GEORGE CHASTELLAIN
tres et mstrumens prins et despechés à deux lez, seellés par seaulx , confermés par preuves, ratifiés par voluntaire renoncement à la foy Dieu qui l'enfraindroit, et soy octroyant que l'on peust cruciffier sur luy comme sur les Infidèles, et pour plus consolider l'euvre, prendre le corps de Nostre Rédempteur par indivis et égallement le user en fidelité de paix et d'oubliance de toutes choses passées. Dequoy le très fiable duc se cuidoit tenir aussi paré comme en la promesse de Jésus Crist. Et de fait s'y fyoit par aucun temps, et régnoit par le royaulme, à Paris et autre part , que tousjours les yeulx venimeux le regardoient d'ung mauvais Courgige ; et pour ce que aucuns l'imputoient à charge d'avoir bouté les Anglois en ce royaulme, dont l'excuse n'est pas si difficile comme l'accusation voluntaire.
Luy, après ceste paix fiïicte, pour monstrer son bon couruige françois , et qu'il estoit bien prince pour les en dégecter quand il vouldroit, comment qu'ils y fussent entrés ny à quelle occasion, certes , desirant le bien du royaulme sur tous les vivans , machina et délibera de les en débouter par puissance; et l'eust faict, si ne fut la fortune de sa prochaine mort. Mais le povre royaulme non estant encoire assez purgié de ses péchiés ne au plus meur de sa malédiction, le déable et les faulx hommes cuidans vengier leur grief (mais accrurent leur honte), conspirèrent , toutes promesses oubliées, une nouvelle desloyalle mort, pire mille fois que la première. Et touttes choses entre deux par moy mises derrière, et la mannière comment et par qui, finablement exécutèrent leur faulx et desléal propos en la plus hydeuse forme ct horrible qui se peut dire ny penser. Et de faict le meurtrirent à Montereau, comparu seu'ement à journée soubs fiance de paix, devant le fils de son souverain seigneur le roy, monseigneur le dauphin , jeusne enffant pour lors, dont les acteurs se couvroient, ignorant (veulle Dieu), et ainsi le croy, de leur mauvaistié. Dont si do- Joreuse, si amère , ne si infime mort oncques n'advint en crestienneté ne qui fut tant chier vendue ne achetée , et bien à male heure pour ceulx qui la machinèrent quand, par complaire à leurs mauvais appetis, eux mesmes se sont plongiés en profonde malédiction, et à la povre
(1429; France leur mère ont procuré le fardeau dont elle s'est noyée en pleurs. Si croy seurement, selon la qualité du cas, et considérée la ve= lunté en quoy fiablement il alla audit lieu, devant ung tel prince dont il ne se pevoit meflier , quoy que l'on luy en deyst (car ne pensoit, ne autre ne doit croire , que en ua ceur de fils de roy entrast trahison), certes que vray soit glorieux martir. Il a finé ses jours voire” aussi avant en salut comme les acteurs demeurent en perpétuel reproche. Et Dieu , pour le non perdre en l'autre monde, l'a souffert cheoir en ecstuy par le mejsme glaive dont il avoit féru , luy souffrant donner pusnicion par les mauvais en bon estat. Laquelle chose se duit juger en Dieu plus aimable correction que estroicte sentence.
O seigneurs ! icy mirez; donnez ui
petit d'arrest sur les esmerveillables divins jugemens ! Dieu mortifie et fait vivre. Il pugnit tost; il diffère longuement ; il pert les corps; il sauve les âmes, et souvent pert les corps et les âmes. Tousjours toutes voies euvre-t-il en équité et en droiture envers chAscua, soit en justice , soit en miséricorde ; et tellement que le battu en rigueur de justice ne se peut douloir de ceulx où il a fait miséricorde. Souvent ses battures semblent estre fureur ou malédictions qui toutes voies sont sintelles d'amour et apparément de salut.
