CHAPITRE PREMIER

Comment Jehan Toustain engendra ennemisté contre le comte de Charolois.

Après avoir mené maintes dures et ventileuses matières touchant guerres et machinations encontre ceste maison de Bourgoingne, soubs le régnant en icelle, et par les quelles il sembloit que fortune envieuse de son hault monter pratiquast tousjours et produisist moyens pour la subvertir, comme se aultre bras plus fort que le sien l'eust en conduicte, qui lui causoit l'euvye, ce que vray est; car non de fortune, comme il pourroit sembler, etsuccessivement lui est accrue sa gloire, mès de divin aspirement luy a esté multiplié son eur, là où fortune ensieuvant sa loy s'est essayée tousjours au contraire. Or, comme les distinctes parties de cecy ont esté traictées clèrement en leurs lieux, par quoy moins besoing est de les résumer ici superflues, une maintenant, outrepasse des aultres , effrontable et hideuse en présentacion , se vient présenter à ma plume , choquant impétueusement contre ma main, et comme si le corps me eust rué à l'envers par l'inhumanité de son encontre, et mesmes jusques à estre fourvoyé d'entendement, quand si estrange et

énorme s'est présentée à ma face : c'est d’ung -

homme de basse condicion, que fortune desrisoirement avoit monté, et le quel, après estre enyvré de ses dons, dont n'estoit digne, l'a mené à fin si confuse que son nom n’est digne d'entrer en bouche. Car d’autant sont pires et impropérables ses euvres sur aultres

délinquans, comme sa toute povre vile con.

dicion estoit mal propre et toute indigne de son eslevement extrême quand nature ny grâce n'avoient riens mis en luy, si non mongresse fortune une aveugle attraction, pour donner honte et confusion mesmes à ses eslevans. Et fut ung nommé Jehan Toustain, homme brutal et de gros entendement et affaire , natif de Bourgoingne, jeusne nourry en la chambre du duc soubs un nommé ;mbert Toustain son oncle, bon vray preud’homme , non moins de petit lieu ; etle quel oncle J'avoit introduit à son povoir de ce que faisoit besoing en la chambre; ct l'aultre competament se estoit introduit pour sievire sa trasse, comme qui se voyoit en la voie dressée pour lui et ouverte, parce que son ‘oncle estoit viel et feble. Et le quel, venu à son terme, morut plain de bon los en Arras. Dont luy, qui estoit nepveu, et avoit le privé maintenement du corps , jà longuement obtenu soubs l'oncle, et par quoy maistre et valet s’estoient faicts lung de l'aultre ; et Jehan Toustain fut bouté en l'office et enrichi de ce qui escheoir lui povoit du trespassé. Assez tost se maria à une damoysel de court, à une nommée Isabel, fille à ung Jehan Mace-Fain de Digon , qui estoit assez riche de prest, et encore en grand attente d'ung sien oncle nommé Philippe Mace-Fuin, marié à Digon, homme notable. Par le quel mariaige , avec l’auctorité qu'avoit emprès du duc, le cuer lui commença à engrossir oultre mesure. Et avec fierté mal condaicte et venue si à cop, estoit rude homme de corps et mal aggréable en parolles. De quoy touttesvoies le duc, voyant et congnoissant clèrement qu'ainsi en estoit, si en dispensoit-il, et le passuit en

sa bonté, comme en terre n’avoit de lv plus begnin et mieulx dissimulant avec les siens.

Or estoit convoiteux oultre règle ce Jehan Toustain; et n’estoit office ne benefice, si demander le savoit, qui ne luy fut à gré. Avoit maistre, souverain de riches peuples et pays, comblé d'avoir, matières à manier plaines de meismes acquest. Dont luy, qui avoit l'oeil à tout , et tout luy sembloit-possible pour enffraindre et pour en faire son preu, tant acquist d'avoir que, le trop cent fois plus que ne luy duisoit, povoit estre à ung grand homme ricesse, jà-soit ce que nul grand chose ne le povoit assouflir. Si devint si grand cestui vallet et si élat de ce en la prochaneté du duc son maistre , le quel en ses vieulx jours s'esseuloit fort en closture, et venoit on à ly à danger, qu'à peine n'y avoit si grand de qui il tint compte, sinon les nepveux, et que per à per ne se comptast avec eulx sans révérance. Peu faisoit pour aultrui sans prouflit; et n’y avoit amitié,ne noblesse qui ne fust mise derrière pour promis argent. N’avoit vertu une seule en lui, par quoy il soit mémorable , mès vices et rudesses et descognoissance par deturpacion voyable. Estoit injurieux oultre bord, friant en vin et mangier, gros de conscience, indocte et sans lettres, irrévérent aux bons, de nulle vertu tenant compte; et si à aulcuns portoit amitié ou faveur, si n'avançoit:11 que méchantes personnes de ser»

blable qualité à 1y et nuls aultres. Sa femme comme ly s'estoit moult enfvyérie en sa fortune , et n’estoit joliette. Richesse si convoitoit-elle , jà-soit qu'elle n'en finast et qu’elle ne le mist sur son corps, car elle avoit le pourquoi; et avec ce, elle estoit tant au gré de la comtesse de Charolois que par faveur et mise elle en faisoit sa toute mi- #monne et tout son privé repos, et meltoit en elle souvent jusques à estre semblable en robbes et en aultres paremens, comme deux seurs. La quelle chose n'estoit point bien au gré du comte son mary, posé que par as*ez longue espace il en dissimuloit assez; mès comme le tousjours et longuement continuer le tannoit, enfin aussi en décéla son courraige , et monstra aucques près, que mieulx l'eust aimée loing de la comtesse

que près ne si féable. Car maintenoit aulcunes notes sur elle, dont moins la prisoit; et ly souverainement le comte aimoit honneur et netteté en sa maison comme en sa propre personne. Si se perceupt ceste Isabel, femme de fortune, comme son mary, que le comte de Charolois getoit hayne sur elle , et que de longue main avoit practiqué de la mectre dehors et de rebouter arrière. Parquoi, elle arguée et pensant soy vengier par son mary, Ou au moins trouver voye par la main du duc, que le reboutement n'auroit point d'effect, s'en dolu à luy; est à entendre à son mary. Lequel voyant le comte persister tousjours en ung voloir contre ly etsa femme, conceupt une hayne couverte contre ly par l'excitacion du diable. Et pertant cestuy repudiement à dur de sa femme , lequel estoit jà fait par effect, ne lui en #arda moindre corase que de mort tost ou tard, se avenir y poyoit; avec encore une aultre cause qu'il y mestoit : c'estoit que, voyant l'indignacion que le comte avoit contre ly et son maisnage, et que le duc estoit durement malade alors et en péril de finer, doubtoit que , si ledict comte parvenoit à seignorie par le trespas de son père, luy et son maisnaige scroient rués jus , et lui osteroit-on offices et le surplus de leur oultraige. Parquoi, regardant à tout, aymoit mieulx procurer mal préparable que atendre celle aventure; et s'esbaudy de machiner sa mort. Et reputoit moins, ce noble et vaillant prince, de le faire mourir, seul posteau de la maison, que tous ses enffans, les quels il avoit allyés à noble sang, demourassent en attente de perdre terres et seigneuries que leur avoit acquises, qui à tous lez achetoit et avoit moyen les acquerre. |