INTRODUCTION

. Il a esté sceu par l'univers monde comment, en l'an 4380, avec le nombre imparfait du rèyne du roy Charles VI, plusieurs grièves tribulacions régnèrent en France, à cause des doloreuses divisions et envies de deux princes, membres d'icellui, les plus puissans, monseigneur le duc d'Orléans frère audict seigneur roy d'ung lez, et monseigneur le duc Jehan de ‘Bourgoingne , fils au bon duc Philippe de l'autre. Desquels l’un , pour ce qu'il estoit frère du roy, et en éage et en sens, lui sembloit, pour manier et gouverner le fait dudict seigneur roy son frère , non bien maistre - de son sens, disposer de tous les affaires à sa ghise et intention, comme de fait il fit. Et l’autre estoit fils du bon duc Philippe par qui main et haulte preud'hommie , tant comme il vesqui, le royaume de France avoit esté maintenu en toute tranquillité et union comme par le pillier de tout son honneur. De quoy le fils, qui estoit prince de très-haulte vertu, d'ung vray couraige et homme de fait souverainenent à craindre, voiant tous les jours la gloire et clarté de son père rayer et estinceler à l’environ de luy, qui avoit esté si preud'homme, si aymé en France et si exhaulcé , et de qui le réaulme avoit receu tant de béneffices et tant de haultes administracions, et puis aussi, combien qu'il fut eslongié de la couronne d'ung point , si se sentoit-il trop plus puissarit de terres, de seignouries et de toute puissance que nul autre après le roy, dontil estoit germain Cousin et dont il ne querroit que ce que feu son père y avoit quis : c'estoit honneur, félicité, paix , amour, union, la gloire du royaulme et la conservacion du bien publicque , que son feu père lui procura en son vivant el de qui il désiroit sievyr les pas , luy estant tres-

passé. Si ne luy pleut ceste manière de pointe que l'autre print contre luy, et non pas sans cause, eutendu que par la faulte de l'accident qui estoit au chief, il entendait et congnoissoit beaucop de choses aler contre poil , qui n'estoient ny honnourables ny souffrables , et qui, en preud'hommie et en divine équité, plus estoient de rémédier que de souffrir (qui euist peu) : et avec le mauvais gouvernement et vicieuses euvres tournans directement en dé- Clin de laroyalle maison, qui luy desplaisoient, voyant soy estre l'unp des bras principaux du royalme contre qui l'autre nourissoit murmure et envyes et conspiroit de l’affoiblir en sa force ; qui estoit chose bien désolable de deux mains, en ung corps constraint par nature de royal sang, de soy monstrer homme non esbahy, ne à débouter, par tant fut il grant et puissant, puis que son bon vouloir ne povoit venir à ses bonnes fins désirées, et que les voluptueux couraiges desvoyés de raison et estains en lumière de justice, veuloient avoir et de fait prenoient , pour furnir la convoitise de leur orgueil , le maniement du réaulme, jà estant à l’yssue de sa eRCUS et à l'huys de son meschief.

Certes, non voyant autre remède que de soy barrer contre les envyeulx ses mesveillans, par puissance , dont il estoit aise, de luy meismes cautement tousjours dissimuloit vigoureusement.

Toutesvoies et très redoubtr ment se contint en France très long temps, qu que le voulsist veoir ou non; et qui que preissent les prouffis et les fruits en autrui messon , lui, malgré tous ses envieux , y obtint haulte et longue puissante domination par propre puissance. Et donnant tousjours préférence de lieu à son dit

8 GEORGE CHASTELLAN.

cousin le duc d'Orléans, comme raison le vouloit, car frère estoit et fils du roy, au résidu garda son droit et son appartenir plus fièrement que ung lyon. Et sans soy former partyÿe à nul, fors par inconvénient, en ce queil sentoit tel lui rire au dehors qui en dedans lui nourrissoit venin, dont il se faisoit à préveoir et garder, veu que gros poix et oultragieux inconvénient en pouvoit avenir, comme il fit, et dont l'amer record n'en sera jamais estainct. Me semble ycy assez convenable de venir prendre sentence qui me devra mettre en commencement de matière dont je veul ouvrer:c'est du fils dont je sens le père plus que villainement occis.