Mais la congnoissance en demeure cassée et occultée aux hommes qui ne peuvent pas attaindre à celluy secret. Cestuy prince, icy' entendez , que Dieu autresfois avoit souffert cheoir jouvenceau soubs l'espée des payens, toutes voies en son service aujourd'huy l'aresouffert occire soubs détestable fureur humaine ! 11 sembleroit , par terrien jugement, que si Dieu ceste derrenière fois l'a pugny par droiture, que aussi bien la première le voult-il battre par couroux. Eertes laquelle chose , sans trop vouloir profonder les divins secrets , je ne puis concéder ; et saulf la grâce de ceulx qui vouldroient interpréter les choses en leur pire , je ne puis creire que Dieu, ne en ceste derrenière permission ny en la première desconfiture de ses champions, il ait ouvré ny par Couroux ni par vengeance, mais par évidente provision de salut et de miséricorde qui ne loyst pas à distinguer nÿ
à estre enquise des hommes. Les hommes sont ses créatures sur lesquels et èsquels il a fichié son oeul, son regard et tout son soing. Si se fault attendre en luy de leur salut et de la disposition de leurs affaires, comme qui siet et congnoit où et quand il doit faire et laissier, par voye non reprenable. Quans rois ou empereurs a on veu cheoir et estre vaincus en protection du bien publicque, en l'impugnacion des Infidèles, 2n l'augmentation de la foy , en la deffence de sainte église, là où Dieu toutes voies par juste et divine équité doit avoir agréable ses serviteurs, ses champions, ses povres créatures qui s'exposent voluntairement au péril de la mort à respandre leur sang et à offrir leurs âmes en l'honneur de son glorieux nom, de sa haultesse et de sa sainte foy; et toutes voies les soufre martirer et occire, comme sil avoit ses yeulx de miséricorde retiré en arrière d'eulx et les oubliés et habandonnés ; qui est chose non abhominable de le croire , mais de le penser, que telle desléaulté, telle impiété, telle dureté . de couraige peut jamais entrer ny estre consentue en nature divine. Qu'en est-il advenu plusieurs fois en la très glorieuse et victorieuse maison françoise, souveraine champioane de la foy? Les rois et les princes sou-
vent Dieu a permis trébuchier, avec multi-
tude du peuple, soubs la crudél'té des payens, comme en Roncevalx où les douze pairs morurent, Rouland et les autres ; le roy Saint Loys, prince d'une austère vye , relyé en divise amour et continent en vertu, deux, trois fois desconfy, toutes voies en Surye tirannisé, martirisé, luy etsa chevalerie sainte bagnée et noyée en leur propre sang, captive prise, et sa lignée en pleurs, en désolacions et en misères, comme si Dieu eust dormy ou les mescogneu: et puis n'a gaires, le jeusne, très valereux et corraigeux divin champion le roy de Poulaine, desconfy en bataille devant les Turcs, et meismes persécuté de mort avec le cardinal légat du sainct siège, escorcié tout vif en vitupère de nostre loy.
Si doncques tels et tels vrays serviteurs et Champions de Dieu, congneus justes et preudhommes, Dieu à suuffert périllier et vaincre, Botoirement en salut, pourquoy ne se doit-il entendre que aussi bien cestuy prince le duc
Jehan , lorsqu'il estoit desconfit en Hongrie, Dieu le permist pour le salut de luy et des siens, comme il a fait des autres, là où en euvre semblable le salut est tout manifeste.
Certes si doit ; et ne se doit imputer ne à couroux ne à fureur, ne à ven:eance divine, mais à très merveillible jugement de Dieu, qui ne donne pas seullement sallut et victoire, mais en corporelle baiture donne gloire à l'âme. Et sans nombre en sont les exemples qué l'on pourroit allégger de plusieurs crestiens princes desconfis en ceste manière soubs juste titre, soubs droiturière querelle et soubs divin service , là où en nostre jygement semble avoir malédiction. Toutes voies y a il entièrement gloire à la deité et mistérieux salut des vaincus ; et entendu qu'en la persécucion , tribulacion et batture des justes, des preud'hommes et des innocens, la royalle magesté de Dieu se gloriflie. Et des pécheurs estans en voye d'amendement et de conversion, tousjoursil euvre , il traicte, il dispose au plus près de leur salut par mort, par prinse, par desconfiture ou par espargne, comme il cognoit le cas plus estre expédient et salutaire. Dont souvent la cruelle et hastive mort est plus heureuse et béate que ne seroit la grâce de longue vie, comme je disois cy devant : Dieu mortiffye et fait vivre cely qu'il veult, et quand il veult, sans avoir regard aux murmures des hommes, mais bien au sauvement de ses créatures.
