CHAPITRE LXIII
Comment le roy envoya en divers lieux de ses ambassadeurs ; et comment le duc de Milan lui envoya ambassades.
Le roy en ce temps ychy avoit régné environ syx mois. Dont, dès le premier jour qu'oncques prist couronne, ne cessa en teste de subtiller et mettre nouvelletés, comme se toutte la terre deust cheoir en sa disposition. Et tant en embrassa à son premier entrer en règne, que à paine à ung très prudent: et puis sant roy longuement régnant estoit possible d'en traire bonne yssue : comme de Paris sy tost que se sentit couronné, envoya à touttes les nations d’ltalie ; aux ungs mander amitié, aux aultres manasche ; et quéroit, ce sembloit, à donner à congnoistre à chascun comment estoit entré en rêgne nouveau roy, et que toutte nation chrestienne pour tant s’en devoit sentir en une manière ou en aultre, comme bien vray est. Mais tels cas se doibvent faire à poix et à mesure ct en temps et en lieu Et comme du temps que solloit demorer en
estoit daulphin, ses gens solloïent avoir communication et hantise aveucques le comte Franchisque duc de Milan et aveucques ses gens, etque, ad cause de celle communication, il s'engendra une amisüé envers ledict de Milan, et luy portoit le daulphin faveur, yce!lui de Milan maintenant voyant son voisin du temps passé estre devenu roy, délibéra de l'envoyer conjoyr en son nouvel règne et de luy offrir honneur et service de son povuir.
Et en effect mist sus une haulte et noble ambassade des barons de son pays, et ycelle envoya à Tours. De laquelle quand le roy en
! fut adverty, envoya audevant sa chevallerie
aveucques plusieurs prinches de son sang, et les fist solennellement recepvoir à Tours, et par plus grande cérémonie qu'il se duisoit, che disoit-on lors. Mais à penser faict que ce faisoit-il pour tant mieulx venir à aulcune fin où il tendoit, comme, s’il le povoit gaignier sien, le remannant d'Italie par ce moyen ploie. roit devant ly. Si leur fist le roy grand chière ; et les festoya et conjoyt ; et enquist moult de l'estat de leur duc, qui pour ce temps là estoit mallade et avoit langui une espasse. Le seigneur de Chimay, nommé messire Jehan de Croy, en estoit venu tout freschement aussi, et estouit meismes à Tours à l'heure quand ceste ambassade y arriva, et lequel avoit laissé le duc de Milan mallade. Ycellui de Croy tendoit fort à retourner vers son maistre le duc, lequel dès le partement de Paris l’avoit envoyé vers le duc de Milan pour avoir passage et conduite en ses terres el parmy ses scignories en l'emprise de son voyage. Et lequel s’estoit oflert en tout eu duc de Bourgoingne touchant cechy et plus grand chose; car lui présentoit corps, et biens et pays et seignories, et tout ce qu'avoit au monde, jusques à femmes et enfans , et de le servir meismes et accompaignier en son voyage, se à Dieu plaisoit que recouvrer peust sa santé. Et si désiroit moult à retouruer ledict Croy devers lequel, du gré et congié du roy. Si party de Tours et vint à Bruxelles, là où trouva une aultre ambassade du duc de Milan, chargée sur la matière que ledict Croy avoit esté devers 1y.
Si fist le duc haultement recepvoir et festoyer les Milannois , tant pour l'exposement :
de. leur charge qui estoit agréable , comme !
pour ce que ledict duc de Milan leur maistre l'avoit déservy en maintes manières envers!ly, par ses gens, princheset barons passans par ses pays, aux quels avoit faict honneur et chières les non pareilles de la terre ; si désiroit bien le duc de Bourgoingne rendre tel pour tel, et de recongnoistre d'où estoit meu le benefice premier de francq noble coraige. Mais comme Milannois de leur costé sçavoient leur maistre avoir longuement langui et que cela leur estoit matière de mélancolie et d'avoir le cuer pensant en arrière, encoire leur vint matière de tristour plus grande; car vindrent nouvelles que leur prinche , le duc de Milan, estoit mort. Dont leur annuy s’accrut au double, jà soit ce que n'en feust rien; car vesqui longuement depuis et régna fort et puissant, comme il apparra par les comptes qui s'en feront et qui seront dicts, meismes de nostre matière.
