PREMIÈRE PAGE
Cestui livre qui traite de paix est divisé en quatre principales parties : la première est récitative de choses veues; la seconde dispotative de choses en doubte ; la tierce productive ‘de vérité léale : et la IIII: déclarative de fiction mistique. Et comence l'acteur, disant :
L'ACTEUR
Comme entre diverses cures et soings de mon privé estat il m'eschit à tel fois tourner mes yeux aussi en ce qui est de publique
utilité et de grief gouvernement en ce royalme, là où j'ay contourné mes sens dès
mon enfance, et dont l’amour me fait convoier toute félicité, et vraye naturele pitié condoloir aveucq li en son dur affaire : ung jour passé, n’a pas long temps, come en l'endroit de si fais pensemens et regars me trouvay tout morne assis, et véoie à dur anuy de mon cuer le roy Loys roi de France soi estre mis sus en armes très puissament et avoir fait descendre son espoentable effort cha bas alencontre du duc de Bourgoigne le duc Charles, qui de son lez aussi s'estoit redoubtablement pourveu alencontre et tenoit les champs jà li mesmes, fièrement arroyé pour li respondre : dont oncques si grant paour ne me prist que à ceste heure, de la hyde quej'avoye de leur assemblement là où toute la ‘finale perdition de ce royame pendoit sans jamais recuevre :
* advint lors que, come en ces dangiers droit cy et en ces tribulacions je musoye , soudainement vinrent nouvelles que l'accord estoit fait entre le roy et le duc de Bourgoingne, et s'estoyent cédés tous deux de leurs quereles et questions en une amiable paix ensemble.
Dont aveucq ce que la joye m'en estoit grande, plus encore m'en estoit grande l'amiration de la soudaineté de la chose, ainsi venue en con- &aire de mon espoir, pour l'indisposition que
XX} je véoye entre les parties, pour d’une si grande matère faire legière paix. Et variay longuement entre croire et non croire, tant reputoyje la chose difficile ; et à dur y mis arrest. Peu à peu après toutes fois successivement je en 0ys la confirmacion plus et plus ample , tant par lettres que par personnes, etc. . . . . . ( Après quelques exclamations sur ce bonheur inespéré, vient ici le récit d’une vision pendant que l’auteur réfléchit dans sa chambre à la conclusion de la paix. )
