CHAPITRE LX VII

Comment le dac Phelippe se remist sur pieds et da regret qu’il avoit de la mort du chancellier Roliu.

Par aultres pluiseurs fois jadis et paravant cestes avoit esté malade grielvement ce duc de Bourgoingne , et soubdainement surpris, mais oncques, fors à ceste heure, n'y avoit esté mise |1 paouf comme à présent, pour ce que luy meisme là y mist. Et à dur et le plus envis du monde se souffroit aydier des médechins ; car ne vouloit prendre nulle riens convegnable à soy ; et y convenoit ouvrer de personnayres et de pryêres, toultes estranges à conter. Et là où une fois à son fils , lui suppliant en genoulx, respondy : «Je prengs ce que je puis, et ce queje ne puis je le laisse. » Sy en furent les médechins meismes tout perplex, car le véoient de grand éayre mis durement à bas et en accident de grand péril, à où nul, fors Dieu, ne povoit ouvrer plus par miracle que par nature. Dont, ou!tre la peur

que avoient, pregnoient pitié aussi de son marure en quel il cuidoit passer oultre. Et fut piteuse chose à oyr les regrès que faisoit à Dieu de sa vie passée, des faultes et vices de son corps et du souillement de son âme que Dieu avoit créée tant noble, et que maintenant lui convenoit rendre aveucque si peu de mérites. Si

invocqua continuellement la saïncte trinité

par espargne , la glorieuse vierge Marie pour son advocate; et desprisant [a charongne du corps pecheresse , requist pugnition d'icellui en terre bien dure, pour espoir de salut; et atiainct de contrition parfonde, plora habondament; et à prime les astans prirent signe et espoir de garison, comme meismes les naturiens le disent ainsi : que mallade riant meurt, et le plorant gharist. Fist touttesvoyes ses ordonnances très avisécment , fut confés et repentans comme vray léal chrestien, prist son créateur en dévotion et grande révérence. Et en celli estat aveucque le souverain mire, s'aventurérent les médechins d'y adjouster mains; et tellement y labourèrent que Île ramenèrent hors de fièvre, hors du péril estroit, et en espoir et promesse , aveucque la miséricorde de Dieu, de ressouldre. Et là où aulcunes fois le seisneur de Croy et aulcuves fois les aultres ses prochains lui disoient » : Ha, monseigneur ; faictes bonne chierre, donnez-vous bon coraige et bon espoir ; vous avez tant de millions d hommes et de dévotes créatures qui prient pour vous, que impossible est à paines que Dieu ne vous ayde à leurs pryères. » Lors et sur quoy il respondyt : « Hellas ! et se mon alléement et la grâce que Dieu me faict, ne me venoit de eulx, dont me venroit-elle doncques? Se mon bon peuple m'ayme, c'est de son bien, non de mon mérir, car je l'ay durement traictié et mal gouverné, ce poyse moy; se je reviens à moy , jen feray mieulx. Toutesvoyes je proteste devant Dieu , qu'oncques ne le travillay qu’il ne m'ayt esté nécessité évidente , et que je ne l'av faict pour le meilleur. »

CHRONIQUE DES DUCS DE BOURGOGNE. —I" PART