CHAPITRE VIII

Comment, après l'exécution du dict Toustain, pluiseurs larchins furent trouvés en ses coffres.

Quand ceste exécution fut faicte , le comte retourna à Bruxelles devers son père, qui dolant fut du cas advenu et assez en regret de son valet de chambre perdu, tant pour la longue nourriture de 1y, comme pour là privaulté qu'il lui avoit donnée envers sa personne. Car fault entendre que le duc, tout ce

qu aourri avoit, estoit de sa cordiale ameur,

et tant plus et plus y avoit privaulté. La rneuvaisué du cas toutesvoies lui fit abhormimer l'homme et l'ignorer. Si confisqua tout devers ly ce qu’avoit et le mist à sa table. Et furent aulcuns qui conseillerent au comte de demander au père la confiscation, qui montoit à un gros avoir : mès le comte respondit que jamés ne le demanderoit ; et ne luien chailloit ; car ne vouloit nuls biens d'ung traistre. Si en furent camus les conseilleurs, mès aultres y cuidèrent ruer qui y faillirent, car le duc les tint devers ly. Si furent tous visités les coffres et sellés, et mis le tout par inventaire ce qui y estoit. Entre aultres choses fut trouvé ung plat d'or, garni de rices pierreries, en ung deses coffres , lequel au grand bancquet que fit le duc à Paris, fut abscons et estors, ce disoit-on. Et le tenoit-on à perdu; et l'avoit ce Jehan Toustain subtilement celé et emblé soubs l'umbre de sa crédence, pensant ane iamès ne lui devoit estre imputé, comme ne fut , lui vivant ; ains l'imputoit-on à larrechin fait en une tele multitude, du costé des Franchois ; et n’en estoit plus mémoire, jà-soitil que de moult grand pris fust. Dont maintenant, quand le duc le trouva, perceut bien que point n'avoit esté si léal comme l’avoit tenu ; et jugea bien en ly meismes que, là où une si grand mauvaistié se couvroil, comme trayson , se povoit bien couvrir aussi le vice de larchin, et aultres maléfices. Et prestement avec ceste attaincte lui alla souvenir, et conta comment, passé an et jour, il avoit perdu cincq mille escus viels en ung sachet, de quoy jamès a’avoit voulu faire mencion de peur d'avoir le tort devers ly par souppeçon non juste, combien que nul n'en portoit la clef que le dict Jehan; le quel, pour la multitude d'aultres denniers et bagues, qu'il avoit en sa main , et qu'on l’avoit jamès rattainct desléal , ne l'osa imputer à luy; ains l'impüta à luy propre, comme le povoir avoir mesmes aloué, et l'avoir après oublié ; jà-soit ce qu'au vray savoir, le contraire tout argué et conclu, fut jupié et imputé très desléal et mauvais homme périileux. Et fut dommage avoir esté si près d'ung tel prince ni en teile créduncs.