens ces roseaux et s’y sauva, qui avoit la main de ses ennemis si prochaine que pour lavoir suisy au col, se là ne se feust retraict à la
La
bonne heure; et 1eque: oncques telle peur ne passa , dont meismes avoit esté cause. Quand doncques Anglois veyrent celle proye es-.
chappée et que l’approchier n’y estoit possible, tournèrent vers la haulte mer, de peur de estre poursieuvy meismes, car avoient esté percheus, et doubtoient, et povoient bien estre congneus des ennemis. Mais point ne m'a esté chose certaine ne certifiée , que lesdicts Anglois sceussent que ce feust le roy ne qu'il fuist en ce battelet ; car s'ainsi estoit, c’estoit bien empris à eulx, et à l’aultre follement besongnié de soy mettre en tel péril; mais plus est vraissemblable que ce n'estoit que cas d'aventure, considéré qu'en tomte Guiennc n’avoit port où Angloisse feussent osé trouver, synon sur les périls et fortunes de guerre et robberye, et en pillage. Et par ainsi nullement povoit estre ceste chose accusée ne nonchiée aux dicts Anglois pour faire emprise dessus, quand la chose meismes fut faicte en soubdaineté , au desceu de chascun.
CHAPIYRE Lx,
Comment Venecyens vindrent en ambassade devers le roy Loÿs.
Après ceste visitation faicte en Guienne, le roy retourna arrière à Tours. Là vindrent vers ly les nations d'Italie, Venécyens , Gennois, Florentins. Et fist deux chevaliers de Ja nation de Venise à grand mistère venir ; et leur fist honneur et grand chière; et eulx pareillement se offrirent prompts à tousjours, et prests de le servir et obeyr comme le souverain roy du monde et le plus à doubter, et comme bien sçavoient démenstrer les causes et les circonstances. Vindrent aussi ceulx de l'université de Paris devers ly en ceste ville de Tours.Et pour ce que l'évesque d'Arras, en puissanche de légat, avoit obtenu du roy que la pragmaticque sanxion retourneroit au siège apostolicque, dont nostre sainct père en vétribution lui envoya le chappeau, et que ladicte pragmaticque sanxion longuement tenue par le roy mort tournoit en grand détriment de l'université quand elle estoit ostée, vindrent devers ly supplier, qu'en faveur de sa fille anchienne et laquelle il avoit jurée à
GEORGE CHASTELLAIN
garder et à multiplier , lui pleust escripre audict nostre sainct père pour elle , afin de l'avoir en sa grâce et en sa benne recommendation ; car sans ce moult se sentiroit, ce disoient , affoiblie et diminuée en ses prérogatives, aveucques moult d'aultres choses les quellesrenconstrèrentauroy.Ettouttesvoyes, sans. prendre delay ne conseil d'emprunct, respondy, disant : « Comment déa! vous avez joué de moy et du légat de nostre sainct père, qui est plus grand chose que moy; et me venez requérir que j'escripve pour vous ! Par la Pasque-Dieu saincte! Je n'en feray riens. Vous estes meschans gens et de malvaise vie, et avez ves grosses grasses ribauldes que vous nourrissiez emprès vous. AHez vous en, car vous ne vallez point que je me mesle de vous. » Et à tant se tourna d'envers eulx et les laissa cenfus. Et auttre response n'en peulrent traire, et s'en aHérent.
