CHAPITRE IX
Comment encore le dict Toustain fut attainct par accusation de gitfiseurs menus rchins.
Jehan Toustain encore de rechief fut rat-
tint et accusé de multitude de personnes :
de: meschancetés, dont lui vivant et en règne on ne s’estoit osé doloir. lt venoient les ungs et les aultres à qui le duc aultrefois avoit fait des dons et fait délivrer par la main du dict Jeban, que de cent escus non avoit fait délivrer pour soixante, et aultres sommes grandes et moindres; laquelle toutesvoies il comptoit entière. Et rappinoit ainsi à tous lez, jusques à estre devenu rice par excès, et jusques à achepter terres des barons, et allyer ses enfans en sang semblable. Car avoit allyé ung seul fils qu’avoit à une fillette du seigneur de Boussu, baron de Haynault, dont la femme estoit fille du seigneur de Lalaiog. Et par ainsy il avoit attrait à ly d'ung des haults sangs de Haïnault ; car pour ce temps, Boussu et Lalaing estoient en bonne estimacion entre tous les aultres pour cause que les personnes valoient autant que les meilleurs de ce temps pour le quartier.
Toutesvoies quand ceulx de Lalaing et Boussu virent cestui accident , et que Toustain estoit mort infàme , vindrent par commun accord vers le duc lui dire que : posé que l'alliance de leur fillette avoit esté accordée au dict Toustain pour son fils, eulx venus en éage, tonsidéré toutesvoies quels ils estoient et de quel sang, et comment ledict Toustain estoit finé honteusement et n'estoit que ung valletde-chambre , ils tenoient l'alliance à nulle; et de fait ce qu’oncques en avoit esté dict et promis ils le révoquoient et l'annulloient.
Et de ce requirent et prièrent son adveu; qui voulentiers s y consentit, et en mit le droit devers eulx, jà-soit ce que la vefve, qui moult pouvoit envers le duc, s'en monstra durement indignée envers les aultres, qui moult par avant leur avoit fait des services, à cause de l'alliance. Mès elle en fit comme folle. car n'estoit de nulle valeur pour eulx , si non par aveugle fortune qui maintenant estoit tournée.
GEORGE CHASTELLAIN
Ceste fille icy, qui estoit fille à ung bourgeois ae Dijon, avoit apporté avecq elle, quand ce Toustain la prist, et monstra monter à ax mille francs son vaillant de par elle. Dont parce que le duc, en commune voix, sembloit tout voloir confisquer 6e qui estoit délaissé de Toustain, vint au duc et luy pria que le sien au moins demorast franc; car, posé que son mari avoit délinqué, au moins elle disoit que n'en povoit mès, et ne le devoit comparer. Sur quoy le duc, qui tousjours estoit courtois aux dames, fist response et lui promist de lui garder son droit et de faire d'elle aussi plus, tellement que n'auroit cause de s'en plaindre, comme il fist en l'abregié ; car la laissa rice de cinquante mille escus, qu'en ung qu'en autre. Et pour finale issue de ceste matière, afin que jamès ne fust plus mémoire des enfans, le duc Îles jugea par sentence : que le fils seroit moine en Afligem auprès d'Alost , et la fille jacobinesse en une religion auprès Bruges. Dont la sentence fut accomplie et mise à effect.