Ung Charles, conte de Flandres, prince très juste et très devot, oyant messe en l'église Sainct Donat à Bruges, et conférans ses mains charitables aux povres, dont estoit coustumier , fut tué et meurtry inhumainement par Cconspiracion de ses propres serviteurs , qui ne se.doubtoit de si hastive mort, ne que Dieu le deust permettre; ce qui estoit cas d'admiracion au peuple , que si dévot prince et si piteux aulmosnier povoit venir à si doloreuse fin. Pareillement l'empereur Henry, prince très louable en vertu et en bonnes meurs, et dont la mémoire, pour cause de ses mérites , doit estre perpétuelle . recevant le corps de son rédempteur Jésus Crist, fut empoisonné par cely meismes , ung Jacopin qui le accomunia et lui bouta le venin contenu en son ongle, avec la sainte
ostie , en la bouche , dont il morut violentement devant ses jours. Et le roy Richard d'Angleterre, par machinacion d’aucuns ses contraires, subgects toutesvoies et parens, prins, scandalisé et mené par dérision parmy la ville de Londres, sur ung petit chevalet, comme un fol, destitué de-son royal siège et de sa royalle puissance , et mis en prison par aucun temps, et gardé de son propre serviteur, de son naturel subgect , en qui il se fioyt de sa bouche et de sa vye, par commandement du duc de Lenclastre tendant à la couronne, fut tué et murtry et lamentablement exterminé, qui toutesvoies estoit prince en qui reposoit fidélité et preudommie autant que en prince qui jamais fut de sa région. Et pour la faveur qu'il maintenoit à la maison françoise, il parvint à ce martyre.
Qui est donc cely qui en tels et en tels jugemens divins qui sont si estrangers, si esmerveillables et si difficiles à congnoistre , et qui se font aussi bien sur les bons comme sur les mauvais, veult ou ose inférer murmure, par manière de condempner celui ou ceulx qui ainsi ou ainsi piteusement desvient , disans que péchié ou mauvaise vie les a menés à leur droit , quand, meismes les justes et les bons qui ne desservent nul mal, maintesfois terminent en ceste horreur ? Toutes voies est-il vray et notoire , et est l'espoir de nostre foy, que Dieu doit estre , et est en effect , tousjours garde et protecteur des bons; meismes des mauvais l’est-il journellement, aflin de les convertir. N'a-il pas souffert morir ses glorieux amis, ses glorieux saints en plusieurs tribulacions , en mainte dureté de tourmens, comme gens sans Dieu, degectés et vituperés de la face des hommes, et dont les tirans meismes qui les martirisoient ont esté aucunes fois, sur le lieu, percus de la main de Dieu, fouldroyés subitement et exterminés. Et ainsi {es bons semblent avoir esté battus de 1à hault, et les mauvais aussi ; mais soubs correction, les bons ont esté battus soubs divine permission par le franc arbitre des mauvais; et les mauvais par juste et droiturière exécution de la sentence divine. |
Si est la souffrance des ungs une mervilleuse et estimable gloire à Dieu , là où des autres est ung desservi et horrible exploit de
LA
GEORGE CHASTELLAIN
justice.Pour autant, à vous les hommes , qui voyez en divers temps les divers accidens de fortune, aussi les pitiés en diverses manières de douleurs, les rois , les princes, les autres hommes finir , perillier en telle manière et par telle, en quoy vos cœurs, vos pensemens et vos natures varient, merancolient et s'esbahissent, amoderez, amoderez vos murmures , et venez à jugement de saine aison, qui vous donne à cognoistre qu'en dure et violente mort peut avoir bonne fin, si bien qu'en doulce et souefve fin une très dure et très horrible mort. Car en monir sur lelit ne gist pas le salut, ne tout le grant perir en terminer soubs glaive. Les bons en meurent, les mauvais en meurent ; et sont ceulx reputés mauvais en nostre jugement , qui, pour l'heure que Dieu les prend, sont justes envers luy. Luy seul congnoit