CHAPITRE LXX
De la mort dg madame la comtesse de Sainct-Pol.
Conséquemment au mois de mars morut damme de Bar, comtesse de Sainct-Pol et femme à Loys de Luxembourg, comte de Sainct-Pol, de qui devant et après est faicte mention mainte. Ceste damme estvit moult
grande terrienne , de par soy, tant en Flandres comme en Picardie ; et à celle cause, par le trespas d'elle, ledict comte son mary perdy le plus bel de son possès; car avoit des enffans jà venus en éage d'homme qui vouldrent avoir ce qui leur estoit escheu de leur mère et non le souffrir désormais en la main de leur père, qui les avoit tenus à l’estroit jusques à là. Parquoy quand le comte se vit en celly dangier, comme de perdre et habandonner la moittié du sien, et ses enffans devenir en righeur telle contre ly, meut ung grand estrif entre le père et les enffans, et une controversie toutte formée pour estre possesseur, tellement que roy et duc, et moult d’aultres grands prinches et barons, en furent embesoignés depuis pour en faire appointement, qui point ne se trouva sitost. Au boult de deux ans touttesvoies se concordérent ; el se tint chascun à content du moyen qui y estoit mis ; duquel point je le laisse jusques au lieu que ailleurs la matière du temps le ramenra à mémoire pour plus grand cause.
Envers che temps vindrent nouvelles des marches d'Occident que le viellart soubdan , qui aultresfois avoit escript au roy Charles par Jacques Cuer et ses gens, et envoyé pluiseurs présens de baulme et aultres choses, estoit allé de vie à trespas, et que ung mammelu s'estoit eslevé en soubdan contre ung aultre à mervilleuse et dure effusion de sang, et prévalut et obtint lieu contre cely sur qui commune oppinion couroit que deust régner, et qui avoit esté le plus hault en auctorité emprès le mort ; mais comme ne suis ne ne puis estre capable de tant de matières, et que mes yeulx ne puis ruer partout, là où la grande distance et loingtaineté entre deux ensemble et le sobre record des choses me cause ygnorance, me convient doncques déporter lésièrement de cestui soubdan et d'aultres cas pluiseurs, pour la cause alléghuée, et me rendre aux matières qui ont esté près de moy, et desquelles j'ay eu le vent, comme touchant le faict de ce royaulme et du roy Loys venu eu règne et du duc de Bourgoingne Phelippe. Cestui doncques est nostre matière.
Et lesquels roy et duc comprendent aveuc- ;
que eulx le faict d'Angleterre , et les deux
GEORGE CHASTELLAIN
parties gist une comunication d'affaires cottidiens, dont l'ung prend dépendence de l’aultre; comme maintenant le roy Loys, vers la fin de cest an soixante et un, envoya le seirreur de la Barde en Angleterre, à intention de procurer paix entrele roy Edouartet le roy Henry, dont l'ung régnoit comme avez oy, et l'autre, qui estoit cousin germain du roy Loys, estoit expuls et en déclin. Si désiroit à mettre cesse en leur guerre, tant par faveur envers son sang , que aflin que tout enthièrement ne succombast en expulsion, comme aussi que le roy Edouart, qui estoit en règne, recheust de lui amistié, dont après se sentiruit tenu de le recongnoistre. Mais en ycellui propos le roy Loys ne proflita riens, ne ledict de lx Barde de par ly. Ycellui de la Barde de par son maistre requist d'avoir journée assise pour disputer de la difficulté qui estoit entre ces deux roys et pour mettre ycelle en une union et concorde , qui polroit, et à laquelle ledict roy Loys son maistre vouloit, che disoit.il, labourer de bon cuer affin de vcelle union obtenir, et que comme jà le temps et les affai res du monde demandoient aprester enten-dement ailleurs, lui ledict roy Loys, ensemble les roys d'Angleterre, se peussent disposer au service de Dieu encontre les Infidèles , et en quoy ly et'tous roys chrestiens estoient tenus. Mais ledict de la Barde, qui trouva petle apprestance ad ce que quéroit, et le cas mal possible à conduire pour venir 4 union , après avoir faict loing séjour en Angleterre se partit sans grand exploit; et retenant ce qu'avoit veu et oy, relourna vers son maistre qui son propos depuis de quise paix mua en gherre et en ennemisté publique.
