CHAPITRE LXVIIE

De la mort du chancelier Rolin et des ordonnances qu'il fist.

Ung peu devant que le duc de Bourgoingne devint ainsi malade, morut aussi au mois de janvier mil quatre cent et soixante et un (1), messire Nicolas Rolin, chevalier, le riche chancelier de Bourgoingne, qui tant avoit esté renommé sage qu’en Franche on ne sçavoit son pareil, ne qui oncques s'y feust faict si grand ne de si hault règne ; car ailleurs en maint lieux et en haultes très difficilles matières est apparu assez quelle chose c'estoit de 1y. Or advint que le duc gisant malade en son lit avoit esté le vent ung peu de ceste mort; et l'avoit faint aulcun temps comme se rien n'en sceut. Sy demanda à l'évesque de Tournay, qui l'estoit venu veoir, quelle chose il en estoit, s'il estoit vray ou non que son chancelier fuist mort. Et l'évesque de Tournay respondy : « Monseisneur , qui vous poelt mouvoir à chela demander ? Et voirement , il est bien mort, car il est viel et cassé, et ne puell ghaires plus vivre. — Deà! ce dist le duc alors, je ne demande pas cela, je demande s'il est mort et tres-

. passé. — Hà! monseigneur, ebe dist l'é-

vesque, il n'est point mort, mais il a perdu ung lez, parquoy il vault que mort.—Vechy merveilles ! che dict le duc alors tout argué, dictes- moy à bon escient s’il est mort. »

Alors l'évesque deubtant son argu et voyant que sçavoir le volloit, lui dist plainement : « Oy, vrayment, monseigneur, il est mort voirement. » Et alors le duc thirant ses bras de desoubs la couverture, joingnit ses mains; et jettant les yeulx au ciel, dist: « Or je prie à Dieu, mon créateur et le sien, qu'il lui voelle pardonner ses faultes. » Et le dit d'une si grande charité que tous ceulx d’'emprès ly y prindrent ung noble exemple.

Che chancelier icy requist à son trespui:

que trois jours et trois nuits entiers on ::: souflrist sur terre sans ensepvelir, en pulicque veue du monde. Si fut ainsi faict; et après l'esprit rendu , il fut revestu de che-

(4) 1462 nouveau style.

mise blanche , de riche pourpoint , de chausses, de nouveaux soliers , d'une robe de velour, l'espée chainte au costé et la daghue de l'aultre, les esporons dorés aux pieds, le chapperon en gorge et le chappeau en teste, atout une enseigne d'or au front du chappeau. Et en cest estat le vindrent veoir tous ceulx qui volloient; et disent aulcuns lors, que en cest estat fut mis en terre dedens sa tombe. Che chancelier morut très aviséement et en bon sens et parolle jusques à bien près de l'expiration; et avoit d'emprès 1y sou fils le cardinal d'Othun , qui lui donna toutte absolution de paine et de coulpe, telle que le pappe ; et l'assista de la foy vaillamment jusques au dervenier article du passage , là où Le laissa en la main de Dieu son père, lequel en fist son plaisir et sa miséricorde; et ainsi en soit il et de nous tous! Et souverainement

et pour sa dernière parolle, il recommanda à.

ges enffans deux choses : l’une si estoit le scel de son maistre et prinche le duc de Bourgoingne , lequel par tant et si loings ans avoit gardé et purté en grand gloire et crédence ; et vouloit que ycellui lui fuist renvoyé et restitué par main si seure et si certaine que uul blasme ne lui en demorast après sa mort.

Dont pour ce meulx faire, il manda tout le collége de la grande église d'Othun à venir devant ly, et là fist mettre devant eulx le scel dessus dit en deux ou trois doubles custudes , et sceller ycelles par dehors de ceulx du chappitre, et prendre acte de ceulx et lettres : testificatoires, comment il avoit restitué en la main du cardinal ; et crdonna de le renvoyer sain et sauf, et par si seure main et si certaine qu'il peut retourner el venir à celly où il appartenoit, le duc de Bourgoingne. Laquelle chose fut faicte et si bien entretenue que la gloire lui en est non oubliable, et l'acquit deuement acomply et parfaict ; car fut renvoyé bien à chincquante chevaulx, et à main forte, de peur des aventures. L'autre requeste et la dernière sy fut: que les églises et fondations que avoit faictes en l'honneur de Dieu, fussent entretenues en estat et à grande sollicitude. Et à tant fina parlant ,en sa maison d'Authunne en Bourgoingne , l'an 4464 , le dixiesme jour de febvrier; aveucque Dieu puist-il vivre! Mais à

GEORGE CHASTELLAIN. d

doubter faict que le duc y preist aulcun présagissement d'aller après ; aussi comme à grands hommes il eschiet aulcunes fois de grands signes devant leur mort, tant en leur hostel comme ailleurs ; et par César et par aultres est apparu assez, par le record des hys-

toires. Aussi, en cestui temps chy que le duc

gisoit en cest estat, s'apparut une commette,

droict sur le froncq de sa chambre , laquelle estoit tant clère et tant reluisante que c'estoit une beaulté ; mais ne re:doit nulle queue ne çà re là, fors tant seullement ung brandon cler, laquelle elle boutoit dehors trop plus que commun usaige d’aultres estoilles ; et estoit de couleur de Venus quand elle est en son exaltation, mais trop plus grande que les deux. Se monstroit vers dix et onze heures de nuict et duroit deux heures sur terre. Dont au bout de quinze jours ou de douze elle s'esvanuyt.

A Gand pareillement, et tout en ce meisme temps, Sainct-Bertoul avoit faict son faict et son bruict dedens sa tombe, si très horriblement fort et par diverses longues fois, et si hors de toutte coustume , que tout le monde s'en espoventoit; et en trambloit l'église de Sainct - Pierre, comme de mouvement de terre. Si en furent faictes pocessions généralles, les plus grandes qui oncques se firent en Gand; car ne sçavoil-on que penser ne quelle interprétation en faire., car sambloit que la ville deust fondre , tant estoient ses coulps horribles à oyr.