les bons et les mauvais; et comment que ung homme meure, ou entre la main de prestres, ou entre la mais de meurtriers, tousjours a-il ses yeulx de pitié là où sa divinité le semont , non regardant comme à nostre jugement , que nostre desterminée, que nostre faillible cognoissance y scente, à qui il n'appartient ny à savoir ny à enquérir les divins secrets, voire comme tieulx, car à luy seul est de discerner des fins et du salut des hommes , comme qui lescongnoit en dedensles ceurs, là où humain jugement ne peut attaindre. Les jugemens divins sont merveilleux, et n'est entendement qui en puist comprendre les voyes ; car si les uns sont en équité vers les bons, aussi sont les autres en miséricorde vers les pécheurs, lesquels Dieu espargne, supporte, réduit à cognoissance par miséricorde et en diverses manières de miséricorde. Arrière il les prend et les reçoit, etlesseuffre venir à différentes fins, comme les humaines fortunes, ses voluntés divines ou peut estre les secretes destinées portent, avec lesquelles, nonobstant qu'elles sont es-poventables à attendre, peut venir grant salut et une fin bien eurée, comme à cestuy prince féru , et à l’autre ( qu'ensi soit il premièrement trébuchié. :
L'espoire en Dieu a esté donnée et gardée souverainement au derrenier , pour les publiques apparences de son repentir.
avec la bonne volunté où il a esté précipiæ
et surprins de mort. Parquoi Dieu, qui ne veult pas la mort du pécheur, l’a prins (faict bon espérer) en bon estat ; mais l’a bien souffert pugnir, comme pécheur, pour parvenir à salut. Ciel et terre sont transitoires; mais la saincte parole divine ne peult estre enfrainte , disant : « De glaive fiert, de glaive sera féru.» Et d'autre part: « Dieu ne veult pas la mort du pécheur.» Comment doncques se pourront accorder ces deux : « Dieu ne veult pas la mort du pécheur », avec cestuy : « De glaive fiert, de glaive sera féru » ? Certes bien entendez ycy ; car, par ceste doloreuse - mort derrenière, je tiens vous en ouvrir la difficulté.
Le perfôrcié etsurquis prince, le duc Jehan, constainct violentement à devenir homicide, ou que autre 1e devenist , en luy dès lors , et sitost qu'il avoit féru , povoit doubter qu'il le reseroit par telle parolle qu'il dit : « De glaive fiert, etc. » Et toutes voies, dit l’autre, « Dieu ne veult pas la mort du pécheur, » non comme pécheur , mais bien en estat converti, auquel mertéternelle se transmue en mort temporelle non finable. Luy doncques, estant en cognoissance de son Cas, car moult saige et discret estoit, et prince très catholique , fait à penser que , avecques le traveil qu’il mettoit de faire son accord envers le monde, que sa conscience aussi l'accusoit de le faire envers Dieu , en qui grandement se sentoit mesprins par avoir mis la main en son sang si prochain, et dont tant de grans et horribles maulx pourroient naistre , que lors luy ayant ceste menasse devant ses yeux : « Tu as féru, tu le re-seras par irrévocable sentence divine, » certes bien devoit avoir maintes doloreuses et amères méditacions secretes , quand tant seulement , par jugement humain , il povoit congnoistre soy en estre d’évident péril, et la mort charuer et voliter tous les jours environ luy, considérant à quels et à qui il avoit à
faire. Car qui n'estoit seur devant que estre homicide , bien mal le devoit estre depuis.
Donoques , en pensant en luy-meisme : «Tu seras féru» , que peut on dire que ung tel prince devoit faire , ou se desesperer pour la promesse divine, disant : «Tu le seras», ou vivre en non Chaloir de si horrible et estroicte sentence? Certes ne l’un ne l’autre ne devoit, ne
le fit; car fermement croy, et bien y a paru, que le bon prince , puisque le meschief estoit advenu , s’en mist au droit ploy là où il s'en devoit mettre , et en conscience, et en honneur et en équité de raison.