La cause toutes voies procédoit d'une autre doloreuse mort. Et ainsi, pour cause de l’une naissant de l’autre, il semble juste de les causer toutes deux par ung abrégié, et venir finablement à la très amère douleur que receut mon très redoubté seigneur monseigneur son fils innocent de leurs deux débats, quand la très villaine et très inhumaine mort de feu son noble seigneur et père lui fut annoncée.

Surquoy promptement je veul prendre de commencement de mon livre, escripvant la vie et‘haultesse d'icellui , avec les merveilleuses et haultes euvres faites par luy en son temps dignes de récitacion éternelle.

Le duc Jehan doncques, par légière délibération de sang esmeu, ayant consentu en la mort de son cousin et réallement fait faire . (comme les premiers mouvemens ne sont pas ‘en la puissance de l'homme , et vient-on souvent, après ung cas commis, à cognoissance premièrement de son délict, et semble souvent une chose légière , pensée qui puis se treuve de très grant paix quant elle est faicte), tantost sesentist avoir grièvement delinqué tant envers Dieu comme en son propre sang et honneur.

Et comme vray est que nul ne voit juste, que aucunesfois il ne chiet ou se despasse, comme David encontre Urye, qui par ses propres lettres l’envoya à'la mort pour jouyr de sa femme, qui estoit euvre mal faite et de grant reproche; si estoit-il toutes voies singulièrement aymé de Dieu, et n'a pas perdu son reng au siège des preux pour cause d'autressingulières vertus ; ainsi le duc Jehan, voiant la grandeur de son cas , se repenty et non pas sans cause.

Mais toutes couleurs et occasions mises derrière ce qui estoit fait, il lui failloit adviser nécessairement comment il pourroit mieulx boire ce qu'il avoit brassé, car boire le luy failloit. Or estoit il entré en ce dangier par inconvénient , et par aucun moyen luy sembloit-il qu'il en failloit sortir, au plus près et au moindre meschief pour sa seurté. Secrètement avoit esté sa mort conspirée premièrement par Orléans, et en couvert avoit ordonné la charge d'occire son conspireur. Aussi lui sembloit-il faisable de pouvoir faire légièrement ce de quoy il n'avoit jamais mis la main; et ainsi, soy meismes abusant par fol cuydier désavoa le fait, qui est toute la lésion de son honneur. Mais nul homme, dit-on, n'est saige en son propre fait, souverainement en mal; et vient-en voulentiers à commettre une faulte seconde quand on à fait la première.

Ainsi estoit-il de ce noble prince en qui couraige n'estoit cheu vilaine chose par læ longue et attameuse presse dont l’autre le surquist, voire mortelle, comme vous avez oy, constrainct maintenantmalgréluy d'avoirsouil. lié ses mains au sang de son proxime, l'ung des haulx hommes du monde; le fils du roy.Et donc il sentoit bien que pugnicion grande devoit cheoir sur l'acteur ; et ne seroïent oyes ny couleurs ny occasions , ne causes ne excuses quelsconques, pour la fureur des amis et adhérans du mort, cryant larmoyeuse vengance et promptement, et ne savoient sur qui.

Certes, non merveilles si cestui prince, perplex d'une si grant euvre , l'ayant fait faire sans conseil que de lui meismes et s'en cuidant nestoier, failloit de prime face en sa droite

: perplexité à prendre la voye plus saine à son

honneur, encoire lui estant à Paris, en fontaine de justice, où estoit le siège réal , avironné de toute sa progénie fort troublée de cestui cas, et toute déterminée à vindication, pour

‘exemple perpétuel, par justice. Ains certes

y peut avoir excusacion très pitoyable et plaintive, combien que mauvaise en fut l'euvre.

Mais selon le cas advenu, qui veult prendre recours à sa propre feblesse, se tel cas lui

advenoit, la chose n'estoit si blamable ne si

d'admirer, comme plusieurs en ont voulu faire fort grant chose. Car par aucune subtilité se

le dangier y estoit, ou par folle outrecuidance, mesprisant la dignité et haultesse royalle, soy déterminer à la mort ; car seurement, bien certain estoit que mort s’en fut ensievye, ou par sentence ou par fureur, et que l’une ou l’autre n’estoit eschappable. Mais le desconseillié duc, constrainct. lamentablement et pressé d'avoir souillié son âme, en nécessité de son grant dangier, délibéra légièrement deson honneur, cuidant plus paisiblement réparer iceluy que sa vye, ou peut estre ne le cuidoit blesser.

