CHAPITRE LXIWV
Comment en ycelle meisme heure que le duc plaignoit la mort du duc de Milan , lui survint maladie.
Ceste maladie du duc de Milan desplaisoit fort au duc de Beurgoingne, et plus encoires quand les nouvelies couroïent de sa mort, car l’avoit cueilly en amour pour cause de ses vertus et des haulx comptes qu'il en avoit oy. Mais comme proppre mal touche de pus près que d'aultruy, vint lors subittement que tout sur ung lenant, que ce duc meismes qui aultrui avoit plaint, vint cheyr en ycely destroit où se desvonfortoit soy meismes; car sur le commenchement de fébvrier devint si mallade et à cop qu’à paines estoit espoir jamais de son ressouldre. Si en vint la marison en court et la tristour si desmesurée qu'oncques telle jusques à ce jour n’y avoit esté veue ne ouye.
CHAPITRE LXWY.
Comment le roy d'Angleterre fist faire processions et éermons pour faire déprécation pour le dict duc malade,
La nouvelle de ceste maladie et du péril
CHRONIQUE DES DUCS DE BOURGOGNE. — I" PART
en quel gisoit le prince s'espandy en diverses régions par les marchans de Bruges, qui ce segnifièrent en Angleterre et en Espagne.
Dont ceulx de Londres, meismes le roy Édouart, en firent processions généralles, sermons et dévottes solemnités, là où communes pryères furent enjoinctes à tout l’universel peuple pour ce prince , comme cely du monde à qui le royalme d'Angleterre estoit plus tenu, che fut dict lors, et de qui dépendoit le salut et toutte la tranquillité d'icellui. Laquelle chose samble estre estrange, entre touttes aultres choses advenues, que les ennemis naturels de la couronne franchoise prient et fachent processions en leur souveraine cité pour le plus vray amy d'icelle, car oncques cas semblable n'est advenu jusques ad ce jour. Par quoy il convient dire, ou que l'émouvement en est venu de Dieu qui ainsy l'a volu, ou son eur terrien a esté plus grant et plus merveillable que de aul aultre.
Pareillement en Paris, le hault glorieux trosne de France, et là où, du temps du roy Charles defunct, on n’eust osé nommer le nom de ly qu'à dangier, là se firent admirables clameurs et pryères pour |y, aussi processions généralles , cessations de labeur, sermons publicques, solempnelles messes , èsquelles tout le peuple fut exhorté de fure ses pryères à Dieu, pour le salut du royalme ct pour le vray pilier et sousteneur de l'honneur de la couronne de France. Et tant y monstrèrent ardeur et affection que , pour leur proppre roy, tant peust estre aymé, ne eussent peu faire plus. Che sont doncques deux cas admirables ychy et non oys oncques paravant, comme de deulx diverses’ royalmes ennemis l'ung à l'aultre porter ceste dilection à ung tierch, dont de tous les deulx il avoit esté hay; mais ainsi scet Dieu muer les cuers des hommes, et tourner là où il luy plaist, et après baynne portée contre deserte, faire monstrer dilection débitoire après bonté congneue. Si n’est pas seullement merveille de ces deulx royalmes envers lesquels ce prinche ycy avoit déservi qu on en priast, mais ce qu'il faut à amirer sur tout, c'est des Liépois qui l'avoient hay de mort. Ceulx là en leur cité souveraine en firent processions comme les aultres, et en firent svlempnelles
pryères et dévotions, comme tous meus à dolleur de sa perte. Dont pour ce que l'interprétation y povoit estre doubteuse, comme aulcun; leur demandèrent dont ce leur mouvoit , ils respondirent : que constraincte leur estoit d'avoir tousjours voysin et voysins, et que nourtant , tant que ce prince, ou aultre après Ly, tiendroit les seignories touttes ensemble comme cestui les tenoit, il leur estoit nécessaire de unité avecque ly et de temporisier.
Dont, pour ce qu'ils congnoissoient cestui en sa haulte conduitte et sens, et avoient lonshement vescu emprès, ils prioient Dieu que longuement le leur gardast, car cstoient plus asseurs de ce que congnoissoient , que de ce qui estoit à venir. Et jà-soit-il, ce dirent encore, que murmure eussent maintenu pluiseurs fois et questions contre |y, en apparence de débat, touttesvoies sentoient que son sens et sa gratuité leur avoient esté prouftitables à eulx meismes plus que leur mérir; et tousjours les avoit traictiés en justice; en quoy certes, et seloncq le jugement qu'il s'en puelt traire , ils lui donnèrent ung très cler tiltre, età eulx proppre, qui leur cas reconsnoissoient, une lovense de chose bien faite. |