C'estoit premièrement d'offrir et de faire amende à partie et reparation convenable.
Secondement , de soy mettre en devoir pour la tranquilité du réalme où il avoit inferé lésion. Tiercement de soy repentir envers Dieu de son meffait commis et de sa sentence promise , quand il se seroit mis en devoir d'attendre à sa miséricorde, toutes voies à son bon plaisir, fut de vivre, fut de morir, ou tost ou tard, puisque une fois à mort failloit venir, espérant aussi que Dieu peut bien convertir une sentence en une autre ; comme il fit de David de qui, pour la dure contricion qu'il fit, il transmua la sentence en autre verge.
Les deux points premiers il a fait et s'en est mis en devoir ; il a quis mercy.offert amende et fait reparacion. Il s’est traveillé de mettre le royaume en son premier estat.
Dont toutes voies 1l n’avoit esté cause de nul grief que par inconvénient du tiers, est-il tout cler à congnoistre par les deux premiers. poincts jà faits que sa repentance esteit grande envers Dieu ; car pour plus s’obliger au perpétuel bien et service du royaulme, confès comme ung prince catholique, bon fait à croire , print le corps de Nostre Saulveur, ensemble sa partye, en confirmacion.
d'amour et de vraye paix. Et lors soy sentant garny de son Dieu, de son protrcteur, qui est. miséricords et ne veult pas la mort du pécheur, en la bonne volunté qu'il avoit de là en avant , osoit bien et vouloit comparoir à toutes journées, où qu'elles feussent, et fit Dieu de luy à l'aventure qu'il luy plairoit ; non doubtant toutes voies que jamais soubs un tel contract d'amour et de paix jurée deust ou peust avoir fraude. Dont par vertu de grant couraige pour bien faire, et plain deferme fyance en Dieu, ilcomparu voluntairement à Montereau, contre le conseil de plusieurs, qui plus que luy se doubtèrent de male mesure ; et là, luy estant en cage, comme ung oiseau prins à la pipée , tellement que nul ne le pouvoit rescourre , infameusement , vilainement et inhumainement fut mis à mort de-
vaat royal conspert regardeur. O vous! seigneurs doncques , qui oyez ceste très piteuse et très vilaine mort; ne devez, par droite nature de noblesse , tenir faveur en jugement entre ces deux princes, dont l'un vous doit estre tant comme l'autre, chacun en sa qualité de droit. Tous deux estoient de la royalle maison, produits d'une rachine, partis d'ung ven-
tre, natifs d'ung royaulme; tous deux cres-
tiens, hommes raisonnables, tous deux François. Et vous crestiens , raisonnables hommes, et Franchois à l'aventure , que vous semble-il de ceste mort première? Que vous est-il advis de ceste mort seconde ? quel jugement y donnez vous? quelle différence y mettez vous ? quelle sentence y préférez vons ? que vous semble-il de l'offense première? et quelle réputez vous la vengeance seconde , en vertu et en droiture de noble couraige? Je vous conjure et prie que vous ostez faveurs , amitiés et affections , et en estroit de conscience discérnez quel jugement cy a fait Dieu à vostre advis, et quelle euvre y ont fait les hommes, ou salutaire, ou honnorable, ou vilaine. Pensez, songez et soyez justes et vrays juges ; car, posé que de la part de vous autres ceste mort derrenière a esté perpétrée , toutesvoies, pour non estre réputé l'injurieur de la très haulte et uoble nacion franchoise, ains le hérault et le croisseur de la gloire, seullement vous les acteurs et conseillers de ceste euvre je déteste. Si entendez icy vous les aucuns, vous tous les acteurs qui de ceur enfélonny avez dégecté mainte désordonnée sentence, mainte chargeuse condempnation sur ce noble prince; dont je ne m'admire que, qui l'avez osé trahir et murtrir contre honneur, si vous le lilasmez contre raison ; apprenez icy, apprenez à congnoistre quel ju- gement Dieu a faict de luy, et quel jugement en pourra cheoir sur vous cy après, si desjà : n'est cheu. Le juste et vray Dieu dont l'eu- : vre ne cloche, ne parolle ne ment, veullant donner aux‘princes exemple de non ouvrer jamais par voye de fait, pour pugnicion de la mort première inférée à ung prince, il a souffert que elle ait arrière esté réparée par mort de prince,non pas comme juge toutrigoureux en justice, mais plain de droiture soubs miséricorde. Et appert en ce, que le réal sang
