CHAPITRE LXV
Comment le roy Loys envoya menachier le due de Milan.
Il est de fresche mémoire encore, par le record d'or chy devant, que le duc Franchisque de Milan avoit loingement langui et trainé maladie , et de quoy pluiseurs de ses gens et de ses famillés se desesperoit du garir, tout ne plus ne moins, et eu ung meisme temps comme du duc de Bourgoingne, qui en ce meisme point gisoit à Bruxelles.
Or est vray que cestui duc de Milan, par avant son mal, avoit faict et donné trèves aveucque les Venecyens, qui anchiennement et de tous temps ont porté ennemisté ensemble. Si advint que Venecyens voyans ce duc chy languir longuement, et de quoy mort se povoit ensieuvyr, envoyèrent devers la duchesse et devers son fils aisné le comte de Pavie, leur dire que, se d'aventure le duc de Milan allast de vie à trespas , et Dieu feist son plaisir de ly, que pourtant ne se voulsissent esmayer aultrement qu'en ce qu'honneur et nature consentent à estre faict en tel cas, car touchant assistence , service, amour et toutte fidélité qui peuvent estre monstrés ne à prinche ne à princhesse, et d'argent et de puissance de gens, et de toutte libéralle exécution de povoir, seroient servis el assistés, et secourus contre tout homme ; donnant planement à entendre par ce : que paix et ferme amistié vouloient à 1y et à sa maison;
ce qui onques n'avoit esté veu par telle forme. Et sçavoient bien Venecyens que cestui de Milan n'estoit ghaire bien en grâce du roy de Franche, pour cause que fort et ferme tousjours assistoit le roy Ferrand aveucque nostre sainct père contre le duc de Calabre ; de quoy le dict roy Loys courrouchié lui manda maltalent et lui signiflia manasches. Mais le dict duc, non espoventé de parolle, et tel prince que se sentoit , et de pooir et de sçavoir, et de pays et de scituation, respondy, che dist-on, au messaige : que pour servir son allié et son parent, il ne faisoit chose de quoy le roy lui devoit volloir mal, ne par quoy il deust manascher ; et au fort, quand manasche y aroit et maltalent contre 1y pour ceste cause, se ny accontoit-il ghaire ou riens; et quand il vouldroit mettre à effect ses menaches par lui venir sus, il se deffendroit tellement, ce espéroit, que envers sa part n'en tourneroit nul blasme et moins encoire aulcun grief.
Euovers ce temps morut messire Franchisque Arragonnois, chevalier en son temps de grand nom, saige et vaillant, et lequel en guerre entre Franchois et Anglois, fist beaucoup à recommander pour le part que tepoit, car avoit esté ung des chiefs de guerre
CHRONIQUE DES DUCS DE BOURGOGNE. — Ir PART.
de son temps longuement vivant et régnant, et ayant mis et mené à fin mainte haulte besongne , comme il appert par les comptes qui en sont faits, là où ils devisent et tellement: que par sa vaillance il avoit esté esleu et recheu frère de l'ordre de la Ghertierre, longuement le portant; et puis la renvoyant, par faulte à ly faicte des Anglois, estoit venu servir le duc de Bourgoïngne son premier maistre, lequel, aveucque bel entretement que lui donna, le fist son gouverneur et maistre souverain de son artillerie. En quel estat il morut honnoré chevalier, en l'éage de environ 64 ans, shaire plus yhaire moins. Et fut mis en son office depuis messire Walleran de Soison, seigneur de Moreul, noble et vaillant chevalier entre tous ceulx de son temps aussi, et bien digne de mémoire, et lequel, ès guerres du duc contre le roy Charles, jadis avoit esté ung des plus renommés du pays de dechà aveucque le seigneur de Roye, son beau-frère, dont meilleur re plus vaillant le jour qu'il vivoit ne ceindit espée, ct lequel, à ceste cause, fut esleu en l'ordre de Thoyson d'Or; en quelle re ligion , après y estre entre environ ung an ef trois ou quatre mois, morut de belle avisée mort en sa maison, tout envers ce meisme temps, à la my-aoust. Dieu en aye merchyi
f4462] CHRONIQUE DES DUCS DE BOURGOGNE. —II: PART.
