CHAPITRE LXXI

Comment le roy deffendy que nul de son royaulme ne prist plus sel aux salines de Bourgoingne.

Comme j'ay dict ailleurs et souvent , et encore me trouveray constrainct de dire, ce roy Loys à tout lez de son royaulme et à touttes les circenférences ne cessoit de soubtiller nouvellités, huy d'une, demain d'une aultre , et tout, sembloit, volloit embra-

. chier à ung colp. Comme pluisieurs diverses roys qui y sont, sous cause que entre lestrois :

parties chà et là ymaginées amoncheloit en-

‘semble , vint à prendre regard sur les salines de Bourgoingne , desquelles multitude de terres de son royaulme, confine; dudict pays, se soustentoient et nourissoient en faict de sel ,et en grand préjudice, ce lu’ sembloit, de sa haulteur et de son proffit, entendu que partoat son royaulme, tant qu'il duroit, il avoit les greniers du sel siens, et s'en dispensoit le sel à son proffit. Parquoy, lui voyant maintenant que le sel de Bourgoingne rompoit en touttes les marches à l’environ ses dits greniers, et que son sel n'y ‘avoit cours ne vendaige, délibera à mettre et imposer deffense aux Bourguignons de non plus avanchier leur sel à leurs voisins, et à les contraindre, comme meismes estoient ceux du royalme, que debvroientuser de là en avant du sel de ses greniers , aussi entre eulx comme ailleurs. Laquelle chose, qui estoit cas de nouvellité très grande, comme il l'apensa , il mist à effect; et de faict envoya en Bourgoingne authentiquement signiffier ceste chose et réalment ; et de faict, faire exprès deffense que le sel du pays n'eust plus point de vuidance ès mettes de son royaulme ; dont multitude touttesvoies anchiennement se nourrissent et gouvernent. Quand doncques Bourgoingnons virent et ouyrent ce, et les plaintes de divers lieux et de Bonnes villes, recepveurs et aultres qui avoient le domame du duc entre mains, qui se sentoient durement grevés en cecy, et souverainement les officiers du prince , vindrent à Digon au président de Bourgoingne et à ceulx’ de la chambre des comptes pour prendre advis sur che cas ; et en deffendant l'anchien héritage des prinches du pays, ensemble l'honneur et le droit de chascune privée personne , demandèrent conseil sur ce que en seroit à faire. Si fut conclut lors , que prestement on envoyeroit signifier au duc le cas de nouvellité faict en son pays, et duquel sa seignorie et meismes tous ses subgets recepvoient playe irréparable à jamais, se chela y avoit cours ; et pour tant on lui prioit de y pourveoir par manière convegnable. Laquelle chose, comme avoit esté conclutte, fu faicte et mise à effect ; et vint-on à Bruxelles, atout la coppie du mandement royal, remonstrer ce qui avoit esté faict et exploitié au pays, et où et comment , et sur qui et sur quoy.

CHRONIQUE DES DUCS DE BOURGOGNE. — I" PART