GEORGE CHASTELLAIN
respanda cryant pour vengeance d'ung lez, en semblable qualité d'amende l'a satis'ait par son semblable ; et a fait pugnicion purement légalle, dont il ne vouivit ny ne povoit en rigueur de justice faillir au demandeur premier mort. Mais que pourtant il n'ait esté miséricordieux au second ; certes si a; et le preuvent plusieurs raisons. La première si est, que Dieu luy donna grant temps et espace de repentance. Et estoit son cas, à vérité maintenir, bien rémissible, pour cause que ce qu'il en avoit faict il le fit pour éviter propre péril. La seconde il luy donna sens et èntendement de recognoistre son mesfait et d'en devoir faire réparacion. La tierce, il lui donna la grâce de la requérir et la puissance de faire. La quarte , il luy donna la grâce de parvenir à paix et concorde, sur quoy il se vouloit arrester. La quinte’, il luy donna la grâce de vouloir procurer le bien du réaulme sur tous ses autres desirs qu'il pouvoit avoir ; et la derrenière et la plus grande , àl luy donna la grâce de recevoir son précieux corps en article de tout bon vouloir constant et permanable.
Dieu doncques , en estroite équité, veullant faire justice et donner pugnicion aux hommes ou en ce monde ou en l'autre, puisqu'il falleit par droiture au premier mort faire aucune satisfaction, povoit-il jamais la faire meilleure ne plus juste que en satisfaisant au premier par.mort temporelle, respiter le second et delivrer de mort éternelle. Certes nenny ; car par la seconde mort, la première a été satisfaite, en ce que le fereur a esté referu , tous deux esgales personnes. Et Dieu, pour sa repentance, avec le bon vouloir où il s'estoit mis, en a aboly le péchié soubs la souffrance de son martire et mort; glorieux martir, tramis en paradis , que vos mains scandalisées et planées du livre de vye ont cuydié déchasser en enfer, à la perpétuelle malédiction de vous meismes , les acteurs infracteurs de telle ‘paix jurée , promise et confirmée par communication du saint vray précieux corps de Jésus Crist. O hommes qui vous nommez crestiens et vous attribuez la haultesse et dignité de tel tiltre, qui est si précieux manteau , si précieux parement entre les autres généracions, estes vous Lels comme vous vous louez ? este
vous créatures sensibles ? avez vous entendemens raisonnables? Peult il en vostre ceur cheoir une telle horreur que de vous tromper d'un très hault créateur du ciel et de la terre, de mentir au vray fils de Dieu vostre rédempteur, de vostre juxé et promis serment, de faire cely blasphème au glorieux sainct esperit, donner voluntairement vostre àme au déable soubs semblant deceveux soy donnant à Dieu. O inhumains gens! o gens abhominables! nog gens, non déables, mais pires que malings infernaux esperits , qui faillez et mesusez ence que, si le déable l'avoit fait, promis et juré , il ne pourroit, ne vouldroit , ne oseroit ne faillir ny mesuser, et vous y fail lez! Ha! mauldictes gens! semence de Cayim :
et que pensez devenir après tels murires et si execrables traysons , et où Dieu s’est prins soubs promesse de pardon , soubs asseurance de paix et apparence de vraye concorde! vous vous mocquez de Dieu et de sa puissance , vitupérant sa haultesse et saincteté. O que grièvement en serez Pugnis , iniques gens infames et de malheurée naissance , cunceus et engendrés de pères mauldits en terre , avillés en entier, abhominés en justice, punissables par divine vengeance, non en Corps , non en biens , non en terre, non; non si heureux, mais à vostre très amère dernière confu- - sion, exterminables, dampnables et sentenciables au jour du jugement au plus profond