Toutes voyes, comme fortune aydoit à sa baudeur, et que Dieu, congnoissant la première rachine non mouvoir de lui, pour lui donner temps et espace de repentance, le voult encoires espargnier, finablement après avoir aucune espace faint cestuy fait, sinon à monseigneur de Berry son oncle tousjours monstrant visaige toutes voyes, qui lui meut d'ung grant asseuré couraige , se tira dehors Paris et s'en alla en ses pays de Flandres, où pour lequel temps il descouvry le fait et l’avoua publicquement le plustost qu'il polt. Et nonobstant toutes couleurs, causes et occasions par lesquelles il se povoit ou devoit justiffier ou excuser, au moins en signe de contrition du cas commis qui durement le chargeoit la conscience , mais ne povoit estre aultre, si se offroit-il, comme il devoit, à paix, à amende et à satisfaction honnourable et possible, partout et en tout là où il povoit penser qu'il est de faire. Et faisoit prononcier par ses orateurs devant les grans princes du royaulme, et meismes en réal partement, toutes les causes et circonstances de la mort inférée, et comment très lamentablement avoit esté provocquié à ce faire, par ce que meismes le mort premièrement avoit voulu mettre la main en luy.

Dont une grant part des escoutans plaindoient fort le duc Jehan et le condoloyent, et les autres à l'encontre l'accusoient de vilain murtre ; et sans vouloir congnoistre causes ne circonstances qui l’avoient peu mouvoir à ce, faisoient par leurs orateurs désordonnément mettre sur les espaulles du vivant fardeau de toute détestable reproché, plus certes voluntaire que raisonnable ; qui oncques toutes voies n'avoit fait le pourquoy on le deust blas-

CHRONIQUE DU DUC PHILIPPE.—INTRODUCTION. 7 failloit-il tirer dehors du dangier, puis que |

mer, que cestuy d'avoir fait tuer, et celer celuypéchié, qui, comme l'en dit, plus a enversé que glaive d'homme. Dont les secteurs de sa bende , avec aucuns de ses ‘serviteurs, fai.

soient les clameurs et les impétuenses poursieutes , et souverainement la vesve du mort, seur au duc de Milan, de laquelle autre part et ès aucuns livres est faite récitacion ; si en laisse à ce qui en est escript; mais ne fut pas de germe semblable à si royal sang comme les deux.

Si fit chascun son povoir, l’ung de justiffier et de colorer son délict, l’autre d'aggraver incessamment , voire par extrême desraison , sa partie. Et néantmoins tousjours traveilloit le tout desplaisant prince le duc Jehan devers ses amis, le duc de Berry, oncle à deux lez, et devers aucuns autres, de venir à aucune réparacion et confirmacien de paix, congneu et entendu qu'il estoit tel homme comme il estoit, si prochain du royal siège, puissant à toutes heures de povoir faire ung grant bien ou ung grant mal dedens le royaulme , et que le mort, par vengeance ny par guerre maintenir, ne se pourroit restablir ne révivre ; et devoit autant avoir le royal sang pour luy que contre luy; car d'aussi près leur estoit. Lesquelles choses pendant et traynant par longs détours de temps , que plusieurs tribulacions, misères et pestilences y entrecheurent , tant par les Anglois que par les Armignacs et par les parties qui se levoient à Paris à ceste cause, en confuse douleur et occision de maintes créatures, desquelles choses je me déporte, car n'est de ma matière fors de venir à la paix de ceste première mort , et puis à très honteuse machinacion de la seconde. Et combien que chose de si grant poix ne se povoit traicter en briève espace de temps, quelque labeur que l'on y meist, toutes voies en fin, pour éviter double mal et plus grant meschief pour l'advenir, par ordonnance du saint siège apostolicque et par la procuration des nobles saiges et preud'hommes du royaulme, et par l'intérest de tous les baults princes d'icellui, le roy, propre frère du mort, comprins dedans, paix fut faite , accordée , jurée, rémission demandée, abolicion donnée, repentance démonstrée devant Dieu et les hommes, char-

CT