des enflers. Là sont vos deineures ; là sont vos appertenances, avec les infernaux cituiens ‘ meilleurs que vous, plus diyynes que vous et plus véritables, quand seullement du moin de Dieu oyr nommer, ils ployent genoux , enclinent le chief, baillent révérence et gloire à leur créateur ; et vous par l'avoir prins , receu tout entier, tout glorieux, tout puissant en vostre indigne et abhominable sac, par desrision l'avez mescongneu, vitupéré el réputé vostre semblable; dont le corps en s0Yÿ ne pourroit porter la pugnicion, ny la terre la sousten\, ne fortune donner, ne entendement comprendre , condigne à vos démérites. Mais l'ame , qui est immortelle et perpétuelle en son estre, c'est celle qui en portera la souffrance à jamais ; et non pas tant seullement pour la mauvaistié du murtre, mais pour la desrision que vous avez faite de cely qui
vous a créé. O qu'oncques royalle maison vous donna couverture! qu'oncques région fran-
çoise vous a donné tiltre qui à esté le giron
de toute léaulté crestienne , de toute humaine fidélité, de toute vraye religion en Dieu! Et vous, en noiïrcissant sa haullesse et splendeur, en avez fait speluncque et forest de murtriers, caverne de 'ayson et une profondité de mauvaise minière. |
O malheurée et très infortunée France pour cely temps! dame toutes voies par avant spécieuse en beaulté, resplendissant en divine faveur, et sur toutes terriennes régions obtenant le triunphe de salut, poyre dame csplourée , princesse maintenant changée d'habit, muée de couteur, déclinée d'estat , des meismes yeulx dont autres fois as contemplé la haulte gloire de ton thronne , rerarde, te prye, la désolable inféhicité de ton siège, que Dieu, ou pour ton propre chastoy, ou pour le péchié de ton peuple ou peur l'orgueil de tes enflans, l'a fait naistre aujeurd'huy en ce souillement que il La commise en gouverne d'ung enflant en la garde du tuteur pervers, inutille pour suy et d'autuy gasteur. Si te recorde, miserable dame, recorde cestui proverbe qui dit: « Malheurée la terre dont le roy est enflant ! »
O povre defligurée, royne ! en faisant tes lamentacions , en vuydant tes pleurs, tes cris, les amertumes, tes infinies doleurs, si tu veulx satisfaire à ton martire et à la raige de ton mal, crye doncques tousjours, sonne et profère ceste parulle sans autre: « Mualheurée la terre, malheurée et mauldite, dont le roy est enfant! » Tu ne te pourras venger, ne dés0ler, ne furier en plus promps termes , en plus propres exclamacions. Car certes la vérité de cestui mot est seulle occasion de ton meschief, de ta ruyne et misère. Si en doibs parcourir la terre, faire retentir les cieulx, estonner bois, roches et montaignes par force de cris! Certes , et seront tes doleurs et afllictions toutes assez congneues en Ces!t'y CY, Sans effusion d'autres larmes. Dont si Dieu te eust voulu estre comme autresfois favorable en cestuy temps, de t'avoir recommandée à roy prudent et de bonnes meurs, les énormités , Cas et exactions qui Ont été commises emprés ton réal sceptre n'eussent eu sourse ne eflicace .
et ne se seroît ta haultesse opprobriée des !
mauvais, ne ton thronne enversé au bas par felons. Pleure! povre attristée mère ; crye ton infortune ; lamente seullement que Dieu permette d'une fructueuse rachine partir ung inutille gecton, ung rameau sans fruit qui gaste, qui diffime, qui scandalise l'arbre ; et en ramenant tes yeulx sur le temps passé, réclame, te prie, regrette tes devanciers , tes glorieux pasteurs de jadis, ayeulx, bisayeulx, vertueux princes et louables. Par leurs haultes valeurs et proesses , tu a esté couronnée de gloire et mise en thronne de splendeur, et souverainement te reposes sur ton derrenier conduiseur Charles le Quint, lequel, contre condicion de son estre et de sa propre nature , l'a produit le getton tout de semblable au tronc; parquoy quand tu ne peus trouver le fruit où tu souloies, tu languis, certes, quant tu ne devroyes.
